Loading ...
Sorry, an error occurred while loading the content.

Huck Finn 17

Expand Messages
  • Gary Miller
    Po hemi minuta, uno-pe dice ex fenestra, minus moti an kefa dia id, e dice: �Sto, mi plu kani! Qo-pe es la?� �George Jackson, senior.� �Si tu dice
    Message 1 of 1 , Aug 4, 2013
    • 0 Attachment
      Po hemi minuta, uno-pe dice ex fenestra, minus moti an kefa dia id, e
      dice: “Sto, mi plu kani! Qo-pe es la?”

      “George Jackson, senior.”

      “Si tu dice panto veri, tu ne debi este fobo. Betsy, sto moti u foto
      epi pedi-lo po ante porta. Qe, George Jackson, tu habe u ski de u
      famili Shepherdson? Sti kine ad ante— lento.”

      U kandela es epi pedi-lo. Po-co la es panto mu, tem skope mi, e tem
      mi skope mu, tem qarto minuta. Kron mi es in la, u paleo feno-gentili
      andro imedia sti klavi u porta, e moti u mega baci trans id, e klude u
      sekuri baci. Po-co an komanda; bi juve andro sti kine in la ko
      fusili-me. Po-co panto mu kine in mega sedi-ko, qi habe u neo tape
      epi pedi-lo, e kolekti se in gona, qi es ab plu ante-fenestra vista.
      U paleo gina dice: “Betsy,” (u-la es un Afrika-pe) “tu sti aktivi, e
      gene uno-ra, an fu vora, tako iso posi, u sti-simpati pe. Buck, sti
      duce u neo-pe, e prende plu aqa vesti ab an, e moti epi an de tu, qi
      es sika.”

      Buck habe u vista de proxi a iso anua de mi— 13 alo 14. Anti-co an
      habe ma mega de mi. Po na kine a supra longi skala ad an kamera, an
      dona a mi u ruga supra-ve e levia extra-va e poda-ve. Po-co mi moti
      mu epi se.

      Frigi pani ex zea, frigi piperi bovi karni, butiri e paleo lakti— mu
      dona a mi plu-la topo infra. Plus-co es zero ma boni ra, mi detekti
      po u-la. Es u forti gluko famili, plus u forti boni domi. Es u
      horo-me meso de piro-lo pla ko pikto de viki, ge-kroma epi infra hemi
      de ante vitri, e ko ciklo topo meso, feno homo heli. Plus-co pe pote
      vide u pende-ru, qi oscila po id. U tabla habe u tegu-te ex kali
      olea-te, kon u rubi e ciano tensio-pteri, ge-kroma epi id, e un holo
      ge-kroma margina. Mu habe plu pikto, ge-pende epi plu mura— cefa de
      Washington e Lafayette, e plu milita e Skotland Mary, plus ko nomina
      “Signatura epi u Deklara.” Es oligo, mu nomina per “krayon,” e mono,
      ex plu fe-fili, qi pa morta, e pa auto face, tem fe habe simpli 15
      anua. Panto-pe este penite de fe morta, kausa fe pa face plu skema de
      face poli tali pikto, plus pe pote logi per panto-ra, fe pa grafo; mu
      lase qo.

      Es plu kali fenestra-te in sedi-ka— leuko ko plu ge-kroma pikto de plu
      paleo alexi-do ko plu skende fito, qi tegu plu mura, e ko plu bovi, qi
      kine ad infra tende bibe aqa.

      Plus-co plu vora veri es boni— plus poli.
    Your message has been successfully submitted and would be delivered to recipients shortly.