Loading ...
Sorry, an error occurred while loading the content.

21488Tulaai Leitung Thuthang tuamtuam updates Jan 10, 2014

Expand Messages
  • Thang Khawm Pau ZOMI
    Jan 11, 2014
    • 0 Attachment

      Tulaai Leitung Thuthang tuamtuam updates Jan 10, 2014


      President U Thein Sein leh Denmark khantohna lam sai Vuanzi H.E Mr Rasmus Helveg Petersen Jan 9,2014 ni in Nypidaw ah kimu khawm uha, Danmark gamte in Kawlgam te bat Denmark sum Awn 295 amaaisak na thu Mr Petersen in taangkokhia hi.


      U Thein Sein leh Japan gam te gamsung kizopna Vuanzi pa Nypidaw ah Jan 10,2014 ni in kimu khawm uha, Kawlgam sung ah Laaihawmna, post office nasepna tawh kisai in Janpan gam a banglian in Japan gamte in huhding cih japan lampan kamciamna ngah hi.


      December 2013 New York khuapi ah Visa vaaitawh akiman India gam Palaai Devyani Khobragade India gam Delhi khuapi Jan 10,2014 ni in tungta a, India kumpi inzong Delhi khuapi sung a om USA palaai teng India gampan nawhtak kikhemkhia ding thupia ta uhhi. Tua ahihman in India leh US te kikaal kizopna hoihloh lam manawh hi. 


      Thailand gam Bangkok khuapi sung ah Thailand Prime Minister deihlohna haang in mipi lungphona Lian semsem a, Jan 10,2014 ni in Palik te leh lungphona anei mipi te kikaal buai uha, Thauging, Bomb ging omngei ngai ahihman in mi 6 liam uha, mi 3 naakliam mahmah uhhi. 


      Syria gam Aleppo khuapi kiim teng ah Syria kumpi langpang Tapong te leh Al Qaeda khutzat migilo gaalkaap te nasia tak in kikaapna piang ahihman in Jan 10,2014 ni in mipi 85, Tapong te 240 leh Al Qaeda migilo te 157 avekpi kigawm mihing 482 si hi ci in gaal encik pawl in tangkokhia uhhi. 


      USA gam West Virginia state sung luang gunsung khat ah Chemical Daat hoihlo kehkhia ahihman in Pipe pan kingah tuite dawnlo ding in mipi tetung ah Governor Earl Ray Tomblin in Jan 10,2014 ni  in thukin in taangkokhia hi. Hih thu haang in President Obama Federal huhna piakding in thukim a, National guard te in Tuithawl hawm kipan ziahziah ta uhhi. Zomi te i om khaak leh nakidawm un. 


      USA gam leh England gama om US Vanlam gaalkaap zalian pipi mi 10 te  kumpi phaloh guih thei zatui tawh kimeemat uh ahihman in nasia tak in kisit tel a, Jan 10,2014 ni in Zalian nih anasepna pan kikhawlsak phot in adang teng kilim sit mahmah laai ci in US Air force Zalian in khat in genkhia hi. 




      Laaimal kikhial kha aomkhaak leh ngaihdam bawm ah maw 


      Thang Khawm Pau Zomi 

      Bryant Way Apt B
      Bowling Green , KY, 42103
      USA
      Cell- 270 -217 9593

      Itna icih bangcihtheih ding ihihiam cih leh Khris in eite ading in anuntakna hongpia hi. Eite zong i khristian imipihte ading in inuntaakna ipiakngamding ahihi. (John masa 3:16)