Loading ...
Sorry, an error occurred while loading the content.
 

Zelophehad' tanute' ngetna (Daughters' right-1)

Expand Messages
  • suang dal
    Zelophehad tanute ngetna (Daughters right)...Gamlakvakna 27: 1-11. Hih Lai Siangtho mun ih sim tak ciangin tanute (numeite) in zong inn luah thei hi cih thu
    Message 1 of 2 , May 1, 2013


      Zelophehad' tanute' ngetna (Daughters' right)...Gamlakvakna 27: 1-11.
      Hih Lai Siangtho mun ih sim tak ciangin tanute (numeite) in zong inn luah thei hi cih thu hong hilh hi. Numeite in, ta pasalte bangin inn luah hi, a ci ih hi kei a, inn luah thei hi a ci ih hi bek hi. Inn luah thei hi cih teh luah theihna ding thu a om leh bek luah thei cihna kilang pah hi. Tua tawh kizui-in Zelophehad' tanute in maizum het lo-in a pa uh' min a khualna le numeite' zong mihing ahihna, numei le pasal dinmun kibang liangko kikim ahihna deihna tawh mipi mai ah hi bangin thu sung khia ngam uh hi. Zehophehad' tanute' minte in: Mahlah, Noah, Hoglah, Milkah, le Tirzah ahi hi. Amaute Moses' mai le siampi Eleazar' mai le makaite' mai le mihonte khempeuh' mai, kikhopna bukkongah ding uh a, "Ka pa uh gamlakah a si hi. Korah tawh kipawlin Topa langpangin a kikaikhawm mihonte lakah amah kihello hi. Ahih hangin ama khialhna hangin si a, amah in tapa neilo hi. Amah in tapa a neihloh man bekin bang hangin a beh sung panin ka pa uh' min mangthang ding ahi hiam? Ka pa uh sanggamte' lakah kote zong neihsa hong pia un," a ci uh hi.
       
      Inn luah cih teh, inn lutang ahi a pa uh' gamh luah suk ding cihna hi. Pa' ii gamh cih teh pa ii tate hihna gamh cihna zong ahi hi. Pa ii tate hihna ah tapate bek hangin pa' min kidawk thei cihna bek hi nawn lo-in tanute zong pa' min kidawk sak thei tanute ahihna uh ah tapa le tanute pen liangko kikim takin innluah theite ahi uh hi. Tapate le tanute pen Pa khat ii tate ahihna vuah a luah uh gamh kibang hi. Tua a luah uh gamh pen kideidanna omlo “tate hihna za” ahi hi. Zo ngeina bek hi lo-in, leitung ngeina pi ah, sanggam pasal a nei, tanute pen a pa uh' gamh (inn le lo neihsa lamhsa) kiluahsak lo hi. Mo-in a kikhak ciangin mokhakna van (dowry) kipua sak bek hi. Inn, logam le neihsa lamhsa khempeuh ahih leh tapate bek kihawm sak hi. Tanu a neih kei leh a innmun a logamte pen a kinaipih pen inn lak sanggam pasal khat peuhpeuh kiluah sak zaw tham hi.
       
      Ahi zongin hih LST mun ah Zelophehad' tanute in sanggam pasal nei lo uh ahih manin, tanu ahihna uh tawh ngah ding kilawm hamphatna (right) a na gen khiat uh ciangin Pasian in hisa-in Moses tungtawnin zuih ding thak (new rule) khat pen tapasal nei lo bangkuate' zuih dingin na kip sak hi. Hih laimun ah Zelophehad' tanute in apa uh' neihsa lamhsa gamhte bek a kal uh hi lo-in tanute (numeite) zong a pa uh' sisan ahihna tawh a pa uh' gamh ahihna uh thu a sungkhia ahi uh hi. Tapate ciang beka ta aa kisimin, tanute cianga ta aa kisim lo cih peuhmah a om theihlohna thumaan a genkhiat uh ciangin hoih kisa pah hi. Pasian in thukimpih hi. Zelophehad' tanute in lutang suahna ding thu a kal hi lo zawin, numei hihna tawh a kingah thei hamphatna (right) a kal ahih manun tua pen women right kici thei hi. Zelophehad' tanute unau pen Pasian' deihna tawh kituakin numeite ngah ding hamphatna (right) a na mukhia thei masate ahi uh hi. Numei a lamsang masate unau ahi uh hi. Numeite aa dingin thu a genkhia ngam masate ahi uh hi.
       
      Moses in Topa' mai-ah amau' thu a gen hi. Topa in Moses kiangah, "Zelophehad' tanute' thugen maan hi. Amau pa' sanggamte lakah neihsa gamh amaute tungah na pia ding a, amau pa' gamh amaute' tungah na tungsak ding hi. Isreal mite tungah hih bangin na gen ding hi: 'Pasal khat si-in, tapa a neih kei leh, ama gamh a tanu na luah sak ding uh hi. Amah in tanu a neih kei leh, ama gamh a sanggam pasalte tungah na tungsak ding uh hi. Amah in sanggam pasal a neih kei leh, ama gamh ama pa' sanggam pasalte tungah na pia ding uh hi. Ama pa in sanggam pasal a neih kei leh, ama gamh ama innkuan tawh a kinai ama behpa' tungah na pia ding uh a, amah in tang ding hi. Topa in Moses a thupiak bangin hih pen Israel mite tungah thukham le ngeina kip hi ding hi,' ci-in," a ci hi.
    Your message has been successfully submitted and would be delivered to recipients shortly.