Loading ...
Sorry, an error occurred while loading the content.

WIE HET HULLE SO IN HULLE MOER GERY?

Expand Messages
  • GRAPJAS
    Dagsê Grapjassers, Net omdat ek so lank weg was, kry julle vandag sommer vier laggies. Baie welkom aan die nuwe lede, nou nie so baie as wat ek graag wil hê
    Message 1 of 1 , Nov 9, 2004
    View Source
    • 0 Attachment
      Dagsê Grapjassers,
       
      Net omdat ek so lank weg was, kry julle vandag sommer vier laggies. Baie welkom aan die nuwe lede, nou nie so baie as wat ek graag wil hê nie, maar as ek so lank wegbly, moet ek seker maar die pak vat. Nog altyd rekenaarprobleme maar ek verwag darem so 'n meevallertjie in volgende maand, 'n kontrak wat dan ten einde loop en daar sal darem genoeg wees om die blikbrein te laat regmaak, dit is eintlik net Windows wat herlaai moet word, maar die vorige ou het dit so bewerk dat as ek Windows wil herlaai, ek gevra word om in Dos te reboot. Fyn, ek doen dit maar dit wil nie in Dos reboot nie!
       
      Iemand het lank gelede gevra vir boks grappies, ek het ongelukkig die epos verloor, maar hier is 'n Mike ene, net vir jou.
      Groetnis tot volgende week.
       
      Skryf gerus aan grapjas@... met kommentaar of bydraes. Dit sal waardeer word. Stuur asseblief Grapjas aan alle Afrikaansspekendes in jou adresboek sodat ons kan groei. By voorbaat dankie.
       
      **********   G R A P J A S   **********
       
      1.  Kredietkaarte  (Gerrie Parker)
      2.  Huisbesoek  (Piet Kitshoff)
      3.  Mike en sy kwaai vrou  (Susan)
      4.  Die Ford Escourt  (Kevin A)
       
      **********   G R A P J A S   **********
       
      KREDIETKAARTE
       
      As gereelde besoeker aan Checkers (ek bly net om die hoek) word ek dikwels lastig geval deur boemelaars en bedelaars - wat vir my 'n duur storie geword het, want ek voel skuldig as ek nie 'n paar sente in die hand gestop het nie. Omdat ek eersdaags op pensioen gaan, het ek 'n ander plan beraam. Ek loop eendag weer deur die parkeerterrein huis toe. Op 'n sementmuurtjie sit 'n hele paar boemelaars, en een kom met 'n drafstappie nader.
       
      "Tannie, net 'n paar sente vir 'n honger ou, asseblief!"
       
      "Ek antwoord: "Jammer, seun, ek dra nie meer kontant by my nie, ek koop nou net met 'n kredietkaart."
       
      Ewe vinnig draai hy na sy maters en sê: "Hoor julle, ek sê nou vir julle. Hierdie donnerse kredietkaarte gaan nog ons hele besigheid opfok!"
      **********   G R A P J A S   **********
       
      Die nuwe predikant besoek sy gemeentelede. By een huis hoor hy dat die mense tuis is maar hulle maak nie die deur oop nie. Hy haal toe 'n kaartjie uit en skryf daarop "Openb. 3:20" en skuif dit onder die deur in.Die volgende Sondag kry hy die kaartjie in die kolektebord met 'n boodskap onderaan gevoeg: "Genisis 3:10"
      Hy trek sy Bybel nader om die gedeelte op te soek en toe hy dit kry, bars hy hardop uit van die lag.
      Openb 3:20 lees: "Kyk ek staan by die deur en ek klop . . "
      Gen. 3:10 lees: " . . .Ek het U hoor wandel in die tuin en ek het bang geword, want ek is kaal."
      **********   G R A P J A S   **********

       
      Mike het so bietjie laat gekuier en strompel half twee die oggend by sy huis in. Toe hy by sy kamer ingegaan, sien hy 'n ander ou by sy vrou op die bed. Sy vee die ou soos 'n lastige vlieg van haar af en vra in 'n ysige stem: "En waar was jy tot half twee in die nag, meneertjie?"
       
      Mike is darem nou ook nie so dronk nie, kyk die ou op sy bed vies aan en skree op sy vrou: "Wat doen hierdie ou saam met jou in die bed?"
       
      "Moenie nou die subject probeer verander nie, dik Mike", gil sy vrou "waar de hel was jy al die tyd tot nou toe?"
       
      Help nie om met 'n vroumens te stry nie!
       
      **********   G R A P J A S   **********
       
      Die ou oom en tannie het geboer hul hele lewe lank....maar al die kinders het getrek van die plaas af en nou is dit net hulle twee stoksielalleen.

      Eendag sê die ou vrou vir die ou man: "Ek dink ons moet stad toe trek."
      So verkoop hulle alles, plaas, trekkers, bakkies, vee man sommer lock stock and barrel en hulle koop ´n meenthuisie in die stad. Na so ´n maand in die stad sê die ou vrou vir haar man: "Ek dink ons moet vir ons ´n klein motortjie koop. Ons kan nie net hier sit nie, ons moet darem kan rond gaan en dinge sien." Die ou man was ´n groot Ford fan en hy maak die koerant oop by die advertensies. Hier voor hom staan escourt agency en hy skakel die nommer. Die man antwoord en die boer vra hom of hy enige escorts het en wat prys hulle. So antwoord die man hom: "Ja meneer ons het, en hulle wissel so tussen R200 en R250."
      So vra die boer vir hom: "My ou maat, maar wie het hulle so in hul moer gery?"

      **********   G R A P J A S   **********

      South Africans home and abroad - Join GRAPJAS Some of the jokes will be in english with an Afrikaans flavour or bilingual,
      Subscribe now by sending blank email to grapjas-subscribe@yahoogroups.com
      Stuur grappies aan grapjas@...
      If you want to unsubscribe (Now why would you do that?) send blank email to grapjas-unsubscribe@yahoogroups.com
       
      Cheers, weg is ek  tot volgende week! Hou die blink kant bo!
       
      GRAPJAS
    Your message has been successfully submitted and would be delivered to recipients shortly.