Loading ...
Sorry, an error occurred while loading the content.

2499Huck Finn 27

Expand Messages
  • Gary Miller
    Dec 29, 2013
    • 0 Attachment
      Mi du kine. U sedi-ka porta es aperi. Mi vide zero-pe in la, excepti
      plu morta resta de Peter. Seqe-co mi du kine. Anti-co u cefa domi
      porta pre es ge-klavi, plus u klavi ne es la. Po-co mi audi: uno-pe
      kine a kata longi skala po mi. Mi fugi a sedi-ka, e tako skope peri
      la. Seqe-co u solo topo, mi vide de kripti u saka, es in u morta-va.
      Po-co mi dromo trans kamera e po porta. Mary Jane kine a vorta-va—
      veri silento. Po-co fe leva u nasa-te, plus mi vide: fe proto
      lakrima.

      Mi kripti kine a kli, tem este sub tristi, kausa u tenta pa gene u
      tali seqe, po mi pa cepti u tali turba e u mega risko de u-la. Mi
      puta: kron na kine per flu cirka bi hekto kilometra, mi fu grafo a
      Mary Jane. Seqe-co fe pote itera fosi an ex tera, e prende plu
      valuta. Anti-co mu fu sura detekti plu valuta, kron mu kine, tende
      liga u morta-va tegu.

      Proxi a meso-di, un in-tera-pe kine a la. Po-co panto homi kine in
      la. Plus-co bi klepto-pe e panto ju-fe cepti plu sedi-lo topo u
      sedi-mo serie mono.

      Ben, u religio-dice es veri boni, sed sti-turba mega e sti-fatiga.
      Po-co un in-tera-pe silento kine a morta-va kon un heliku-ru. Mi habe
      sudo. Anti-co an sto ergo zero-kron. An facili sti glisa u tegu, e
      liga id, forti e no-moti. Seqe-co mi ne ski: qe plu valuta es in la.
      Seqe-co mi dice a se: sti postula: uno-pe pre kripti prende u saka.
      Pro mi es ma boni: tena kripti, e grafo zero-ra.

      Mu in-tera an. Po-co na re-kine ad eko-do. U Regi visita peri
      panto-lo tem vespera, e gluko dice a panto-pe, e sti veri ami se.
      Plus-co an sti un idea: an religio grega tele topo England este turba
      de an. Kausa-co an debi tako akti, e imedia ple de plu tera habe, e
      kine ab la ad auto eko-lo. Plus-co an dice: es sura: an e William fu
      viagia ko plu ju-fe.

      Seqe-co, u seqe di po in-tera, cirka di meso, plu hedo de plu ju-fe
      gene u trauma mono. Bi dulo negoti-pe kine a la. U Regi vendo mu, bi
      an-fili anti-flu a civita Memphis, e mu matri ko-flu a civita Orleans.
      Mi doxo: panto sti-simpati ju-fe e Afrika dulo fu frakti plu kardia
      kausa tristi. U ra sti u mega turba topo civita, plus forti poli homi
      direkti dice: es krimi: tali divide u matri ab plu fili.

      Kron ple matina foto, u Regi e Duce kine a stego-ka, e sti vigli mi.
      Mi logi kausa mu facia: es no-facili. U Regi dice: “Qe tu es in mi
      somni-ka pre bi noktu?”

      “Ben, mi pa vide, plu Afrika dulo kine in la oligo kron.”

      U Duce dice: “Tali vikto per mode, per qi plu Afrika dulo akti auto skema!”

      U Regi dice a Duce: “Na simpli nece cepti u-ci, e dice zero-ra.”
      Po-co mu kine ab la tem dice.