Loading ...
Sorry, an error occurred while loading the content.
 

Huck Finn 9

Expand Messages
  • Gary Miller
    Mi volu kine, e skope topo, proxi nesia meso; mi pre detekti tem cerka. U topo es u sub longi klina buno alo tera margina, proxi deka metra alti. Po-co na
    Message 1 of 1 , Jun 1, 2013
      Mi volu kine, e skope topo, proxi nesia meso; mi pre detekti tem
      cerka. U topo es u sub longi klina buno alo tera margina, proxi deka
      metra alti. Po-co na detekti u boni, mega kaverno in petro. Kausa-co
      na re-kine a navi, e pulsa id per remi a kaverno latu, e fero panto
      kapti-ru a la. U kaverno porta es sufici mega de rola u kupa in la,
      plus ad uno kaverno latu u pedi-lo mikro tensio se, es plano, e es u
      boni topo de face u piro.

      Mi dice: “Jim, u-ci es gluko este.”

      “Ben, tu ne sio es ci, si Jim ne pa es ci.”

      U fluvi du leva e leva se 10 alo 12 di, a-kron id fini es epi plu
      litora. Es forti place-frigi e umbra in tele silva, klu si un heli es
      termo extra la. Uno noktu, na pa kapti u mikro mero ex navi ex plu
      dendro bloka— plu boni taba ex dendro pinus.

      Uno hetero noktu, tem na es topo nesia ante-lo, proxi pre heli foto,
      un eko-navi kine ko flu topo uest latu. Na skope dia u fenestra. Es
      uno-ra; qi kumbe epi pedi-lo in tele gono, qi habe u feno de un andro.
      Kausa-co Jim dice:

      “Saluta, tu!”

      Kausa-co mi itera voci. Po-co Jim dice: “Es u morta andro.”

      Jim bali plu paleo-te epi an. Anti-co an ne pa nece akti u-la— mi ne
      pa volu vide an. Na prende u paleo stani laterna, e u karni seka-ru
      minus manu-ru, e neo Barlow seka-ru de boni valu, e poli lipo kandela,
      e u stani kandela-va, e u bibe-ru, e u stani tasa, e u ge-skizo paleo
      kli tegu, e u bursa ko plu aku e spina e fi e tali-ma in id, e u
      skizo-ru e plu aku, e u piski kapti korda, paki iso mi mikro digi, ko
      plu fo-mega unki epi id, e u rola ex cervus derma, e un equs pedi-ve,
      e plu vasa ko medika-ma, qi ne habe epi se u bileta. Plus-co, kron na
      proto kine ab la, mi detekti u sub boni equs pektina-ru.

      Na re-kine sekuri ad eko-lo.
    Your message has been successfully submitted and would be delivered to recipients shortly.