Loading ...
Sorry, an error occurred while loading the content.
 

Re: {tongsan} A (1) Veina Zomi Seventh-day Adventist Khawmpi, EtKikna, Zansak Thupulakna, leh lungdam Pulakna

Expand Messages
  • Kham Pek
    Dear Kimpu le Laisim teng, Zomite Zogam le Kawlgam sung bek ni nawn loin, i tunna leitung gam tuamtuamah kipawlna le i pawlpi le Pasian kumpi gam khantohna
    Message 1 of 1 , Jul 1 4:56 AM
      Dear Kimpu le Laisim teng,

      Zomite Zogam le Kawlgam sung bek ni nawn loin, i tunna leitung gam tuamtuamah kipawlna le i pawlpi le Pasian kumpi gam khantohna ding ciat mah i hanciamnate i muh ciangin, thupi le thangah huai kasa hi. Tutung SDA , USA khawmpi bang zong Tulsa khuapi mah bulphuh a nong neih theih uh ciangin, USA khawng pen Zomite laitual lenna mun taktak hi lo hiam i ci hi. Hih bang a i sep i bawlnate pen i minam (ZOMI) le i biak (PASIAN) kumpi gamm tangzaina ding vive ahih manin, a vaihawm siam makaite le a nungzui siam Zomite ki-om tham mahmah ta cih kimuthei hi.

      Kawlgam le Zogam ah i om lai in, i khuamuh zia tawm/ toi lua ahi kha diam,, Pawlpi khat le khat bek tham loin, pawlpi kibang sung nanawng ah kidemna le kikhenna lianpi kinei kawikawi in, Zomi Khristian  makaite Zum kong mangkong miilim bia Mangpite in hong nuihsan san ngei  lua uh hi. Tua zahkhop in i Pasian kumpi gam tangzai ding sangin, mai zumna le Satan gam kikekna lianpipi piang zawsop hi. Zomi Khristian te i Kumpi thuneite mahmah in hong neumuh in, hong gawpbawlna tampi kituak hi. Tu in i kha mit le i taksa mitte kihong in, tuate kipaisan le kinusia thei ta a, pawlpi kibuaipih hun hi nawn loin, Khazih kumpi gam tangzaina dingin nasepkhop ding bekbek kilunggulhta hi.

      Tua ahih manin Zomite i tuntunna ah minam le Pasian ading i mapanna peuhah pawl lungsim neihluatnate nusia a, kipawlsiamna lungtang i hanciam hun hong hita ding ahi hi. Tutung SDA US khawmpi tungtang ah vaihawmna le sepna bawlnate etteh huai le lungkim huai mah bangin a sawt lo a hong tung ding Zomi Innkuan USA Khawmpi zongah vaihawmnate akipan adiakdiak in Zinmangpi (Guest of Honour) ding Pu Chin Sian Thang mahmah zong cidam takin hong tuntheihna ding Thungetna ah mapang ciat ni. Zomite Topan hong makaih mual suak suak hen.

      Lungkimpihna le maban lunggulhna lianpi tawh,

      Sia Khampeek (Tongsan Pu)

      2012/7/1 Suankim Songthu <skkimpu@...>
      Leitung Bup Zomi Seventh-day Adventist Khempeuh

      Zomi Seventh-day Adventist Khempeuh aw Ih Pa Pasian Kiangpan ongpai Nopna, Daihna, Cihtheihna, Daupaina, Mavanna, Maawhkimaisakna, lungduaina, atuamtuamte khempeuh nang le na innkuan pihte tungah ong tung ta hen ci in
      na Sanggampa SuanKim in Tulsa Zomi Seventh-day Adventist te lungdamna tawh kong pulak khawm hi.

      United State aa a om Zomi Seventh-day te ii lunggulhnale gelna tawh kizui in a beisa June 6-9, 2012 sung aa Ih Khawmpi pen Pasian in thupha namcin tawh ong tuam a hih man in, minphatna, pahtawina le gamzaina khempeuh Ih Pasian tung ah ih ap masa hi.

