Loading ...
Sorry, an error occurred while loading the content.

Huck Finn 18

Expand Messages
  • Gary Miller
    Sti logi; milita-kolumni cefa Grangerford es u gentili-pe. Kron an ko sponsa more kine ad infra tem matina, un holo famili sti sta ab plu sedi-mo, e dice u
    Message 1 of 1 , Aug 10, 2013
    • 0 Attachment
      Sti logi; milita-kolumni cefa Grangerford es u gentili-pe. Kron an ko
      sponsa more kine ad infra tem matina, un holo famili sti sta ab plu
      sedi-mo, e dice u saluta, e ne re-sedi, ante mu pa sedi. Singu pe
      habe un Afrika dulo tende gene servi— plus Buck. U paleo civili-pe
      habe poli kulti agri e ma poli de 100 Afrika dulo.

      La es un hetero gentili famili-fa— penta alo sixa famili— mega ko
      nomina Shepherdson.

      Uno-di Buck e mi pre es tele in silva tende casa plu zoa, e audi; un
      equs kine proxi a na. Buck dice: “Tako! Sti salti in silva!”

      Po veri mikro tem, u feno-boni juve andro dromo per equs longi via, e
      feno es homo milita-pe. An es juve Harney Shepherdson. Mi audi; u
      fusili-me de Buck gene akti. Po-co u kefa-ve de Harney kade ab kefa.
      Na ne sto dromo, a-kron na kine in domi. Sra. Charlotte tena alti
      auto kefa, tem Buck dice un info.

      Kron mi inkontra Buck topo plu zea-va infra plu dendro, mi dice: “Qe
      tu pa volu cide an, Buck?”

      “Ben, mi pa sura volu— es kausa u disputa inter bi famili. Un homi
      more habe u disputa kon hetero, e cide an. Po-co an fratri cide an.
      Po-co plu hetero fratri ex bi latu akti anti alelo. Po-co plu
      parenta-sibi akti. Po mega tem, panto-pe habe morta. Po-co es zero
      disputa.”

      U seqe di-mono panto na kine a religio-do, panto-pe epi equs. Mono
      horo po vora, panto-pe sub somni in domi, plu pe epi sedi-mo e plu pe
      in kamera. Kausa-co gene es non-interese. Kron sra. Sophia dice a
      mi; fe pa no-memo u pusi Kristo-Bibli, e lase id epi sedi-mo in
      religio-do inter bi hetero bibli, e qe mi fu pote kine, e gene id pro
      fe. Mi dice ja.

      Mi dice a se; es no-more, u gina este tali turba de u pusi
      Kristo-Bibli. Kausa-co mi seiso id. Po-co u pusi papira kade ko
      “Hemi po horo-bi” ge-grafo epi id.

      Mi kine a fluvi, tem puta de u-la, e tosto gene u ski; mi dulo kine seqe mi.

      “Sr. George, si tu kine a stagna-lo, mi fu monstra a tu u mega poli ex
      serpenti.”

      Mi cerka u topo u pusi tele, e kine ad aperi lo, mega homo u somni-ka,
      ko plu longi fito peri id, e detekti u somni andro la— subito, es mi
      Jim!

      An dice: “Mi pa gene mikro noku, e ne pote tako nekto, e es tele seqe
      tu. Fini, kron tu es epi tera, mi puta; mi fu pote kine a tu epi tera
      minus voci a tu. Anti-co kron mi vide u domi, mi lento kine. Oligo
      Afrika-pe pa detekti na plankto-ra topo natura unki longi ci, topo
      kurva, e kripti id epi mikro fluvi inter plu mikro dendro. Po-co mu
      tali poli dice de se; qo-pe debi habe id, mi tosto kine a ci, tende
      sto turba, per dice a mu; zero-pe ex mu habe id, sed tu e mi habe.
      Plus-co mi dice u qestio; qe mu fu kapti un habe-ra de uno leuko-pe, e
      gene plu flagela bate kausa u-ci.”

      U seqe di, mi sto somni kron di proto, e volu tropi se, e itera somni,
      kron mi gene u ski; es tali kalma— feno; zero-pe habe aktivi.

      Topo u piro-xilo kumu, mi gene un inkontra ko mi dulo, e dice: “Qo es de u-ci?”

      “Sra. Sophia pa fugi, veri fugi! Fe pa fugi tem noktu— zero-pe exakti
      ski kron— fugi tende game ko juve Harney Shepherdson.”

      Mi sti dromo longi fluvi via. Kron mi kine a vista-lo de dendro-bloka
      stora e piro-xilo kumu, topo qi plu vapo-navi kine a tera. Po-co mi
      repti infra plu dendro e densi-lo, a-kron mi kine a boni topo. Po-co
      mi skende a rami-uni de dendro Populus, qi es ab vista, e skope. Bi
      ju-an imedia sti dromo. U mono es Buck, u bi es u lepto ju-an ko 19
      anua.

      Subito, “Bang, bang, bang!” veni ex tri alo tetra fusili-ru— plu andro
      pa kripti kine dia silva, e kine a poste minus equs. Bi ju-an sti
      salta a fluvi— bi mu ge-vulna. Plus-co, tem mu nekto ko flu, plu
      andro dromo longi litora, tem fusili, e voci: “Cide mu, cide mu!”

      Mi resta in dendro a-kron skoto, tem este fobo de kine ad infra. Kron
      mi kine ab dendro, mi kripti kine longi litora u mikro tele, e detekti
      bi morta-pe, qi kumbe topo hidro margina, e tira mu, a-kron mi tira mu
      epi litora. Po-co mi moti u tegu epi mu facia, e tako fugi. Mi ne
      kine proxi a domi, sed sti dromo dia silva, e kine a stagna-lo.

      Mi ne du este kalma, a-kron u plankto-ra habe tri kilometra tele ab la
      e a meso de fluvi Mississippi.
    Your message has been successfully submitted and would be delivered to recipients shortly.