Loading ...
Sorry, an error occurred while loading the content.

10518Kang Jalal menulis lebih dari 40 buku

Expand Messages
  • ahmad
    May 16, 2013
    • 0 Attachment
      Saha ari K.H.Jalaluddin Rakhmat? Anjeuna tenarna disebat Kang Jalal.
      Ahli komunikasi, da’i, sareng cendekiawan Islam anu geus loba nulis
      buku. Langkung ti 40 judul anu geus ditulis. Dina jurnal atawa koran
      mah jigana geus ratusan artikel sareng puluhan kali diwawancara ku TV,
      radio, online, jeung sajabana.

      Salian ngajar di universitas, oge sok ngersakeun ngeusi pangaosan di
      Masigit Al-Munawwarah, jalan kampus babakan sari kiara condong
      Bandung.

      Kang Jalal pituin urang Sunda. Lahirna di Bojongsalam Rancaekek,
      Kabupaten Bandung, Jawa Barat. Putra lurah sareng ambuna ustadzah anu
      unggal maghrib nuju alit sok ngawuruk maca kitab koneng. Dugi kiwari
      Kang Jalal tiasa maca kitab-kitab Islam anu ngangge basa Arab dugi
      basa Parsi. Kitu deui kitab anu diseratna dina basa Inggris sareng
      Walanda mah geus teu kedah dicatur. Cobian bae ameung ka bumina.
      Lomari tepas imahna reumpeug ku kitab sareng buku anu wedalan sareng
      basana ngangge basa asing.

      Salian nyantri di pasantren, Kang Jalal sakola dugi S-3. Ginding, ti
      Ustrali doktorna teh. Anjeuna disebat pelopor elmu komunikasi di
      Universitas Padjajaran Bandung. Jigana ampir sadaya mahasiswa sareng
      dosen anu ngawulang elmu komunikasi mah make buku-buku anu diserat
      Kang Jalal. Hususna di widang elmu komunikasi. Malihan doktor agama
      ayeuna keur dikeureyeuh sarta sakeudap deui rengse. “Kantun sidang,”
      saur Kang Jalal.

      Dina unggal taun sok diulem ka luar nagari keur konferensi atawa
      seminar. Anu biasa mah ka Iran. Anjeuna disebat ulama Indonesia. Teu
      sabaraha lila kamari Kang Jalal diulem konferensi ulama Islam sadunya
      di Iran. Teras aya fotona nuju sasalaman sareng ulama Iran. Kantos oge
      disuhunkeun pidato payuneun Presiden Ahmadinejad.

      Kang Jalal numutkeun abdi mah kawas ulama kapungkur. Ulama ti Tatar
      Sunda anu kantos ka luar nagari sarta tenar teh di antarana: Nawawi
      Albantani, Hasan Mustopa, Abdullah bin Nuh, jeung sajabana. Kiwari mah
      jigana anu kasebat ulama anu tenar sadunya pituin urang Sunda…. nya
      Kang Jalal.

      http://sosok.kompasiana.com/2013/05/16/kang-jalal-ulama-kiwari-tatar-sunda-560856.html#

      --
      اَللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