Loading ...
Sorry, an error occurred while loading the content.

2494Huck Finn 23

Expand Messages
  • Gary Miller
    Oct 19, 2013
    • 0 Attachment
      Kron vespera, u domi subito es forti ple per poli andro. U Regi veni,
      tem repti per genu e manu— nudi. An habe plu kroma-ma panto-lo epi se
      per plu zona e stria, panto kroma, splendi homo un urani arca. Proxi
      a 20 homi voci: “Qe, es panto-ra?” U Duce dona ad uno andro 25
      centi, e dice ad an; tena u porta mikro-tem. Po-co an fugi a skeni
      porta, tem mi seqe an.

      Panto na kine a plankto-navi iso-kron. Po bi sekunda na plankto
      akorda flu holo in skoto e silento, e kine a centra de fluvi, tem
      zero-pe dice klu mono verba.

      Po certa tem, tem mu somni e kola soni, Jim dice: “Qe, u mode, per qi
      bi regi du akti, ne sti mira tu, Huck? Bi regi de na es bi vulga
      mali-pe, mi puta tali.”

      Kron mi per uno mode sti; an dice de auto sponsa e bi fili: “Mi pusi
      Elizabeth habe simpli proxi a tetra anua, kron fe gene habe u pato
      Streptokoko. Anti-co fe pa gene sani. Po-co uno-di fe simpli du sta.
      Mi dice a fe: ‘Sti klude u porta.’ Fe ne klude- simpli du sta la
      tem labi-ridi. Kausa-co mi a fe dona u bate a kefa latu, qi bali
      no-sistema fe. Imedia po-co u venti veni, e subito klude u porta po
      mi fili, KERBLAM! e, O, mi fili ne este u subito! O, Huck, mi subito
      sti lakrima, e kapti fe a mi bi braki, e dice: ‘O, u sti-simpati
      pusi-pe! Un holo-forti Cefa Teo sti pardo Jim, kausa an fu ne pardo
      se un holo-tem; an habe bio!’ O, fe habe ple zero audi e dice pote.”