Loading ...
Sorry, an error occurred while loading the content.

2497Huck Finn 25

Expand Messages
  • Gary Miller
    Nov 24, 2013
      Un info es ad holo civita po bi minuta. Plus-co pe pote vide plu civi
      dromo, oligo ex nu ankora moti plu vesti epi se, tem mu kine a na.

      Kron na kine a domi, u strata ante id habe u densi poli ex plu homi ko
      tri juve gina; qi sta in porta-lo. Mary Jane sura habe plu rubi
      kapila. Anti-co u-la habe zero importa, kausa fe habe forti kali,
      kausa fe facia e bi oku; qi feno splendi, kausa fe este tali hedo; fe
      bi feno parenta sibi pa kine a la. Po-co u Regi skope peri la, e gene
      u vista de soma-va in gono epi bi sedi-mo. Po-co an ko Duce, ko mono
      manu trans bi skapa de alelo e manu bi a bi oku, kine a la ko lento e
      solemni, tem panto-pe kine a poste, tende dona a mu spaci. Plus-co
      panto soni e dice gene sto, tem plu homi dice “SH!” tem panto andro
      apo plu kefa-ve, e tristi klina plu kefa. Per-co pe pote audi; u sue
      aku kade. Ben, po mega tem, u Regi leva se, e gene plu forti este, e
      dice ko tristi ko poli lakrima e plu more verba, de es u forti turba
      pro an e fratri de lose u morta-pe, e lose un okasio de vide vive an
      po mega viagia de 6000 kilometra. Po-co an dice; an e panto sibi
      fe-fili fu este hedo, si oligo cefa ami de famili sedi ko mu tem
      vespera vora: pastora sr. Hobson, pastora-auxi Lot Hovey, sr. Ben
      Rucker, Abner Shackleford, Levi Bell e medika Robinson.

      Po-co Mary Jane fero a la u grama; fe patri pa lase po morta. Po-co u
      Regi soni lekto id, e lakrima de id. Id dona un eko-do e 3000 dolara
      ex kriso a panto fe-fili, plus dona u bovi-derma-bo (qi habe plu boni
      negoti) ko plu hetero domi e tera (ko 7000-dolara valu) e 3000 dolara
      ex kriso a bi fratri Harvey e William, e deskribe; 6000 dolara es
      ge-kripti topo qo in domi funda. Kausa-co bi falsi-pe dice; mu fu
      kine, tende fero mu a la.

      U Regi place bate u Duce topo skapa e dice: “O, u-ci sura es fo-boni!
      Sti logi, Duce; u-ci es ma boni de ULTRA-KOMPARI ZOA, qe?”

      U Duce dice: “Sti logi; mi habe u plus idea. Na kine a supra, e DONA
      id AD AN TRI FE-FILI.”

      “Es u maxi mira idea; un homi pa gene habe panto-kron. Lase; mu nu
      gene plu dubi, si mu volu gene— u-ci fu sto mu."

      Po na kine a supra longi skala, panto-pe kolekti se peri tabla. Po-co
      u Regi dona numera a panto valuta, e sti sixa kolumni ex mu. Po-co u
      Regi dice: “Ci, Mary Jane, Susan e Joanna, cepti panto valuta— cepti
      panto.”

      Mary Jane tako kine, tende braki peri an, Susan e kako-lipa-fe braki
      peri Duce. Po-co mi vide tali peri-braki e kisa zero-kron. Ben,
      po-co panto-pe itera sti dice de u morta-pe, e de an pa es tali boni,
      e an es u tali minus, e plu tali ra. Po mikro tem, u mega andro ko
      feno-feru mandibula pulsa se a la ab extra domi, e sta la, tem audi e
      skope, e tem dice zero. An ridi direkti ad an facia. Panto-pe este
      forti turba. Mu dice: “Sti logi, Medika!” Plus-co Abner Shackleford
      dice: “Sti logi, Robinson; u-ci es Harvey Wilks.”

      U medika dice: “U-ci es u maxi mali kopi; mi audi panto-kron. Tu es
      u falsi-pe, tu sura es! Mary Jane Wilks, tu ski; mi es un ami pro tu,
      plus u favo ami. Sti audi: Sti apo u-ci, u sti-simpati mali-pe.”

      Mary Jane sti bombasti fe— e, O, fe es kali! Fe dice: “Ci es mi
      reakti.” Fe leva u saka ko valuta ko no-facili, e moti id a bi manu
      de Regi, e dice: “Sti cepti panto 6000 dolara, e uti id pro profita
      per ali mode; tu volu, e dona a na zero rekorda de u-ci.”
    • Show all 2 messages in this topic