Loading ...
Sorry, an error occurred while loading the content.

8-to Aprilo Akharipe vash o Khetanipe!

Expand Messages
  • Roma Virtual Network
    8-to Aprilo Akharipe vash o Khetanipe! E Roma ande e sasti luma keren selebracija pe akava baro dive ande e anav vash e persho Romano Lumjako Kongreso pe
    Message 1 of 3 , Apr 5, 2012
    • 0 Attachment
      8-to Aprilo Akharipe vash o Khetanipe!   

       Description: cid:image002.jpg@01CD050B.B2C05260

                E Roma ande e sasti luma keren selebracija pe  akava baro dive ande e anav vash e persho Romano Lumjako Kongreso pe khedipe ande e Orpihton, pashe e London.

      Kotar e 1971 bersh i decizija kotar e Lumako Romano kongreso buteder dela  i forma vash amaro maripen pe amaro digniteto. Kotar e adava dives vazdela pes amari decizija pe amare principora pe amari decizija thaj kauza. Adava sikavela transnacionalno politikano kodo vash e avutne Romane generacije.

                Kotar e 1971 bersh, amen lijam decizija te akharas amen Roma. Amen achas telal e zeleno thaj plavo /vunato/ flaga e deshushov chakrencar chuvde andre i rota. Amen gilavas amari himna so dela godi pe eho kotar e amari istorija pe sansari/miro/slobodija thaj khetanipe Amen vorbisaras Romane,  amari chib  si zurali thaj si dzivdo resuro te vorbisaras amare pejencar thaj pralencar ande e sasti luma. Amen sam temutne manusha.  Amen sijam loshale so sam Romani nacija. Lijam obligacija te traisaras avere manushencar thaj naciencar ande e sansari/miro thaj mashkarutno respekto.

      Akale vorbencar ande amaro vilo thaj gindo, e Roma ande e sasti luma shaj te keren o Internacionalno Romano dive khetane telal o moto,,Khetanipe ande e Tromalipe, Prosperiteto thaj Solidariteto!

      Po 8-to April 2012, pe 12:00 chaso sa e Roma ande e sasti luma aven khetane trujal e paj kotar e lena thaj bare paja. Muken amen te kedas amen palik o izmiri odoleja so ka chudas lulugja ande e majpashi len vaj baro paj.  Mukhen o spiriti/duho kotar e Internacionalno Romano dive te anel amen khetane!

      Bari grupa kotar e Romane aktivistora ande e Budapesta ka khedel pes te frdel lulugja ande e len Dunav. Amen akharas sa e Romen te organizirinen khedipe  kote so ka frden pes luluga, akaja informacija trubuj te bichalel pes thaj te ulavel pes majdur te shaj te inicirinen pes khetanipa mashkar e Roma ande e sasti luma. 

      Organizaciako Komiteto, Budapesta 8-to Aprilo

    Your message has been successfully submitted and would be delivered to recipients shortly.