Loading ...
Sorry, an error occurred while loading the content.
 

An Béal Binn - Preasráiteas

Expand Messages
  • Aonghus O hAlmhain
    An Béal Binn Preasráiteas Tá sé mar aidhm ag an mBéal Binn Ealaíon Bhéal na Gaeilge a usáid mar uirlis éifeachtach i bpróiseas insealbhaithe na
    Message 1 of 1 , Sep 6, 2001
      An Béal Binn
      Preasráiteas

      Tá sé mar aidhm ag an mBéal Binn Ealaíon Bhéal na Gaeilge a usáid mar
      uirlis éifeachtach i bpróiseas insealbhaithe na Gaeilge i bpobal
      dhá-theangach Chill Mhantáin. Déanfar é seo tré foireann lánaimseartha a
      fhostú chun imeachtaí ag eagrú agus a fhorbairt. Le heagraíocht
      fhoirmealtá den tsaghas seo is féidir léanúnachas a chinntiú.

      Tá coincheap an Bhéil Bhinn, atá bunaithe ar smaoineamh a bhí ag Pádraig
      Ó Fearaíl, á fhorbairt ag coiste atá pleanáil na heagaíochta le trí
      bliaina anuas. Tá dea thoil agus tacaíocht dá réir leirithe ag an
      pobal. Tá maoiniú faighte anois ó Fhoras na Gaeilge, a chuireann ar ár
      gcumás dul ar aghaidh le scéim phíolóiteach agus fostaí a earcú len í a
      stiúradh.

      Is é atá i gceist le hEalaíona Bhéal na Gaeilge ná amhránaíocht,
      drámaíocht, scéalaíocht agus na foirmeacha eile Ealaíon a a eisíonn ón
      bhfocal labhartha.

      Tá sé i gceist go n-éagródh an Béal Binn imeachtaí rialta a bhaineann le
      hEalaíona Béil na Gaeilge, – ar lámh amháin ranganna agus ceardlanna,
      agus ar a bharr sin ocaidí a thabharfaidh deis dos na baill an méid atá
      forbartha acu a chuir i láthair an phobail – ceolchoirmeacha, drámaí,
      scoraíochtaí agus a leithéid. Tá sé i gceist freisin go nglacfadh baill
      páirt i gcomórtáis náisunta (m. sh. Slógadh, An tOireachtas, Féile
      Drámaíochta) gach bliain.

      Is i mbun earcaíochta atáimid faoi láthair - fostaí lánaimsearthe, a
      bheidh freagrach as eagrú na ranganna agus imeachtaí thuasluaite. Beidh
      oifig ar fáil freisin, chun go mbeadh teacht ag an bpobal ar eolas faoin
      eagraíocht, agus faoi imeachtaí atá faoin ár stiúir.

      Beidh an Béal Binn lonnaithe i mBré, Co. Chill Mhantáin. Cé go mbeidh
      sé ag feidhmiú go príomhdha i mBré beidh tarraingt ag an eagraíocht ar
      bhaill as na ceantair mháguaird – Bleá Cliath Theas agus Tuaisceart
      Chill Mhantáin. Tá an daonra thar 100,000 sa cheantar seo. (40,000 i
      mBré agus 12,000 sna Clocha Liath leo féin).

      Is ceantar í seo ina bhfuil suim leirithe le blianta anuas in imeachtaí
      cultúrtha trí Ghaeilge. Tá dhá bhunscoil agus iarbhunscoil lán-ghaelach
      agus eagraíochta ealaíona gaeilge i mBré. Tógfaidh an Béal Binn ar an
      mbunsraith seo.

      Breis eolais ó

      An Béal Binn Teo.
      Sliabh Chualann
      Bóthar Cill tSarainn
      Bré
      Co. Chill Mhantáin

      mailto:anbealbinn@...
    Your message has been successfully submitted and would be delivered to recipients shortly.