Loading ...
Sorry, an error occurred while loading the content.

A panmun a pua lo Mi (Adam) kihamsiat!!!

Expand Messages
  • suang dal
    A panmun a pua lo Mi (Adam) kihamsiat Mihing in tuni tuhun in khua ul kai, khuisa, gim pipi-in naa a sep khakna, leitang a kihamsiatna, leivui ah a ciah kikna
    Message 1 of 1 , May 11, 2013
    • 0 Attachment
      A panmun a pua lo Mi (Adam) kihamsiat
      Mihing in tuni tuhun in khua ul kai, khuisa, gim pipi-in naa a sep khakna, leitang a kihamsiatna, leivui ah a ciah kikna ahi sihna hong pianna pen Adam in Pasian seh panmun lutang hihna thudon lo-in ama' uk zawk ding a zi' holhthawh sa tawh a zi' thu nial lo-in singgah a nek ciangin Pasian in mipa kiangah, "Nang in na zi' thu mangin, Nang in na ne kei ding hi,' ci-in nang kong thupiak singgah ne na hih ciangin, nangma hangin leitangin samsiatna ngah hi. Na nuntak tawntung gim pipi-in naa semin na ann nek ding na zong ding hi. Ling le kiakte, nang aa dingin hong pokhia sak ding a, nangin gam lak kungte na ne ding hi. Lei ah na ciah kik matengin khua-ul kai-in naa na sep ciang bekin ann na ne ding hi. Banghang hiam cih leh lei sung panin nang hong kipiangsak a, nang, leivui na hih manin, leivui mah na suakkik ding hi," a ci hi.
       
      Hih hamsiatna pen Adam in Pasian' piak a lutang panmun (headship) pen a thudon loh hang kici thei hi. A panmun lutang (head) hihna a puak lohna mawhna in ling le kiakte ama' aa dingin hong pokhia sak hi. Hih lai-ah ling le kiakte a cih teh, tuni-a lo khawh nasepna ah ling le kiakte pen gim le tawl le nawngkaaina hong pia mahmah ahihna in mihingte le piansaknate kikal kizopna pen a ngei hong bangnawn lo-in kinawngkaaisakna (disruption) hong omta ahihna ling le kiak tawh genteh-in Pasian in a hamsiat ahi hi.
       
       Mihing pen Pasian in nasem ding mahin a bawl ahi hi. Nasep pen hiamsiat ngahna hi lo hi. A kihamsiat thu pen kinawngkaaisakna tawh naa sem ding cih thu hi ta hi. Tua a nasep pen khiatna nei lo a mawkna pi hi tawntung ta ding cihna hi. The punishment is not working itself (cf. 2: 15), but rather the hardship and frustration. Lutang panmun pan'n Adam hong kihamsiat tak ciangin mi (numei le pasal) khempeuh in hih bangin lingkung le kiakte ii hong nawngkaaisakna tawh ih ki-awh ta hi. Mi kim tungah hong tung hih hamsiatna in pasalte lutang ahihna hong kilang sak hi. Banghang hiam cih leh lutang ahi lo numei a kihamsiatna ah numei bekin thuaka, ahi zongin lutang ahi pasal hong kihamsiat tak ciangin pumpi khempeuh in zong hong thuak lawh ta a mi khempeuh tungah mawhna thamanh sihna ong piang hi.
       
      Tuni-in upkhialhna tampi takte in zong lutang panmun (headship) pen numeite in tanbang kimin ngah thei hi ci ngam lai veve hi. Hi lo hi. Ephesians 5: 21na ah nupa thu a genna ah, zite pen pasalte' lutang hihna nuai-ah a ki-ap dinga Pasian in piancil a kipan khatvei a sehna tawh a kizang paisuak dingin ana seh khitsa ahi hi. Lutang ahi pasalte pen zite a it dingin a kiseh ahi hi. Pasal in itna tawh zite don ding. Zi in itna tawh pasalte tungah ki-ap ding cih bangdaanin a panmun puak tuak uh om hi. Na lawmnu' ong ngaih mahmahna hang beka ka tenpih hi na cih leh a maizum huai mahmah na hi hi. Keima' ngaih mahmahna tawh ka tenpih hi na cih ngam leh tua pen a pasal vai zaw na hi gige hi.  Husbands are called to love. Pasalte a it ding. Wives are called to submit. Numeite a ki-ap ding. Men are called to rule (headship). Pasalte a uk (lutang) ding. Women are called to help (Submission).  Numeite ahuh ding (Piancil 2: 20).
       
      Ki-ap ding cih teh a cih bangbang uh mang ding cihna hi tawntung lo-a, thungetna le lungduai sin nem taka omna tawh a thu uh nial siam ding cihna hi. Pasalte cih khempeuh maan khin lo ahih manin zite (numeite) in na pasalte uh’ lamkhialhna pen ki-apna ahi kiniam khiatna lim le kam zol kam nem thuduai tawh thunget sakin huh ding cihna hi. Lungduai sin nem le ki-apna maan tawh pasalte uk khialhna le upkhialhna thute numeite in puah thei hi. Submission does not always necessarily require obedience, but does require a calm, prayerful spirit. Bangbang cih leh thu-umlo (lawkite) pasal dingin a nei numeite in a deih a tel a zuih a lawm pa ahih manin a ma thu-upna zong a zuih a kul hi ta hi. Banghang hiam cih leh amah na lutang hi ta hi. Na lutang dingin a ap na hih lam phawk huai hi. Ahi zongin lungnem sin duai takin ki-apna maan tawh na pasal aa dingin thu ngetnget sak lecin a lungsim ong kikhel in nang lam ah na lutang ong hei thei kha ding hi. Tua ahih manin Christian numeite in na pasal ding uh, na lutang dinguh nakpi takin teel-in na ngaihsut mahmah uh kisam hi.
       
       Lutang hihna, huhnu hihna pen neu zawk liat zawkna hi lo hi. Kipum khat nading hi zaw hi. Ahi zongin tua ih kipum khatna ah ih panmun kilamdang hi. Thumgawm Pasian sungah zong Pasian ahihna dinmun (essense) pen kibang linlian a, ahih hangin a panmun uh kibang lo hi. Lai Siangtho in liangko kikim lopi hakkol na kisuan kei un a cih mah bangin Christian te le lawkite kiten ding hi masa lo hi. Ei thu-um teng thum li-liai (Pasian le Christian nupa) teng bek mah kiten kipii ding hi masa zaw hi.
       
       Khatvei nungak khat in thu-umlo Kawlte tangval khat tawh kingai ahih manin, tua pa tenpih leng thu-ummi Christian ong suak ding hi, tua bang up ngamna pen upna (faith) kici pan hi ci hi. Hih nu in LST thu hilhna a um khial ahi hi. Upna ih cih pen LST’ hong genna banga zuihna pen upna hi zaw hi. Lai Siangtho (LST) in thu-umlo mi khat le thu-um mi khat na kiteng un ci masa ngei lo hi. LST in thu-um le thu-um na kipi na kiteng un a cih mah bangin ih thu up pihte tawh kitenna pen upna maan hi zawa, tua banga LST’ gen banga na up na zuihna pen up ngamna (faith) hi zaw hi. Eimau hi kisakna tawh ki-um ngam saka thu-um lo mi tawh na kiten leh na buai hamtang zaw ding hi.
    Your message has been successfully submitted and would be delivered to recipients shortly.