Loading ...
Sorry, an error occurred while loading the content.

21484Ninphual Panin Ong Lamto Lungdamna Thu the Gospel Good News

Expand Messages
  • suang dal
    Jan 8, 2014
      Ninphual Panin Ong Lamto Efesa (2: 1, 4-5)
      Hun khat lai-in thumanlohna le mawhna hangin kha thu ah a si na hi uh hi. Tua bang hi napi-in Pasian in Khrih sungah nuntakna ong pia kik hi.
       
       Mi khempeuh in Lungdamna Thu kiza nuam ciat hi. A diakin, thusia ih zak ciangin thusia hi kei henla, lungdamna thu hi leh ih deih zaw pek hi. Na nu si, na pa si cih thusia a kizak nading mun ah na nu le na pa zong cidam mahmah uh ei, cih thu kiza nuam mahmah zaw pek ding hi.  A natna kithei zo lo mi khat Syavuante in velvel henla, a natna mu leh tua pen lungdamna thu (good news) khat hong suak bilbel ding hi. Natna kimu zo kei leh tua pen good news hiau lo ding hi. Nat khit sat khit ah na natna cancer hi ei ci-in Syavuante in a muh leh tua pen a lungdam huai thu hi a, koici bangin dam sak ding? Koici bangin kibawl ding? cih kithei pan hi. Natna theih khiatna in Lungdam nading thu ahi hi. Mawhna tha manin natna bek hi loin sihna dong ahi hi. Si ih hih manin natna a nei ih hi hi. Mihingte’ natna lian pen bang hiam? Cih thu ong thei sak Jesuh le a Singlamteh pen Lungdamna Thu taktak ahi hi.
       
      Gospel pen Lungdamna Thu (good news) kici hi. A diakin ninphual panin Pasian in amah tawh kipawl thei dingin ong laptohna thu pen Lungdamna Thu taktak ahi hi. Pasian tawh hong kipawl kik sak tua Jesuh Khrih mahmah pen Lungdamna Thu ahi hi.  Jesuh Khrih in mihingte ii natna ong muhkhiat sak hi. Lungdamna Thu ih cih pen tua dan hi. Lungdamna thu ih cih in ih natna ihsatna ih siatna ih mawhna pen daatmaan (ultrasound/ X-ray) zaih bangin kimuhkhiatna thu ahi hi. Lai Siangtho in eite khempeuh a lauhuai Pasian’ hehna tawh a kidim ih hihna, phengphi in migilote ih hihna, tua ahih manin “eite khempeuh Pasian’ hehna hangin gimna a thuak dingte ih hihna” gen hi (Eph. 2: 3). Mihingte in a mawhna le a gitlohna hangun Pasian’ thumaan selcip uh ahih manin van panin a hehna hong kilang sakin a gimpiak nading zia ong kilangsak hi (Rom. 1: 18). Leitungah ih nu’ gil sung pan ih pian khiat cil bangmah ih bawl theih ma hun, ih neu tung mahmah a kipan-in zong Pasian hehna ih tungah natna bangin a om khin ahi hi. Tua thu pen a lungkham huai thu (bad news) ahi hi. Tua thu pen mihingte’ natna zungpi ahi hi.  
       
      Tu in Pasian mahmah in tua ih mawhna hanga a hehna a bei theih nadingin ong vaihawm hi. Tua pen a lungdam huai thu (good news) ahi hi. Tua lungdamna tawi suang pen ih lungkhamna tawi suang sangin gik zawin, lek zaw hi. Ih natna a mu ih Topa in ih natna ong dam sak ding hi. Natna bulpi pen mawhna ahi hi. Mawhna gu hangin natna a tuamtuam ih ngah ciat hi. Hih thu tawh kisai Efesa 1: 1- 9na bup sung ah sim lecin kitel pah hi.  Pasian’ hehna a thuak dingte ih hihna thu a gen khit ciangin Paul in hih bangin na gen hi, “Tua bang hi napi-in Pasian’ ong hehpihna le eite ong itna lian mahmah ahih manin, ih mawhna hangin kha thu tawh kisai-in misi ih hih laitakin Khrih tawh eite hong nungta sak hi. Pasian’ hehpihna hangin hotkhiatna a ngah thei ih hi hi (Efesa. 2: 4). Pasian in ei thu-um mite ninphual panin ong lamto taktak ahihna kimu thei sak hi. What greater contrast could there be than an object of God's wrath seated with his Son in glory?

      Hih Lungdamna Thu pen ih sih ciang a’ ding hi pan lo a, tuhun mahmah ading ahi hi. Ei thu-um mite pen Jesuh sungah khamuanna a lamte ih hih mah bangin Pasian’ mai ah ih lau nading om nawn lo hi. Mawhna kihawl sak nawn lo ding hi hang. Mawhna in ka nuntakna ong uk lai hi ci-in ngaihsut vet ding hi nawn lo hi. Mawhna a ukte ih hi ta hi. Mawhna a thatte ih hi ta hi. Topa Pasian in eite ong teel in ong it in, ong deih ahihna thu zong lamdang sa-in ki-up lahlah ding zong hi nawn lo hi. Eite in Pasian’ ta taktakte ih hihna le Pasian’ hehna hai eite’ tangdingin Khrih in na dawn khin ahih manin ih nisim nuntakna ah tua thu taksangin khamuanna inn ih lam behbeh ding bek kisam lai hi. Kei pen Pasian in ong sang khin hi. Ta cihna za ngah khin ingh. Keima mimal hoihna, phatna, zuihzawhna, hanciam zawhna, thupha bawlnate a bulpi hi kei. Jesuh Khrih ii a genbaang lo Dikna thu bek a bulpi hi. Ninphual panin hong kilamto zo. Kuama dang hang hi kei. Khrih ii a Singlamteh le a Thawhkikna Thu hang bekbek hi. Topa’ Lungdamna Thu in ninphual panin ong lamto zo hi. Amen!