Loading ...
Sorry, an error occurred while loading the content.

Tulaai Leitung Thuthang tuamtuam updates September 16,2013

Expand Messages
  • Thang Khawm Pau ZOMI
    *Tulaai Leitung Thuthang tuamtuam updates September 16, 2013* * * ╖ Zogam Zomi te I ineihsa Guullu mual Sahang kamsung tunding phallohna itluatna hang
    Message 1 of 1 , Sep 16, 2013
    • 0 Attachment

      Tulaai Leitung Thuthang tuamtuam updates September 16, 2013

       

      ·        Zogam Zomi te I ineihsa Guullu mual Sahang kamsung tunding phallohna itluatna hang in Kawlgam sung pan Guulu Mual vaai naseempi ahi Tg Lian Tuang makaihna tawh 9/15/13 ni  nikaai nai 4 : 00 – 7 : 00 pm sungteng Siapi Tuanno’ inn (Alone ) ah, Pu Kamlian ( ZCD ), Siapi Tuanno, Steven Zakhai, SiaThangpi ( Tedim khua nu khuapa ), Tg Kappu ( GZA khangno ), Thatuang,Ko Kyaw Tet Win  (upper Chindwin youth network ) cih te tawh gullu vai nasitak in kikupna nei uha, 9/16/13 ni in Thumaan telkhehna Press Conference nasia tak in nei uhhi. Hih thuman telkhehna pawi ah media tampi tak pai a kawlgamsung a thuman telkhehna akineite lak ah athupi pawl ah kihel ci uhhi.

       

      ·        Kawlgam sung ah kum tul kum then izatkhit amaaizum huai khe mahmah mimal kitelkhehna ID laaidal card peen Smart Card akhauh mahmah bank card abangte tawh laihding in kumpi te kigingsa in om ci in Vuanzi U  Khin Ry in 9/15/13 ni in genkhia hi.

       

      ·        USA gam Washington DC khuapi a om US Tuilam gaalkaap te phualpi ahi  Washington Navy Yard sung ah migilo thum in mi bankaap in hiamtat uh ahihman in mi 12 si in akaap telak ah khat si in nih Capitol palik ten zongsaan laaitak uhhi. 9/16/13 ni peen 911 tawh kinaai mahmah a hih 911 kuanta ciang in US gam migilo te in ongdoden uh ahihman in tutung in zong Pentagon bang ah thukan kongcing miksi bangliang in koih pah mikmeek uhhi. Hih mikaap a upmawh asi pakhat peen Aaron Alexis kici kum 34 hi a Texas pan Gaalkaap Contractor lui khat ci hi.

       

       

      ·        Mexico gam sung nitum nalam pan leh nisuahna lampan  nasia tak in huihpi leh guahpi kithuah in 9/16/13  nawk gawp ahihman in Khuasung lampi innkiim teng tui in tuum ban ah men kicim zihziah ahihman in mi 23 sikhin ta in inn 20,000 vaal bang in meingah nawnlo uhhi.

       

      ·        Japan gam Laaizang teng Typhoon Man-yi kici huihpi leh guahpi kithuah in nasia tak in 9/16/13 ni in nawk a tuciangciang thukizaakna ah mikhat si in 3 mangthang phot, mi 400,000 bang in inn le lo nuamsia in cimawh in taaikeek mang uhhi.

       

      ·        Philippine gam Zamboanga khuapi sungteng ah Muslim singnuaimi te leh gaalkaapte kikaapna nasia tektek ahihman in gaalkaap te in Helicopter zang in thaupi tawh 9/16/13 ni in bankaap ngekngek uhhi. Singnuai mi tenbel Muslim gamkee kangahdong uh kakhawl keiding uh hi cinong uhhi.

       

      ·        Syria Tual gaal sung ahi August 21 ni Damascus khuapi a kikaapna sung ah kizaang Vante sung ah Chemical gaalhiam akizanghiam ci a ,  UN Chemical sittel te in simple la in asitna uh 9/16/13 ni taangkokhia ta uha, hih August 21 ni a kizang gaalvan lak ah Sarin Gas kizang taktak hi ci in genkhia uhhi. HIh UN te in miliamte I  zun, Si leh misi te samzang asitna uh ah 85% na om mawkhi ci in Mr Ban Ki Moon in 9/16/13 ni in genkhia hi.

       

      ·        Russia te in bel apau nading uh theinawnlo ahihman in maaizum seelna in hih gaal kikaapna ah kumpi langpang tapong te in zong thauzang ahihman in kumpi lam maw Tapong lam azang kitelkei ci nemnum uhhi.

       

      ·        Syria kumpipa A Sad  leuleu in  ko hih Chemical nacihte uh banghiam kathei ngeinaaikei uh koi bangdaan a zangtheiding ??  hih ko ongdo tapong te gamkhang to mahmah US ,Britain, French cihte in gaal vantawh ahuh uh hiven ngaihsun ziau vuau ci in Tapong lamte ngawh hiau hi.

       

      ·        UN Security Council in  9/17/13 ni ciang in Meeting neiding uh a bangcibang a suding cih Draft bawlding uhhi. UN General Secretary Ban Ki Moon in hihpeen war crime himawk ahihman ngaihsun vuau ci  hi. US, Britain  leh French te leuleu in UN ah nasia taak suto ding ci uhhi. Russia, China in Veto thuneihna ongzangding cileeng muhnop khadi hi ei guai te ,…

       

       

      UN Chemical sittelte muhna athupulaak khiatna uh anuai a link ah

       

      http://www.documentcloud.org/documents/787386-secretary-general-report-of-cw-investigation.html#document/p2

       

      ·        Korea gam sak le khang kizopna  Imjin River guunpi sung ah papi khat 9/16/13 tuaksuk in North Korea gamlam kantanding in tuipeek a South Korea gaalkaap te in khawl in ci in tamvei pi thupia himah leh khawllo ahihman in kaap lum ek uhhi ci in S Korea te in taangkokhia uhhi.

       

       

      Thuumna: Laaimal kikhialkha leh laaimal kilawmlo, ani ache akituaklo kha akipan kisapna tuamtuam aomkhaak aleh ngaihdambawm ah nongnakhiat sak un maw

       

       

       

      Zomipau

      http://buanli.blogspot.com

       

       



      --
      Thang Khawm Pau ZOMi
      1009 Bryant Way Apt B
      Bowling Green , KY, 42103
      USA
      Cell- 270 -217 9593

      Itna icih bangcihtheih ding ihihiam cih leh Khris in eite ading in anuntakna hongpia hi. Eite zong i khristian imipihte ading in inuntaakna ipiakngamding ahihi. (John masa 3:16)

    Your message has been successfully submitted and would be delivered to recipients shortly.