Loading ...
Sorry, an error occurred while loading the content.

Eite' Kilawm Lawhna Jesuh Bek

Expand Messages
  • suang dal
    Eite’ kilawm lawhna Jesuh bek, bek bek bek!!! Jesuh Khrih pen Pasian kimlai mihingin hong suak a, mihingin a suak bek hi lo-in sawltaak (servant) sal hihna
    Message 1 of 1 , Sep 1, 2013
    • 0 Attachment
      Eite’ kilawm lawhna Jesuh bek, bek bek bek!!!
      Jesuh Khrih pen Pasian kimlai mihingin hong suak a, mihingin a suak bek hi lo-in sawltaak (servant) sal hihna dinmun la-in a kisia a kihhuai leitung mite lakah nasem dingin hong piang khia hi zen hi. Tua banga sal (servant) cih ciang bek hi lo lai-in Pasian thukham khempeuh a thuakna le a nuntaakna tawh paubaang het lo-in thumaan takin a zuih zawhna panin singlamteh tung nangawn ah a sih dong ciangin ong koih suk lai sawnsawn hi. Hih zah dongin thuaknate’ tungah thuakna ahi Singlamteh tung nangawn pan “ka Pasian ka Pasian aw banghangin kei ong taisan na hi hiam?” cih zah dongin Pasian nangawn in a et ngam loh ih mawhna hangin eite’ thuak ding gimna Jesuh bekin na thuak ahi manin tua thuakna le sisan taakna pen eite Pasian mai-ah ih kilawm lawhna (propitiation), gal hihna pan tate cihna zaa ih ngah hilhialna thu ahi hi. Hih zahta a Pasian ong itna pen itna te’ tungah itna ahi hi. Tua bang itna maan ih neih theih nadingin Jesuh Khrih itna eite tungah hong kiletsong ding kisam masa hi hang (1 John 4: 8-11). Hih Jesuh Khrih ong itna thu hangin Pasian in a lianpenin amah koih a, min lian dang khempeuh sangin a min lianzaw-in a koih hi. Tua ahi manin vantung, leitung, leinuai-a om mi khempeuh in Jesuh pahtawi-in khukdin’ ding uh a, Jesuh in Khrih, Topa ahi hi, ci-in taang ko-in Pa Pasian a min thangsak ding uh hi, na ci hi.
      Tua ahi manin a thakin hih ih Topa Jesuh Khrih lungsim puakzia en-in, ih lungsim puakzia (motivation) maan lo pawl khat kikhel ding hi hang. Khatna ah, ka tu ka ta te a pil a siam ciang bekin USA ah sam ning cih lungsim panin a pil lopi a siam lopi mah sam ning. Pantah ning cih lungsim pua ding hi hangh. Zomi te buaih kipiakna ah Mangpau te niam thei lua lai, maizum huai-lua lai-in ka pau tha dah ci lo zawin a siam lo lak mah ah ka pau ciang etteh tak ka hihna le kei adingin zong angtan huai zaw a hihi, cih lungsim puak zia nei ding hi hang. Kawlgam hun hong hoih leh kiciah henla Lai Siangtho Saang kihong leh cih lung sim puak zia panin hun hoih loh laitak mah a kipat ding hi zaw hi, cih lungsim puak zia nei zaw ding hi hang. Banghang hiam cih leh Kawlgam hun hoih khit teh nang na kisapna kiam ta ding hi. Hun hoih loh laitak mahin na kisapna lian mahmah zaw hi. Hoih hun ngak ding hi ngei lo hi.
       
      Mangpau Kawlpau a siam mahmahsate lakah nang kisam nawn lo zaw hi teh. A siam lote lakah na Mangpau na Kawlpau kong kisam uh hi. Ahi zongin ih thuak ding khat om a, tua in Zomi hi lo maw? Zopau in pau peuh cihte pawl hong om veve ding hi. Zopau in pau kei ni cihna hi loin Manglai Kawllai siam a kulna a gen nuam ih hi hi. A zawngteng lakah na hauhna kisam hi. A hai laiteng mah in a pilte kong kisam uh hi. Na tu na ta a hai a mawl teng mah USA ah samin la pantah in. Ahih kei leh Kawlgam ah a om ahi zongin na sum na pai, na pilna le na siamna khempeuh tawh na mipihte pantah in. Ahi zongin ih thuak ding khat om a, tua in kipil sak hong kicih ding thu hi zel hi. Banghang hiam cih leh a kipilsakte lakah nasem ding ih hih man ahi hi. A pil a siam khin hi uh leh nangma’ makaih le pattah kisam nawn lo hi. Ih Topa Jesuh mahmah in zong bang na ci hiam cih leh “kei cidamte le midikte adingin ahong pai ka hi kei hi. Ci damlote le mimawhte ading bekin ahong pai ka hi zaw hi” ci hi.
       
      Hih bangin miginalo, mi cidamlo, mi zawngkhalte le a kipampaihte tankhia dingin ahong tung ding Jesuh suah lungdamna phawkna (the greatest happy birthday) in eite tawh khatvei a thakin ong kip suak manin ih lungsim puakzia, ih sunglam thupuakzia ahi (motivation) maan a nei thei dingin Topa Kha Siangtho in a thakin ong huh ta hen la, Jesuh pen tanpa bekin nei lo-in Topa in ih neihna tawh ih nuntaakna ah amah a ki-uksak ngiat minam Zomi te ahi dingin hihna thum tawh kidim Pasian khat ii ahong siansuah gupkhiatna in tu le a tawntungin a thakin kip paisuak ta hen! A kihhuai, mimawl mawhnei nang le kei ong nusia cip lo-in eite’ lak ah Jesuh ong kibual suk manin eite khempeuh upna tawh Pasian’ tate cihna zaa ih ngahna pen Jesuh Khrih hang bek hi a, tua Jesuh Khrih bek pen eite’ kilawm lawhna thu ahi hi. Tua mah bangin a ithuai lo mite le a buai huai mite taisanin gamnuamna mun bekbek zuan lo a, a it huai lo a buaihuai mite lakmah ah teng tinten a, Pasian’ na semin itna ih lahna pen a kisam pen thu hi zaw hi. Khrih hangin nang le kei in kilawm lawhna nei zo ih hih leh eite’ hangin zong thu um nai lo ih veeng ih paamte in zong tua kilawm lawhna eite tungtawnin a ngah theih nading uh kisam hi.
    Your message has been successfully submitted and would be delivered to recipients shortly.