Loading ...
Sorry, an error occurred while loading the content.
 

TGK HASAN DI TIRO: TJAMAT, BUPATI, GUBERNUR NAKEUH MANDUM LHOH (PENGKHIANAT) !

Expand Messages
  • Aceh Watch
    Deungo peuë Tgk Hasan di Tiro kheun keu gaki djaroë-musôh (gaki-djaroë djawa) http://www.youtube.com/watch?v=oqJYGoF0SMQ Sekretariat KPA
    Message 1 of 1 , Sep 1 1:58 AM
      Deungo peuë Tgk Hasan di Tiro kheun keu gaki djaroë-musôh (gaki-djaroë djawa)
       
       
       
       


      Sekretariat KPA <sekretariat_kpa@...> wrote:
      Husaini Daud sibuk dengan mengatur kaca matanya yang tebal yang sering jatuh. Setelah itu pegah broh putoh;
       
      Malik Mahmud sudah busung makan kebab. Teken MoU dan sekali sekala berphoto-photo dengan abangnya bung SBY dan bung Kalla;
       
      Irwandi Yusuf, kadjikap lek Sidom Apui:
       
      22 Agustus 2007 dari Sidom apui
      Assalamualaikom saleum uloen bri
      Keu mandum akhi pasi dan gampoeng
      Haba se masa bacut loen rawi
      Tuloeng hai akhi baca bu muphom

      Lupah that sayang sinyak irwandi
      Bak loen eu dali sang pruet ka busong
      Ka lupah pajoh sambai teurasi
      Ata jawa bri di baloet lam oen

      Ji pike le jih dodoi bak wali
      Deungoen merpati geukirem langsong
      Hana di tupeu caroeng si pai
      Di bungkoh rapi boeh minyeuk harom

      Hana di tunyum anyie teurasi
      Sebab irwandi ka di dhoe idong
      Di cok atanyan hana di ci ci
      Cit si irwandi di pajoh langsoeng

      Oh troek lam rukueng baro na anyie
      Muri teurasi bei putoh idoeng
      Han jeut di ulak le si irwandi
      Sebab si pai di yue uet langsoeng

      Meunyeu han di uet gaji han di bri
      Di ikat gaki jih pih di kurong
      Serba salah ka si irwandi
      Teu ingat janji ngoen ureung gampong


      Payah ji pubuet ban kheun si pai
      Bah pih nyan akhi meu langgar hukom
      Hana jitakot dosa ngoen rabbi
      Tan di peuduli apui sep tutoeng

      Tanda munafek na lhei boh bagi
      Meunan kheun nabi bak tanyou kaom
      Tanda yang phoen that hana tempati
      Lheuh ta meujanji deungoen nan rabbon
      Ka lheuh meu sumpah deungoen nan rabbi
      Deungoen si pai hana meu gaboeng
      Bah pih bu dijok pangkat yang tinggi
      Bandum yang ji bri ta tiek lam urong

      Hana berhak cok otonomi
      Syit payah ji bri merdeka langsong
      Meunan ji pugah lee si irwandi
      Meu kali kali bak ureung gampoeng

      Teuma yang jinou ka deuh that bukti
      Deungoen si pai ka saboh geudong
      Teu khem khem sabe deungoen si pai
      Sira jep kupi sira piep bakong

      Barou jeh ta kheun jawa si pai
      Jinou ta ganti ka tanyou kheun bong
      Barou jeh jawa cukop ta benci
      Jinou hai akhi cukop ta sanjong

      Barou jeh tanyou ta poh si pai
      Jinou ka tabri syit saboh rincong
      Sebab ka jibri pangkat yang tinggi
      Meusingklet gaki deungoen si pai saboh ija krong

      Watei barou jeh nye troek si pai
      Kaleon han tabri bak ureung gampong
      Meu macam cara tanyou ta anti
      Asai si pai bek na sou junjong

      Tapi lawet nyou peu ka terjadi
      Nyeu troek si pai rame sou kunjong
      Sebab di bri peng le si irwandi
      Di bayei teksi keu ureung gampoeng

      Di peuduek saman deungon rapai
      Dara yang tari jak kuprak punggong
      Abeh dum syeh lah muen seudati
      Meu nyanyi nyanyi meu panton panton

      Dengoen tarian meu anti anti
      Peugot lom tinggi lagak that panggong
      Untuk semerak bak preh si pai
      Lheuh nyan lom ta bri bungoeng meu kalong

      Han sep nyan mantong yang ka lheuh ta bri
      Tangkulok tari laju peu suon
      Si pruek breuh pade ta tueng berkati
      Tamah lom ta bri ka saboh rencong


      jinou ka gata jak ngoen sipai
      Kiban Irwandi kamou bri hukom
      Peu meu cok gata meu sak lam guni
      Atou kamou bri keu buya puntong

      Oh lheuh awak kah cok otonomi
      Sayang that wali bak adu untong
      Abeh dum karu deungoen famili
      Bu tan le sou bri hana sou sanjong

      Abeh dum bungeh jamin ngoen zaini
      Meunan syit lagi ngoen ampoen sarong
      Sabe keu drou drou tan sama bagi
      Ata jawa bi meu rungkhom rungkhom

      Wali ka tuha sayang han sakri
      Oh hari hari meu rawon rawon
      Peu lom kureng peng hana lee gaji
      Peng sosial bri sabe tiep tiep thoen

