Loading ...
Sorry, an error occurred while loading the content.

Tulaai Leitung Thuthang tuamtuam updates July 10,2013

Expand Messages
  • Thang Khawm Pau ZOMI
    Tulaai Leitung Thuthang tuamtuam Updates July 10, 2013 ╖ Kawlgampan ngabeng a India gam I neihsa tuitung ah phalna omlo in avaleetkha India kumpite
    Message 1 of 1 , Jul 10, 2013
    • 0 Attachment

      Tulaai Leitung Thuthang tuamtuam Updates July 10, 2013

       

      ·        Kawlgampan ngabeng a India gam I neihsa tuitung ah  phalna omlo in avaleetkha India kumpite mat kawlgammi thongkia 123 te India gam in kawlgam puakkik uh a 7/10/13 ni in Kawlgam sung Yangon khuapi a om Yangon International Airport ah tungkik uhhi.

       

      ·        Kawlgamsung ongngaihhawh Australia Gampua palaaipi  Robert “Bob” Car 7/10/13 ni in Kawlgam President U Thein Sein tawh zinglam in kimu uh a AU in kawlgam ahuhziading leh sumbawlziading kikumkhawm uhhi. 7/10/13 ni nikaailam ciang in Kawlgam Democracy makaaipi Daw Suu tawh kimuleuleu uh a Kawlgam politics leh Economy lamsang kikumkhawm uhhi.

       

       

      ·        Kawlgamsung ah Kawlgam kumpite tawh Political Dialogue mantak kikupkhoptheihnading in ongtungding July 13 niciang  Thailand gam Chaingmai khua ah Kawlgam Mualtung thautawi kipawlkhopna UNFC te in thukikupkholhna neiding uhhi ci in UNFC in 7/9/13 ni in taangkokhia uhhi.

       

      ·        China gam Kumin khuapi sung a July 10-17 sung kibawlding Leitung a suangmanpha kilahna pawipi ah Kawlgamsung suangbawlte in Kawlgamsungpan piang suangmanphate lahna leh zuakna neiding uhhi.

       

       

      ·        China gam khanglam  Sichuan province's Dujiangyan city ah 7/10/13 ni in guah nasiatak in zu in men kicimziahziah ahihman in mi 30-40 kikaal men in vuknelh in Innpi 11 nawkkhia a, mun le mual 81,000 acres sia ahihman in  mipi 370,000 in gimthuak uhhi. Nikhat thu in asumtang in sumtang $40 million sumhiau uhhi.

       

      ·        Nung sani ni 7/6/13 ni a South Korea gam Asiana Airline te neihsa Vanleengkhat USA gam San Francisco ah akibutnahang in National Transportation Safety Board te in South Korea tekiang ah 7/10/13 ni in Asiana Airline te sittelpha mahmah ding in thupia uhhi.

       

       

      ·        Japan gam Fukushima nuclear plan I Manager pipa ahi Masao Yoshida kum 58 Cancer natna tawh Tokyo Zatopi ah 7/10/13 ni in sita hi. Amah peen Japan gam  Fukushima nuclear plan Tsunami in anawk March,2011 khit apuahkikzo mipil misaim mahmahkhat ahihi.

       

      ·        USA gam Boston khuapi ah April kha 15 ni a bomb puakhamsak ding a upmawh ahi mi 3 leh palikbu khat sisak in 260 aliamsak Dzhokhar Tsarnaev peen 7/10/13 ni in Boston khuapi thukhenzumpi ah thusitthuakding in zum kah a , mi 4 that mawhna leh adang mawhna nam 30 tawh thu akibawlsapeen hih misi miliam te tanaute leh mipi in hawmthawh ban ah amit mahmah un ataktak in munuam uh ahihman in thu kikhen theilo liang in mipi dimleet hi.

       

       

      ·        WZC te vaaihawmsiamnatawh Leitung muntuamtuam te ah Guulu tawh kisai tohlohding Kawlgam kumpitung lungphona kineiziahziah a India ah 7/9/13 ni in  atawmpeen Zomi 500 in lungphona neiziahziah uh a Maikaal sung ah Norway gam Oslo khuapi ah Zomi gaalhang te in zaiziahziah ding uhhi. Leitung pianzawh hihbang a kawl kumpi maitang kingat a atang sim ngam Kawlgam Mualtung minamkee lak ah Zomi leh Kachin bek ompan ahihman alamdang mahmahthu khat ahihi.

       

       

                Zomitv.com

            na hawh hamtang ve

       

      Zom toto ni ee

      Laaimal kikhialkha aomkhaak aleh ngaihdambawm ah maw

      Zomipau

       

       

       



      --
      Thang Khawm Pau ZOMi
      1009 Bryant Way Apt B
      Bowling Green , KY, 42103
      USA
      Cell- 270 -217 9593

      Itna icih bangcihtheih ding ihihiam cih leh Khris in eite ading in anuntakna hongpia hi. Eite zong i khristian imipihte ading in inuntaakna ipiakngamding ahihi. (John masa 3:16)

    Your message has been successfully submitted and would be delivered to recipients shortly.