Loading ...
Sorry, an error occurred while loading the content.
 

عااجل: طلب توكيل للمحامي إبر اهيم يسرى لرفع قضية ضد السور الفو لاذي

Expand Messages
  • Iman Badawi
    *السلام عليكم قبل كل شئ اطلب من الاخوة جميعا تجميع كل ما يتعلق بسور مبارك الفلاذى هنا فى
    Message 1 of 1 , Dec 31, 2009

      السلام عليكم
      قبل كل شئ اطلب من الاخوة جميعا
      تجميع كل ما يتعلق بسور مبارك الفلاذى هنا
      فى هذا الموضوع ونقل كل الموضوعات
      والصور السابقة المتعلقة بذلك
      وان لم يمكن نقلها فلنعد نشرها كلها هنا


      دعوة الى كل المصريين هنا
      عاجل: طلب توكيل للمحامي ابراهيم يسري


      منقول من رسالة نوارة

      السفير ابراهيم يسري المحامي بالنقض اللي كسب قضية تصدير الغاز لاسرائيل ح يرفع قضية ضد بناء الجدار ان شاء الله اللي عايز يضم اسمه للمشاركين في القضية دي اهي رسالة السفير ابراهيم يسري على الفيس بوك:

      عاجل جدا دعوي أمام مجلس الدولة لفتح معبر رفح و ضد لسور الفولاذي علي الحدود مع غزة

      اصدقائي المواطنين الأحرار
      اطيب التهاني بعام 2010 مع تمنياتنا بأن يكون عاما للتحرير و الحرية
      اتصل بي مساء أمس 30 ديسمبر عدد من الرموز حول رفع دعوي للمطالبة بفتح معبر رفح و النظر في سلامة إجراءات السور العازل ، و قد شرحت المصاعب القانونية في هذه الدعوي إلا أن الإتجاه الغالب كان في صف رفعها أيا كانت المعوقات القانونية . و قد بلغ عدد الرموز و الناشطين الذين ابلغوني بموافقتهم ثلاثون مواطنا بين قادة أحزاب و أدباء و كتاب .و ما زلت اتلقي المزيد من الأسماء.
      و قد رأيت من واجبي أن أعمم الدعوة للمشاركة في هذه الدعوي لكم ايها الشباب الناهض.

      و المطلوب أحد امرين

      الأول
      هو الحضور الي مجلس الدولة الساعة 9 صباحا للتوقيع علي عريضة الدعوي
      الثاني
      لمن لا يستطيع الحضور أن يرسل توكيل رسمي عام لمحام من الشهر العقاري باسم ابراهيم يسري سيد حسين المحامي و مكتبه 11 شارع 213دجلة المعادي بالبريد السريع أو مع أي شخص في الموعد: الساعة التاسعة صباح 4 يناير بمجلس الدولة .
      و ندعو الله أن يوفقنا في حل هذه الأزمة و استعادة شرف مصر و تاريخها ووجهها العربي.
      و السلام عليكم
      السفير
      ابراهيم يسري
      المحامي بالنقض
      -----
      انا ان شاء الله ح اقوم البس وانزل الشهر العقاري دلوقت هو بيشتغل من اربعة بعد الضهر لتمانية على ما اذكر، ح اتصل بيهم، يا اربعة يا خمسة بيبتدوا واعمل التوكيل وبرضه ان شاء الله اروح مجلس الدولة في المعاد بس انا بافكر اني ابعت له التوكيل او اروح اوديه بنفسي بعد ما يخلص احسن عشان ابقى ضمنت انه معاه التوكيل في حال لا قدر الله ما قدرتش اروح في الموعد لاي ظرف
      اي شهر عقاري جنبك تقدر تسجل فيه، واي شهر عقاري بيشتغل من تمانية الصبح لاتنين بعد الضهر ومن اربعة او خمسة العصر لتمانية بالليل، والتوكيل بيخلص في ساعتها وانت واقف، تاخد الرقم القومي بتاعك واسم المحامي بالكامل وعنوانه اللي مكتوب
      وتبعت التوكيل بالبريد السريع بس على طول بالكتير بكرة، والتوكيل مش ح ياخد حاجة يعني، او لو مش ح تقدر تيجي تديه لحد يكون جاي يوم اربعة يناير انا ان شاء الله بامر الله رايحة بس انا باحب احتاط، اللي عايز يسلمني التوكيلات شوفوا اقابلكوا فين او تسيبوه فين بس مجموعة مجموعة تتفق مع بعضها، ولو لا قدر الله ما قدرتش اروح ح اسلمه لحد رايح، ده للي مش ح يروحوا
      لكن اللي ح يروح وضامن ان شاء الله انه رايح يوم اربعة يناير الساعة تسعة الصبح في مجلس الدولة مش لازم يعمل توكيل يقدر يروح على طول ويوقع على العريضة
      ===============

      تحديث:
      الساعة 16:49 بتاريخ 31 ديسمبر 2009
      ماحدش يسأل 140 على اي حاجة لانهم ما عندهمش معلومات، واحد قال لي على التويتر مافيش يوم الخميس شهر عقاري بعد الضهر، كلمت الدليل عشان استعلم منهم قالوا لي لا فيه، طلع مافيش. المهم يعني نزلت والحمد لله انه جنبي، ح انزل اعمله ان شاء الله يوم السبت
      ركزوا معايا بقى:
      ان شاء الله يوم السبت كله يروح يعمل التوكيل، يوم السبت فيه صبح وبعد الضهر ومن دلوقت خدوا نمر الشهر العقاري اللي جنبكوا واتصلوا بيهم يوم السبت
      خلاص كده عملتوا التوكيلات ان شاء الله؟
      ح تودوا ان شاء الله التوكيلات على مركز هشام مبارك
      1 شارع التوفيقية الدور الخامس
      تليفون:
      25758908

      عشان انا اعدي على مركز هشام مبارك ما بين الساعة اربعة لخمسة عشان اخد التوكيلات واوديها المعادي للسفير ابراهيم يسري ان شاء الله
      رجاء رجاء رجاء، دي مافيهاش جبن دي كمان بقى، ح تاخد رقمك القومي والتفاصيل وتعمل توكيل قضايا لمحامي، فيها ايه دي؟ مش توكيل عام، توكيل قضايا. وماحدش بيتقبض عليه ولا بيتفتح له ملف في امن الدولة عشان رفع قضية... كفاية شغل الفيران ده بقى
      -----------------

      منقول من نوارة



       

       
       
       
      تفكيك اسرائيل مفيش اسهل منه
      اذا كانت اقامتها اللي هي كانت اصعب اتحققت
       
          
       
       
       
       
      اللهم انصر اهلنا في فلسطين وثبت اقدامهم وفرج كربتهم ..
       ووحد صفوفهم
       
      لن يكتمل النصر بدون الوحدة
       
      الوثيقة باللغة الانجليزية
      The English document


      الاسبانية
      Spanish
       

      الفرنسية
      French

       


       


    Your message has been successfully submitted and would be delivered to recipients shortly.