Loading ...
Sorry, an error occurred while loading the content.

21489Tulaai Leitung Thuthang tuamtuam updates Jan 11, 2014

Expand Messages
  • Thang Khawm Pau ZOMI
    Jan 11, 2014
    • 0 Attachment


      Tulaai Leitung Thuthang tuamtuam updates Jan 11, 2014


      Japan gam te in Kawlgam sung piang Leengla ciahkhia zonawnlo buh namte Tons 6,000 leiding in kawlgam kumpi te tawh Jan 11,2014 ni in thukimna nei hi ci in Kawlgam Buhtang lamtawh kisai thunei Dr Soe Thun in genkhia hi. 


      Tukum March kha kawlgam bup milip kisiam ciang Kaya gam ah minamneu 4 teng thukhat in luang in Kayan-Padaung cih minkhat lian tawh piakding in Jan 11,2014 ni in Luaikaw khuapi ah Kaya makaaite in kipsakna nei uhhi. 


      Denmark gam kumpinu  Princess Mary  Jan 11,2014 ni in Kawlgam Rakhaing state sung vahawh a, Rakhaing state kumpi tetawh kiho khopna nei uhhi. Princess Mary in Rakhaing gama micimawhte tawh kisai in huhciang bek hilo in amau ciat i ngeina tezong thupisimsakding thupi hi ci in genkhia hi. 


      Israel Prime Minister lui Ariel Sharon kum 85 kalsung leh sunglam tuamtuam damlohna hang in Tel Aviv khuapi kiang a om Sheba Medical Center pan Jan 11,2014 nikaai lam in leitung nusia ta hi. Jan 12,2014 Sunday ni in mipi muhtheiding in khuapi sung te ah kivaak pih kawikawi ding a Monday nilam ah kivui ding hi ci in Israel makaaite in genkhia uhhi.  LEitung gam tuamtuam pan kumpi te in dahna thupuak ciat uha, Palestinien pawl bel dahlualo uh hileh kilawm hi. 


      Libya gam te i Deputy Industry Minister aseem laaitak ahi Hassan Al-Droui Jan 11,2014 ni avaaklaai tak Tripoli khuapi sung ah apawlmin kitheilo thautawi pawl khat in nakap uh ahihman in lam etlohpi in leitung nusia vat hi. 


      China gam khanglam , Yunnan province sung a om Tibet Town akicihna khuapi Jan 11,2014 ni in nasiatak in meikaang a, Inn 100 kaangtum khin ta ban ah ban paipai ahihman in meiphelh mi 2,000 in asun azan in phelh ziahziah keei uhhi. 


      Thailand kumpi langpang mipi te lungphona kizom toto a Jan 11,2914 ni in Bangkok khuapi sung lampi teng khakmang uh ahihman palik tetawh kibuai uha, Lungphona anei mipi 7 thautang in kha in khat naakgim mahmah hi. 



      Laaimal kikhial kha aomkhaak leh ngaihdam bawm ah maw 


      Thang Khawm Pau Zomi 

      --
      Thang Khawm Pau ZOMi
      1009 Bryant Way Apt B
      Bowling Green , KY, 42103
      USA
      Cell- 270 -217 9593

      Itna icih bangcihtheih ding ihihiam cih leh Khris in eite ading in anuntakna hongpia hi. Eite zong i khristian imipihte ading in inuntaakna ipiakngamding ahihi. (John masa 3:16)