Loading ...
Sorry, an error occurred while loading the content.

21163Tulaai Leitung Thuthang tuamtuam updates October 18, 2013

Expand Messages
  • Thang Khawm Pau ZOMI
    Oct 17, 2013

      Tulaai Leitung Thuthang tuamtuam updates October 18, 2013

       

      Zomi te Pa ahi Dr Chin Do Kham  ihzataakna leh Vaang ipiakna in 10/19/13 ni amunmun ah ipaizo keizong in daaitak in iomna ciat ah omngilhngelh ciat in, Haanmual azui zo kheem peuh in Mikaang daan in Puanvom silh hizawlo in Zomi te Pa hi cihlahna in Zopuan vive silh ni cih kei mimal in Zomi kheempeuh ongcial nuam ing.

       

      Zomi te omzia pawlkhat

       

      ·        Idam laai in kigensiasia in  ihoihloh nateng kigengen hang a isihkhit ciang kipahtawi pan in, ihoihna teng kigengen pan sese…, Idam laai in kiphat in ihoihna kigentheilo ahitam ….

       

      ·        Zomi khat  eitung ah onggamtat khialhkhaakciang ongsimmawhna hi ci in Minamdang  khat eitung ah onggamtat khialh ciang misim mawhding mahhihang bangmah neilo, bangmah theilo hi veeng icih sese…, Zomi te eitung ah  ongkhialh khaakciang zong aw kei ahai hiing kici theilo ahitam …

       

       

      ·        Zomi khat in avanzatsa ahihkei leh avan lui ongpia leh ongsim mawhna kici sese in, Mikaangte paihsa Second Hand te deihlua in kiphuul ngeingaai in mikaangpau siamlo pipi in Shank Khiu bang ciliang hi.  Zomi pa tung ah zong lungdamlua kici theilo ahitam….

       

      ·        Zomi khat  ahih kei leh ithei mahmah imeeltheih khat in thuman pha onggen leh tualeltak ci in thupi simlo in.., minamdang khat ahihkei leh adiak in Mikaangte in thuneuno khat onggen leh thupi sa mahmah in kamka heuhau in ngaaisese ihihiam…. Zomi te thupi asalo ihitam ….

       

      ·        Zomi te vanzuak ahihkei leh Mawtaw zuakte ahoih pipi mah thei gegu in tammanlua cise in leinuamlo sese in .. Mikaangte zuak ahoihlo pipi leiba liang in ngen in kuntantan se ihihiam.., A theilo  maw  Zomi te asimmawh….

       

      ·        Zomi khat peuh in itheihlo khat ahihkei leh iseptheihloh  khat ongsepsak leh Lungdam citawh mansak in, thaman ongngen leh neeksia ci sese in, Minamdang khat peuh nanengnokhat ongsepsakciang ongngetzahzah pia in, ongngetloh napi zong puaktantan se ihihiam..,

       

      ·        Hih atung a thute ongdawng thei na om uh leh kalungdam mahmah ding hi.

       

      ·        Kawlgam Shan state saklam  Namkham kualaaizang ah 10/17/13 ni zaan  in Bomb khat puakkham a, 10/18/13 ni zingsang in Bomb nih puakkham leuleu ahihman in,  Khuasunghah kumpi naseem pasal  khat si hi. Tusung bekbek in Kawlgam sung ah mun 4 ah bomb puakkham ta ahihman in USA a kipan gamdangtuamtuam te kawlgam zindingte bang kikhawlsak uhhi.

       

      ·        Sum le Paai buaina hang a USA kumpi nasepna pawlkhat akhawlcipzawh ni 16 acin ni 10/17/13 ni in angei bang in January 15,2014  ciang dong kihongkikta hi ci in President Obama in 10/17/13 ni  in taangkokhia ta hi. Tua ahihman in 10/17/13 nipan kumpi nasepna angeibang in akizom tota ahihman in akikhawlsak naseemte zong kuankik theita uhhi. HIh bang a US kumpi te thukhensatna peen China ten nui hiuhiau sa in muak uhhi.

       

       

      Khialhna aom khaak aleh ngaihdambawm ah maw

       

       

      Thang Khawm Pau ZOMi

      www.buanli.blogspot.com

       

       

       

       

       

       


      --
      Thang Khawm Pau ZOMi
      1009 Bryant Way Apt B
      Bowling Green , KY, 42103
      USA
      Cell- 270 -217 9593

      Itna icih bangcihtheih ding ihihiam cih leh Khris in eite ading in anuntakna hongpia hi. Eite zong i khristian imipihte ading in inuntaakna ipiakngamding ahihi. (John masa 3:16)