      Pawitawh kizom aa a gim a tawl khempeuh tung ah Ih Pa in tawldamna ong pia ciatta hen.

      Ih Pawi mun First Seventh-day Adventist Church of Tulsa, Oklahoma.

      Vankawmte:
      Sound System tampi le Umle bel man ngenlo aa ong zangsak ZBCM Pawlpi tung le, ZBCM senior Pr Kapmang Hatlangte innkuan tungah a hi zong, inn man ngenlo aa ongzang sak ZBCM  Upa khat a hi Pu Kam Sian Paute innkuan tung ah zong lungdamna ko sawnsawn lai hang, Topa in thupha ong piaksak zaw semsem hen.

      Media,
      Ih Hunbawlte video ong record sak le live ah khah ong huh, ih sanggam Tg Patuang (Tulsa)tung le Sound System ong kepsak TungTung (Tulsa), Projector ong kepsak Sangpi ( Michigan) te tung ah zong lungdam pulak hang.

      Nek le Dawn
      Nek le Dawn Khempeuh a huan le athuk a hi aa sepding kilawm khempeuh ong sepsak Dorcas lampan nu Cing Khan Khawm@ciakhawm le a lawmte tung ah zong lungdam ko nuam lai hang.

      T-shirt
      T-shirt hoih mahmah gawlan a nei, Adventist Logo tawh a kilawm mahmah puan pen Florida pan Tg Sing Cin Mang@mangpu le Tg Thang Kim Khai@khaipu in a bawlna sumbei teng ong sik uh ahih man in lungdam mahmah hang.

      Zopau Paulo Zinmangteng

      Elder John Moyer, amah pen Oklahoma Conference President hi in, zintun nitak June 6, Pawi hunhonna, thuphapiakna le hanthotna tomkimcing ong nei hi.                   Tulsa ong hawh zelzel thei a hih man in lungdam lailai hang.

      Pr Daniel Ortega, First Seventh-day Adventist Church pastor hi in zintun nitak June 6, hunpi hanthotna ong nei hi, Conference President a hi zong, local church pastor
             hi zong ong paithei uh a hihman in lungdam mahmah hang. Pr Daniel pen suntawh zantawh gim ing cise lo in ong huai mahmah hi.

      Terri Saelee,  Adventist Refugee and Immigrant Ministries(ARIM) ii Coordinator hi, Khawmpi ah June 9, Sabbath sun hunpi hanthona a man ongpia hi. ARIM min tawh
            Pawisimte aa ding mawtaw saap/ datsi man cihbang aa zatding panpihna US Dollars 3000.00 ong pia hi. A innkuna un pawi ong sim thei uh a hih aman uh ang tang mah mah hang, Zpmite ong ngai mahmah uh hi.

      Pr Ko Saelee, Terri Saelee pasal hi. Hmong Refugee Coordinator hi in, amah zong Sabbath sun honthotna tomno ong pia hi.

      Samuel Thang  Ngala, Berrien Springs, Michigan pan hi in, Adventist Southeast Asia Project ah sem hi.

      Hanthotna le Seminar Ongpia Ih Siate
      (1)Dr Dal Khan Mang ( North Carolina pan),
      (2) Sia Lian Pau ( Guymon Oklahoma) ,
      (3)Sia SB Ngaih Cin (Michigan pan).
      (4) Sianu Aye Cing, (Michigan pan).
      (5) Sia Thang Lamtung Pau (Florida pan),
      (6) Sia Do Kap Pau, (Florida pan)
      (7)Sia Nang Suan Thang@suanno (Florida pan)
      (8)Sia Thang Khan Mang@mangpi (Florida pan).
      (9) Sia Thang Kim Khai@khaipu (Florida pan)


      Sabbath School te Anaui aateng in ong makaih hi..
      Dr Dal Khan mang ( Papi teng)
      Sia Sb Ngaih Cin    (nupi teng)
      Sia Samuel Thang (Zopau tello teng)
      Sia Sangpi (Guymon OK)  Khangno teng
       
      Pawisim zinbup pen 120 taang bang  ong pai thei hi,United State ah kei umna ah hi le Zomi le Mizo Adventist bup pen 700.00 kiim om ding in um ka hih man in mai kum 2013 teh Guymon Oklahoma ah atamzaw tham kipai thei ding in upna nei ing.

