Loading ...
Sorry, an error occurred while loading the content.
 

SURVOJE DE TUTMONDA ETIKO

Expand Messages
  • konkordo
    SURVOJE DE TUTMONDA ETIKO La 4-an de Septembro 1992 en Chikago (Usono), dum renkontigho de la Parlamento de la Religioj, 250 religiestroj el chiuj partoj de la
    Message 1 of 1 , Jul 22, 2001
      SURVOJE DE TUTMONDA ETIKO
       
          La 4-an de Septembro 1992 en Chikago (Usono), dum renkontigho de la Parlamento de la Religioj, 250 religiestroj el chiuj partoj de la mondo aprobis deklaracion, grandparte aranghitan de Hans Kueng kaj subskribitan interalie de Kardinalo Jozefo Bernardin el Chikago, de Dalai Lama kaj de reprezentantoj de Ekumena Konsilantaro de la Eklezioj el Ghenevo.
          Ghi estas komenc-punkto en la serchado de komuna interreligia etiko, celo de nia movado: ni ghin aprobas kaj aperigas en tiu chi numero de EKUMENISMO, lay traduko el la Angla teksto de nia redaktorino, Mary Thengavila.
       
                      La estraro de Tutmonda Ekumena Ligo
       
       
      PREMISOJ PRI TUTMONDA ETIKO
       
      La Mondo estas agonianta
       
          Tiu chi agonio estas tiel detrua kaj urgha, ke oni pushas nin doni nomon al ghiaj manifestadoj, por klarigi la profundecon de tiu sufero.
          La paco fughas de ni... la planedo estas detruata... la najbaroj vivas en timego... virinoj kaj viroj estas fremdaj unu al aliaj... la infanoj mortas.
       
      Tio chi estas terura
       
          Ni kondamnas la trouzojn de la ekosistemo de la Tero.
          Ni kondamnas la malrichecon, kiu sufokas la viv-potencialon, la malsaton, kiu lacigas la homan korpon, la ekonomiajn diferencojn, kiuj minacas la ruinon de tiel grandnombraj familioj.
          Ni kondamnas la socian malordon de la nacioj; la malkonfeson de la justeco, kiu marghenigas la civitanojn; la anarkion, kiu superelstaras al niaj komunumoj kaj la sensencan morton de infanoj pro perforto.
          Precipe ni kondamnas la agreson kaj la malamon en nomo de la religio.
       
      Sed tiu chi agonio ne estas neevitebla
       
          Ghi ne estas neevitebla, char jam ekzistas bazo por etiko.
          Tiu chi etiko oferas la eblecon por pli bona ordo je individua kaj tutmonda niveloj, liberigas la unuopulojn de malespero kaj kondukas la societojn for de la hhaoso.
          Ni estas virinoj kaj viroj, kiuj enbrakigis la ordonojn kaj la praktikojn de la mondaj religioj.
          Ni asertas, ke en la instruoj de la religioj trovighas komuna tutajho de bazaj valoroj, kaj ke tiuj chi konstituas la bazon de tutmonda etiko.
          Ni asertas, ke tiu chi vero estas jam konata, sed oni devas ankorau plie ghin valorigi en la koro kaj en la agado.
          Ni asertas, ke ekzistas nerevokebla normo, absoluta por chiuj esprimoj de la vivo, por la familioj kaj komunumoj, por la rasoj, la nacioj kaj la religioj. Jam ekzistas malnovaj gvid-linioj por la homa konduto, kiuj trovighas en la instruoj de la mondaj religioj kaj kiuj estas kondicho por monda elportebla ordo.
          Ni deklaras esti interdependaj unu de la aliaj. Chiu el ni dependas, por chies bonstato el tiu de la tuta mondo, kaj pro tio ni chiuj devas respekti la komunumon de la homoj, la personojn, la animalojn, la arbojn kaj la protektadon de la mondo, de la akvo kaj de la Tero.
          Ni prenas sur nin, chiu persone, la respondecon por chio, kion ni faras. Chiuj niaj decidoj, agoj kaj nekapablecoj en agado havas gravajn sekvojn.
          Ni devas trakti la aliajn, kiel ni deziras, ke la aliaj traktu nin. Ke ni prenu sur nin la taskon respekti la vivon kaj la dignon, la individuecon kaj la diversecon, por ke chiu persono senescepte estu traktata humane. Ni devas havi paciencon kaj akcept-senton. Ni devas esti kapablaj forgesi, lernante el la pasinteco, sed neniam permesante al ni mem esti sklavoj de la malam-memoroj. Malfermante nian koron al la aliulo ni devas forlasi niajn mallarghajn diferencojn pro monda komunumo, praktikante kulturon de solidareco kaj rilateco. Ke ni konsideru la homaron nia familio. Ni devas klopodi esti bonvolaj kaj bonkoraj. Ni ne devas vivi nur por ni mem, sed ni devas ankau servi la aliulojn, nenia, forgesante la infanojn, la maljunulojn, la malrichulojn, la suferantojn, la mallertulojn, la rifughintojn, tiujn, kiuj vivas en soleco. Neniu neniam devas esti taksata au traktata kiel dua-klasa civitano kaj neniu neniam neniel devas esti ekspluatata. Devas ekzisti egaleco inter viroj kaj virinoj. Nenian seksan malmoralecon oni devas fari. Ni devas nin gardi de chiu formo de superregado kaj trouzo.
          Ni persone garantias pri kulturo de ne-perforto, respekto, justeco kaj paco. Ni ne opresos, ne vundos, ne torturos, ne mortigos iun homan estajhon, forlasante perforton kiel rimedon por solvi malkonsentojn.
          Ni devas batali por justa socia kaj ekonomia ordo, en kiu chiu havu egalan eblecon atingi plenan efektivigon de homa estajho.
          Ni devas paroli kaj agi sincere kaj kompateme, traktante chiujn lojale kaj evitante antaujughon kaj malestimon. Ni ne devas shteli. Ni devas superi la avidec-regadon de povo, prestigho, mono kaj konsumo por konstrui justan kaj paceman mondon.
          Oni ne povas plibonigi la mondon, se antaue oni ne shanghas la konsciencon de la individuo. Ni garantias plibonigi nian konscion, disciplinante niajn pensojn pere de meditado, pregho kaj pozitiva penso. Sen risko kaj dispono al ofero ne povas esti efektiva shangho en nia situacio. Estas por tio chi, ke ni devontigas nin al tiu chi tutmonda etiko, por reciproka komprenado kaj por viv-stiloj soci-profitemaj, pac-agemaj kaj natur-respektemaj.
          Ni invitas chiujn, kredantojn kaj ne-kredantojn, same fari.
       
       
       Karaj homaranismanoj, mi promesis retajpi la tekston, kiun oni pli frue sendis chi tien en skanita formo; sed pro manko da tempo mi ne povas plenumi tiun laboron, kaj mi sendas nur la parton, kiun mi sukcesis retajpi.
       Pardonpetante,
      Nikolao
       
    Your message has been successfully submitted and would be delivered to recipients shortly.