Loading ...
Sorry, an error occurred while loading the content.

Jesuh Khrih Mihing-Pasian (the God-Man)

Expand Messages
  • suang dal
    Jesuh Khrih Mihing taktak Isaiah 9: 6; Luka 2: 14 Jesuh Khrih pen a koici bang mi hiam? Jesuh Khrih pen za ah za mihing, za ah za Pasian ahi hi. A kawng
    Message 1 of 1 , Jul 10, 2013
    • 0 Attachment
      Jesuh Khrih Mihing taktak
      Isaiah 9: 6; Luka 2: 14
      Jesuh Khrih pen a koici bang mi hiam?
      Jesuh Khrih pen za ah za mihing, za ah za Pasian ahi hi. A kawng tungsiah mihing, a nuaisiah ngasa cihdan nam bel hilo hi. Pasian mihing-in a hong pianna hangin theologian te’n Jesuh Khrih pen Mihing-Pasian the God-Man na ci uh hi.
       
      Thum hihna tawh kidim Pasian Khat
      Pasian pen mihing thum kigawm khat suah hun a nei ngei cihdan hilo zawin Pasian khat thum hihna tawh kidim hizaw hi. Not three in one but One in three persons. Tua ahih manin Pa-Pasian, Tapa-Pasian, Kha Siangtho-Pasian kici hi. Pa pen Ta hilo, Ta pen Kha Siangtho hilo, Kha
      Siangtho zong Pa le Ta hi ngei lo hi. Pasian khat bek hi a, Pa Ta Kha hihna thum tawh kidim hi. Hih thumgawm (Trinity) thu i up kei leh Khristian upna maan hilo hi.
       
      Nisuahna lam Pawlpi (Eastern Church): Hih Pawlpi in Pasian’ hihna thum teng masak in thumgawm Pasian khat cih lamin khia uh hi. Thum thu tawh pan uh hi (The persons of the trinity—three persons in one essence). Pa, Ta, Kha teng lak ah Pa pen a kipatkhiatna bulpi hi ci uh hi. The Father alone is the “fountain of deity” a bulphuh nop man uh hi.
       
      Nitumna lam Pawlpi (Western Church): Hih Pawlpi in Pasian tawh panin, Pasian khat thum hihna tawh kidim cih lamin khia hi (Onc essence in three persons). Pa Ta Kha a lianzaw a neuzaw omlo hi, cih lamin khia hi. Panmun tawh kisai ah bel a sawl Pa le a kisawl Ta (Subbordinationism) thu um uh hi. A kikimna bulphuh uh hi (Equality of the Son with the Father).
       
      Kammal “Thumgawm” zatna pen a Thu a tel khinte a’ dingin phamawh lo a, a tel nailote genciana ah thum kigawm Pasian khat a piang a sakloh ding uh hilh cian kul hi.
      Pasian khat thum hihna tawh kidim Thu (Trinity)
      Biakna dang khempeuh in Thumgawm Pasian khat (Trinity) thu umlo uh hi. Kawlbiakna in Pasian khat bek thu a gen zel uh hangin a um lo uh hi a, Muslim biakna leuleu in Pasian khat bek thu um uh hi. A taktak in ci lehang khat a sit sungah kigawmna thu om hi. Mihing zong a sungah tampi a kigawm ciang khat sit suak thei pan hi. Ahi zongin Kawlte’ cihdan a pasian tampi kigawm thu bel a gen i hi kei hi. Biakna dangte zong a upna uh a kibat het loh uh hangin thumgawm (Trinity) Pasian’ thu le Jesuh Khrih lungdamna thu langpan nading vai khempeuh ah kithutuak pahpah uh hi. Muslim te a’ tawh kibang loin Judah mite in zong Kha Siangtho thu, Messiah thu um uh a, Pasian khat thum hihna tawh a kidamna thu na pom uh hi. Ahi hangin tua Messiah Tapa Jesuh pen Judah mite in na um lo citciat kha uh a, tua mun ah Khristiante tawh kilamdang hi hang. Khat a sit lote sungah kigawmna bangmah omlo ahi manin suangtum bangin nuntakna nei lo hi. Khat a sit sungah kigawm khopna om hamtang hi. Si le sa pumpi le kha kigawm hi.
      Jesuh pen za ah za Pasian-Mihing hi cih upna pen Khristian upna laigil hi a, tua thu ih up theih nadingin thumgawm (trinity) thu up kul san kul hi. Trinity thu upna pen upna maan taktak ngah nadingin konghonna tawhtang pi khat na hi masa hi. Jehovah’s Witnesseses te’n Jesuh Pasian taktak hi kei a kipiang sakte lak ah gah masa hi bek hi, ci-in lai hawm ziahziah ta hi. Khristian min pua pawlkhatte leuleu in Jesuh Mihing taktak hi kei cih lamin hilh ziahziah leuleu uh hi.
      Pasian Mi banga hong piang
      Tapa-Pasian ahihna tawh mi banga hong piang Jesuh a nialte hih Lai Siangtho munte in kawk hi. 2 Johan 7, Banghang hiam cih leh leitung ah midangte a khem tampi hong omta a, tua mite in Jesuh Khrih mihing banga hong paina thu a nial uh hi. Tua bang mite pen mi khemte hi a, Khrih’ Gal ahi uh hi. Simbeh ding: 1 Johan 4:2…
      Jesuh mihing taktak Pasian taktak ahih theihna pen thumgawm Pasian khat pan a hong pai ahih man ahi hi. Kineihna kihel kilkel loin Lai Siangtho in Jesuh Pasian ahihna le mihing taktak zong ahihna tel takin hong lak hi. Tua ahih manin Jesuh mihing taktak hi kei leh mihingte tankhia thei taktak lo ding hi. Jesuh mihing taktak hi ci-in um kei lehang bangci bangin tatkhiatna ngah thei ding i hi hiam? Hebru Lai Siangtho in Jesuh mihing taktak hi kei leh mihingte’ tangmi dingin ding thei lo ding ahihna hong lak hi (Heb. 2: 17-18; 4:15-16; 5:2, 7-9; 7: 25). Upkhialhna ih cih pen Jesuh Pasian ahih manin mihing taktak hi thei lo ding hi, cih thuhilhna ahi hi.
    Your message has been successfully submitted and would be delivered to recipients shortly.