      Watei barou jeh na pajak nagri
      Ata kamou bri sabe meu himpon
      Tapi lawet nyou tan le kamou bri
      Sebab di nagri ka cok otonom

      Bak ureung nanggrou saran uloen bri
      Pajak bek neubri drou neuh di gampoeng
      Nyeu na KPA drou neuh di taki
      Neu tak ngoen baci bu putoh hidong

      Kupeu ta banyeu lom pajak nanggri
      Kasep jawa bri meu miljoen miljoen
      Aceh ka publou ka keu si pai
      Biek buet yahudi yang publou gampoeng

      Bek di jak pugah koen otonomi
      Tanyou di taki selv govermen geu kheun
      Sama maksud sama arti
      Deungon si pai teutap meu gaboeng

      Tanda yang dua meunou khen nabi
      Ka khianati keu mandum kaom
      Oh lheuh di gata di percayai
      Ka khianati keu ureung gampoeng

      Watei baroujeh nyoeh pajak nanggri
      Peng dum ka geu bri le ureung gampoeng
      Pugah blou bude jak prang si pai
      Padum na baki peu trang hai ampoen

      Padum na tinggai padum na baki
      Wahe pak mentri wahe gam bakoeng
      Ho ka peng lubeh keu sou ka tabri
      Peu na geu restui le ureung gampoeng

      Jinou di gampoeng le moto tari
      Ban bugeoh hari meu rawon rawon
      Yang ek moto nyan koen le si pai
      Tapi hai abi beukas gam bakoeng

      Pane moto nyan wahe irwandi
      Pane dum gaji dep nan meu himpoen
      Barou jeh di jih syit tukang tani
      Di pula campli sabe tiep tiep thoen

      Di jih di mita oleh polisi
      Sebab hai akhi jih mukat bakoeng
      Di plueng dalam gle jak pu glah diri
      Ludou meu kongsi ngoen gam di gabong

      Watei masa nyan tan le meu tani
      Sebab si pai le that lam gampoeng
      Meu keu bu mantoeng dum payah gob bri
      Yang tuah bagi yang tou ngoen gampoeng

      Watei barou jeh gasien han sakri
      Meu saboh gari payah gob tuloeng
      Jinou ka di ek dum moto tari
      Pane irwandi bacut loen tanyeong

      Peu mandum moto ata jawa bri
      Gantou komisi lheuh cok otonom
      Di ureung gampoeng sayag han sakri
      Lheuh teu lheoh gusi sapeu tan keunoeng

      Ka tem khianat wahe irwandi
      Oh lheuh jawa bri pangkat yang lamboeng
      Keu ureung gampoeng atn ka peu duli
      Meu nye si pai cukop ka sanjong

      Sou mantoeng ureung jak ngoen si pai
      Payah ta gari payah ta pancong
      Lagei nyan sabe pugah irwandi
      Yoh goh lom ji bri kurusi lambong

      Tapi lawet nyou ka laen dali
      Deungoen sipai meu poek poek punggong
      Peu tan teu ingat ikah irwandi
      Watei meu janji ngoen ureung gampoeng

      Teuma yang keu lhei neu kheun lee nabi
      Sulet han sakri sabe ngoen kaom
      Oh pugah haba harapan tabri
      Tan na bukti meu ube jarom

      Jameun ka pugah kaya that wali
      Teudoeng meu riti kapai ngoen geudong
      Cukop lee lumo cukop lee biri
      Dan lagi lagi meuh deungoen pawon

      Tapi oh jinou juoh that dali
      Oh loen eu wali sabe gop tuloeng
      Keu bu cot urou dum gop yang jak bri
      Keu rumoh wali sosial tuloeng

      Dep nan kewuh sulet ikah irwandi
      Abeh ta taki dum ureung gampoeng
      Meu na ureung jak demontrasi
      Kaheu polisi jih kayue kurong

      Watei pilkada ingat irwandi
      Suara ji bri kah yang jih tuloeng
      Watei kah meunang tank a peuduli
      Madu yang di bri ka balah racon

      Kamou meu turi kah hai irwandi
      Doktor hewani watei di gampoeng
      Ka tuloeng lumo keuneong di sentri
      Ka tulong biri yang teu suet punggong

      Bah pih kah pugah ubat aseuli
      Ubeut han sakri ku pakek jarom
      Kamou han mutem le keunong taki
      Ka lheuh kamou ci di lei mu thoen thoen

      Di kamou aceh bek kah jak uji
      Kamou han mu bri kah jarom jarom
      Sebab di kamou nyou koen ku biri
      Kamou han mubri kah lhueok lam punggong

      Ka preh troek masa di kah irwandi
      Ka eu peu mu bri keu kah nyan hukom
      Kah payah ka p,llueng keudeh u jawi
      Han jeut jap gaki kah le u gampoeng

      Ta lakei doa sabe bak rabbi
      Biek pu blou nanggri bu taun gulong
      Neu bri bek teunang malam dan hari
      Neu tiek lam api yang cukop tutoeng

      Cuma nyou mantoeng yang uloen rawi
      Oh laen kali tuman loen samboeng
      Mari bersama tanyou gleong gaki
      Gam yang khianati mandum ta sinthoeng




      Kunjungi halaman depan Yahoo! Indonesia yang baru!


      Yahoo! oneSearch: Finally, mobile search that gives answers, not web links.

    Your message has been successfully submitted and would be delivered to recipients shortly.