      Thumna le Lungdam kohna

      Tu kumpen a khat veina a hih mah bang in Innteek lampan kicin lohna tampi tak omding  ahih man in Ih Topa Zeisu min tawh nong maisak na ding un ngaihdam ong ngen phapha ung.

      Pawi sung in ustream pan a enthei pen 6000.00 pha ban ah khangkhang lai hi. AUGUST 6-11 ZONG TULSA AH EFFORT A KHAT VEINA omding ahih man in thunget na le thale ngaltawh ki pangkhawm thei hi, ustream ah zong a siangtheithei ing ong kikhah kik ding hi.

      Pawi ong pai theite, computer tawh live aa a ente, youtube a  ente, le Zomi Seventh-day Adventist khempeuh tungah lungdamna lianpi ong  ko ung Topa in Thupha ong piakim ciatta hen.

      Pawi man ennuamte hih a nuai aa ah ki en thei.

       http://www.facebook.com/media/set/?set=a.4111815964199.2168636.1547132093&type=3           hih amai aa teng copy in la paste leteh

      http://www.facebook.com/suankim.songthu/photos

      Innteek Pawlpi upateng

      Pa Pum Khan Lang@kimkim pa
      Pa Dai Khan Mang@huaikok pa,
      Pa Joseph Lian@sawmnang,
      Pa Thang Zon Kim@liannu pa,
      Pa Dai Do Thanng@thangkhek
      Pa Go Khak Piang@paupi pa
      Pa Thang Khan Mang@tungpi pa
      Pa Khup Khan Suan@pamang pa
      Pa Thang Hau Khai@lamlun pa
      Pa Pau Lian Thang@pathang
      Pa Hawl Thang@pa hawlthang
      Pa  Sei Kholun Mang@Cingcing pasal
      Pa Lun kho mang@ pamang
      Pa Dal Khan Mung@patuang
      leh Suan Khan Kim te ka hi uh hi.

      Lungdamkohna ah ahi zong, thupuakna ah a hi zong khialhna cinlohna a om le tuaci zaw ci in email tawh  ahi aa, ph tawh a hi zogn nong genna dign un Zeisu min tawh ong thumphapha ing.

       Thupuak
      Suan Kim
      918 809 2688

      Pa Dai mang
      918 574 4749

      Pa Sawmnang
      918 269 5757

      --
      "T-Tongsan sim Thuthak thei "
      Zomite kipumkhatna ding leh Zolai khantohna dingin Tongsan Group mail sungah thuhoih thu manphate leh a hun zui a thuthang tuamtuamte kizasak tuah ni! Tongsan Group ah kisuah lo Thului (Article) hoih nono zong www.tongsan.org ah a hunhun in kisim thei den hi.
       
      Note: Tongsan Group tawh kisai Thukhun kician i neih mah bangin, Member mimal khat ciatin thukhunte zui siamin mimal khat le khat kiselna/kitotna cihte i gelh khak lohna ding i kizasak phapha hi.
       
      All rights reserved.
       
      Tongsan Mailing Group tungtawna kikupnate in Tongsan Media Group ii muhna bang hikhinloa laikhahkhia member mimal/kipawlnate muhna le kuppihnate suakta taka pulakna le khahkhiatna hi.

    Your message has been successfully submitted and would be delivered to recipients shortly.