Loading ...
Sorry, an error occurred while loading the content.

Ciklo Geo 13

Expand Messages
  • Gary R Miller
    CIKLO HOLO GEO PO OKTO-ZE DI ex Jules Verne 13 BACI = stick; some bacteria were first referred to as BACILLUS, because they resembled sticks under the
    Message 1 of 1 , Jul 11, 2010
    • 0 Attachment
      CIKLO HOLO GEO PO OKTO-ZE DI
      ex Jules Verne

      13

      BACI = stick;
      some bacteria were first referred to as BACILLUS,
      because they resembled sticks under the microscope.
      FANTASMA = ghost; FANTASTIC = beyond imagination
      PIRO = fire;
      PYROTECHNICS = fireworks,
      PYROMANIAC = someone who is insane regarding fire

      U skema es koragi, ple ko no-facili e posi no-funktio. De
      Passepartout, an es prepara de ali ra; qi fu posi gene postula.
      U duce-pe dice; "Cefa, mi es u Parsi, plus-co u-la gina es u
      Parsi." U boni India-pe dice u brevi histori de u-la viktimi;
      qi--so an dice--es u famo kali-fe ex demo Parsi e u fili de pluto
      komerci-an topo Bombay. U dice de u Parsi sti sura sr. Fogg e an
      bi socia de mu liberali skema. Po-co mu dice kon alelo de u mode
      de kine a viktimi.

      Kron noktu veni proxi 6:00, mu decide sti sistema mu peri
      religio-do. U Parsi; qi duce panto pe, repti minus fono dia
      silva, e po deka minuta mu detekti se topo litora de mikro fluvi;
      topo per foto ex plu piro-baci mu ne klari vide u piro-tabla ex
      xilo; epi qi jace u ge-prepara soma de u RAGIA; qi fu debi gene
      piro ko sponsa. Po brevi tem, u Parsi sto kine topo margina de
      no-densi-lo; qi habe foto per plu piro-baci. U Parsi kron kredi;
      es no posi viole kine a religio-lo, kine ne ad ante, sed duce plu
      socia a versi. Mu atende a meso noktu. Anti-co zero muta gene
      acide inter plu guarda-pe. Plus-co feno; mu ne pote fide; mu
      cede a somni. Po u fini konsili, u duce-pe klari dice; an es
      prepara te tenta, e kine ad ante, ge-seqe ex panto-pe. Ne es
      sati te kine a plu mura. Mu nece face un aperi in mu; Plus-co,
      te gene u-la tende, mu habe simpli plu marsu kultela. Mu proto
      ergo minus fono. Ko-co, u Parsi topo uno latu ko Passepartout
      topo hetero, proto laxa plu brika te face un aperi de lati de 60
      centimetra. Plu horo gene spende. Plus-co plu ma foto kroma
      kron dona u prognosi; u di fu veni. Anti-co kron ne es foto.
      Kron u poli sti kine. Mu fero u piro-baci, po-co panto xilo,
      ge-humidi per olea, subito gene piro.

      U paleo RAGIA ne es morta, ka an subito sta, iso fantasma, rapi
      auto sponsa per braki, e kine ab piro-tabla in meso de plu nefo
      ex fumi--u ra; qi klu sti ma fantasma an feno! Es Passepartout;
      qi pa kripti kumbe se epi piro-tabla meso holo fumi e, tem gene
      auxi kausa skoto, salva u gina ab morta. Po mono minuta panto
      tetra ex grupa lose vista in silva. Plus-co un elefanti tako
      fero mu ab la.
      ____________________________________________________________
      SHOCKING: 13" Macbook Pro for $91.72!
      SPECIAL REPORT: Macbooks are being auctioned for an incredible 85% off!
      http://thirdpartyoffers.juno.com/TGL3141/4c39d1776c60231189m06duc
    Your message has been successfully submitted and would be delivered to recipients shortly.