Loading ...
Sorry, an error occurred while loading the content.

GATIEP, DIE ENGEL EN DIE HOENDERTJIE - 19 April 2005

Expand Messages
  • GRAPJAS
    Dagsê Grapjassers, AANDAG! Lees asseblief die aanhef ook en nie net die grappies nie. Somtyds is daar iets belangrik, en as daar nie is nie, het julle darem
    Message 1 of 1 , Apr 19, 2005
    • 0 Attachment
      Dagsê Grapjassers,

      AANDAG!

      Lees asseblief die aanhef ook en nie net die grappies nie. Somtyds is daar iets belangrik, en as daar nie is nie, het julle darem vir my bly gemaak. Vandag wil ek gesels oor taalgebruik in Gatiep, die engel en die hoendertjie. Ek het die laggie in engels van iemand ontvang en dit het my net eenvoudig uitgenooi om dit in Afrikaans te vertaal. Ek kon dit seker doen sonder om 'n paar stoute woorde te gebruik, maar dan sou dit eenvoudig net nie snaaks gewees het nie, as 'n ma vir haar 5 jaar oud kind kan sê, "As jy weer dit doen, gaan jou gat brand," kan ek seker ook maar die woord gebruik? 'n Leser het 'n maand of twee gelede kapsie gemaak teen die gebruik van 'n sekere woord. Ek het onlangs 'n boek gelees van 'n ATKV pryswenner en was verbaas oor die woorde wat in die boek gebruik word, dit het ingepas by die storie, byvoorbeeld 'n polisieman wat sê "Ag fok"  Die skrywer kon seker geskryf het, "O my goeistetjie" maar sou dit dan dieselfde trefkrag gehad het? So lees vir Meraai soos Meraai is, ok?

      Welkom aan die nuwe lesers, en dankie dat julle almal nie die pad vat as ek so lank wegbly nie. Ek is druk besig om die nuwe Grapjas tuiste reg te kry en tussenin met Telkom te baklei oor my Adsl konneksie, as enige van julle Adsl oorweeg, laat groei eers hare op julle tande, julle sal dit nodig hê as julle 'n nuwe diens van Telkom af bestel. Ek maak deesdae eers koffie en neem dit saam foon toe, saam met 'n boek of tydskrif en my dagboek en pen voordat ek begin skakel.

      Dankie aan Hans, Janske, Wilmien, Muller en Charl wat van hulle laat hoor het, altyd lekker om epos te kry. Muller het 'n nuwe Afrikaanse woord vir foreplay gestuur, "mosselontdooi - Voordat ons bedbraai, moet ons eers vir so uur of wat mosselontdooi !"  (Vroue kla gereeld hieroor in tydskrif artikels, kom manne, nou kan julle mos die ding in Afrikaans doen!)

      Groetnis.

      GRAPJAS

      Skryf gerus aan
      grapjas@... met kommentaar of bydraes. Dit sal waardeer word. Stuur asseblief Grapjas aan alle Afrikaansspekendes in jou
      adresboek sodat ons kan groei. By voorbaat dankie.

      **********   G R A P J A S   **********

      1. Vlooi, vlooi, wat soek jy in my kooi?
      2. Gatiep, die engel en die hoendertjie
      3. Exaaminflaters
      4. Pay your TV license

      **********   G R A P J A S   **********

      Koos klim op die trein met sy hond en gaan sit naby 'n welgeklede dame. Toe die basterbrak verveeld begin raak, begin hy krap dat dit 'n naarheid is, en die dame sê vererg: "Vat jou hond weg, ek kan al voel hoe die vlooie op my ronddans!"

      "Haai Boesman, kom lê hier, die antie het vlooie."

      **********   G R A P J A S   **********

      Gatiep soen soos gewoonlik vir Meraai goeienag voordat hy omdraai en binne 5 minute aan die slaap raak. Na 'n uur of twee skrik hy skielik helder wakker en sien 'n ou man langs sy kant van die bed staan, wit kleed en al. Meraai se lover? Hy kyk oor sy skouer maar dis pikdonker.

      "Hey, wie's jy? Wat soek jy in my kamer?"

      "Dis nie jou kamer nie, Gatiep, ek en jy is in die hemel."

      "Waaat? Wil djy vir my kom vertel ek is dood Jy moet djou kop laat lees, ek is nog te jonk om te dood, ek wil dadelik teruggaan, NOU!"

      "Dissie ..... ek meen, dis nie so maklik nie, sê die witgeklede engel, al die vacancies ........ ag shit, ek meen, jy kan net teruggaan aarde toe as 'n hond of 'n hoenderhen. wat sal dit wees?"

      Gatiep oorweeg die saak so 'n bietjie, hoenderhen of hond? 'n Hoenderhen klink beter, hy het tog nie krag om rond te hardloop en vir al wat kar is te blaf en saans te wag vir sy bak kos nie, dan liewer 'n hoenderhen wat heeldag niks doen nie.  Beter as niks, dan is hy darem terug op die aarde.

      "Okei, ek wil 'n hoender wees", en woeps, is hy in 'n hoenderhok iewers in die Vrystaat, so 'n mooi rooibruin hoendertjie, maar mense, sy gat brand soos vuur! Die haan kom kennis maak en sê "Haai, jy is mos die nuwe hoendertjie, die ou wat van die hemel af teruggekom het, hoe laaik jy om 'n hoender te wees?"

      "Ag, dissie so bad nie, beter as om dood te wees." sê Gatiep, "maar ek voel ek gaan ontplof."

      "Jy moet 'n eier lê, dan is alles oor, kekkel net twee keer en dan druk jy dat dit bars."

      Gatiep maak toe soos die haan sê, kekkel twee keer en druk, en wraggies, plop, daar lê 'n eier op die grond. Dis so lekker dat hy dit sommer weer 'n keer doen. Die derde keer toe stamp iemand hom dat hy so trek en hy hoor Meraai skree: "Gatiep, word wakker, jy skyt die hele bed vol!"

      **********   G R A P J A S   **********

      Johann Bach het baie musiekkomposisies geskryf en ook baie kinders.  Hy is dood sedert 1750 tot vandag toe. Bach was die beroemdste komponis in die wêreld en Händel was ook. Händel was half-Duits, half-Italiaans en half-Engels. Hy was 'n baie groot man.

      **********   G R A P J A S   **********

      Two recent court cases have earned the attention of newspaper readers in South Africa. One person was fined R1 000 for not having a TV licence. Another was released on bail for R500 after being arrested for murder. And the moral of this South African story? If you do not have a TV licence and the inspector comes round, kill him...........You'll save R500.

      **********   G R A P J A S   **********

      South Africans home and abroad - Join GRAPJAS Some of the jokes will be in english with an Afrikaans flavour or bilingual,
      Subscribe now by sending blank email to
      grapjas-subscribe@yahoogroups.com
      Stuur grappies aan grapjas@...
      If you want to unsubscribe (Now why would you do that?) send blank email to
      grapjas-unsubscribe@yahoogroups.com

      Cheers, weg is ek  tot volgende week! Hou die blink kant bo!

      GRAPJAS

    Your message has been successfully submitted and would be delivered to recipients shortly.