Loading ...
Sorry, an error occurred while loading the content.

عايزه اغير الكاريير بتاعى تفتكروا حينفع؟؟

Expand Messages
  • Niveen Ali
    انا قلت عيب عليا بجد تكون واحده اهلاويه صميمه زى حالاتى و مكتبشى فى الكوره مش عيب على
    Message 1 of 1 , Dec 2, 2008
    • 0 Attachment

      انا قلت عيب عليا بجد تكون واحده اهلاويه صميمه زى حالاتى و مكتبشى فى الكوره مش عيب على فكره ان انا مش عارفه غير كام اسم من فريق الاهلى و خلى بالكوا اسما فقط يعنى من ناحيه الشكل معرفشى حد تماما غير حبيب الجماهير طبعا كابتنا الكبير ابو تريكه و دا طبعا مش علشان كم الاجوان المهول اللى جابه لا طبعا دا علشان اعلان العصير اللى عمله و كان من احد الاسباب الرئيسيه فى التعرف عليه شخصيا و دا يخليكوا تعرفوا اد ايه انا انسانه متابعه جيده لماتشات الكوره او خلينى اتكلم بلغه الكرويين لماتشات الفانله الحمراء و الفانله البيضاء

      و طبعا كابتنا الكبير حسن شحاته و دا لتعرضى لموقف شخصى معاه و انا لحد فتره قريبه جدا مكنتش عارفه هل هو ينتمى لفريق الاهلى ام فريق الاعداء الزمالك لحد ما الغشاوه اللى على عينى اتشالت و عرفت انه من الاعداء زملكلوى يا رجاله دموا حلال اقتلوه ستوب ستوب اكيد عمالين تقولوا عايزه ايه يا ست انتى خلصينا وجعتلنا دماغنا بقى ها اصبروا اصبروا حقولكوا انا عايزه اتقمص دور المعلق الرياضى اللى بيكون موجود فى كل ماتش بشوفه اصلى بصراحه عايزه اغير الكاريير بتاعى

      فمعكم الان معلقكم الرياضى ن ع من استاد القاهره تنقل لكم المباراه

      ايه الحلاوة دى .. ؟؟ ايه اللعب ده ... ؟ اهى هى دى الروح وهى دى الكورة ...؟؟؟ الله عليك يا متعب .. الله عليك يا ابو تريكة .... الله علييك يا اسامة يا حسنى


      ايه يا رجالة ده ... الكورة مالهاش كبير يا اخوانا ... والله الكورة ماليها كبير ... شايفين الجماهير فى المدرجات .. الناس مش مصدقة نفسها .. الناس بتنطط من الفرحة


      شايفين الاجوان ؟؟ شايفيين اللعب ..؟؟ شايفيين الترقيص .. ؟؟ فعلااا حاجة تجنن يا جماعة ... مش ممكن .. مش ممكن ... مش ممكن


      مبروك عليكوا الكاس يا اهلاوية ... تستاهلوا والله يا رجالة ... ماتش ما حصلش وماتش جمييل وماتش ما اتكررش من سنيين .. فعلا الكورة اجوان ... و هى دى روح الفانلة الحمرا ... والملعب الاخضر ... وليللتنا البيضة ......

      وانا وانت ...... ورقصنى يا حضري

      والى هنا مشاهدينا الاعزاء انتهت احداث مبارة بين القمتين الأهلي والزمالك فى ماتش نهائى كاس مصر


      والى اعتلى عرشه فريق القرن فريق النادي الاهلى


      ونقول لجماهير النادى الأهلي الف مبروك على الكاس


      ونقول لجماهير نادى الزمالك (هارد لك)


      و الان ننقل لكم احتفالات الشارع المصرى

      بييب بيييب اهههههللللللييي


      بييييب بييييبب اهلللللللييييييى


      تييييت تيييييت ... تيييت تيييييت


      ترابرا تاتاات تييييي


      اهلللللللى اهلللللى ... ارقص يا حضررررررري


      ارقص ياا حضرررررررييي

      (الشارع المصرى)

      و الان انقل لكم تعليق من احد مشجعى نادى الزمالك

      الفريقين ادوا مبارة متكافئة وكلنا بننحنى لفريق نادى الزمالك


      الى قام بماتش رائع


      وهى دى الكورة


      وكان لازم يبقى فى حد كسبان وحد خسران


      وكفاية علينا احساس المبارة واحنا عندنا 22 لاعب بيأدوا لعب بمهارة وحرفنة


      وروح رياضية


      وكفاية على الزمالك شرف الحصول على اللعبة الحلوة وهارد لك يا زملكاوية


      (معلق زملكاوي)




      و من المدرجات ننقل لكم الاتى

      معلش معلشش معلششش


      سد يا حبيبى سد


      ومبروك للاهلي


      هييهيهيهيهههه هييههي هييهي ههييي


      خلاص بقى ما تفتحوش بقكوا مرة تانية


      معلش هى دى روح الفانلة الحمرا


      لازم يبقى فيه تحدى


      مش معقول يعنى ننزل كل مرة نكسبكوا كده ونطلع



      (واحد اهلاوى لواحد زملاكاوى)





      مافيش اهلاوي يفتح بقوا


      والا هلم حاجتى واقوم امشى


      ما تنكروش ان احنا الى كنا بنجيب الاجوان الاول


      وانتوا الى كنتوا بتقلدونا


      يالا اهو ماتش من نفسكوا


      ولا انتوا نسيتوا برشلونة


      واذا كنتوا نسيتوا نفكركوا


      (واحد زملكاوى لشويةأهلاوية)

      و الان ننقل لكم الاحداث من داخل احدى المستشفيات

      عدد حالات الاصابة بالسكتات الدماغية وصل حوالى 20 مع نهاية الشوط الثاني


      والمصابين بالجلطات ترواح بين 50 - 80 ما بين الشوط التالت والرابع


      وحالات الوفيات حوالى 40 مع نهاية المبارة


      وتراوحت انتماءات المصابين ما بين اهلاوية وزملكاوية


      على ان اكثر حالات الوفاة كانت من بين الاهلاوية من صدمة الفوز


      وكثرت الجلطات والسكتات الدماغية وارتفاع ضغط الدم بين الزملكاوية من صدمة الوكسة

      (مدير احد المستشفيات)

      و الان ننقل لكم الاحداث من داخل احدى اكبر شركات المحمول فى مصر

      النهاردة حققنا التارجت يا جماعة وحققنا ارباح خيالية من المسجات والمكالمات طول فترة الماتش ومع كل جول وبعد المباراة


      يا رب ما يحرمنا من ماتشات الأهلي والزمالك



      جووووون يا رجالة


      وعقبال الماتشات الجاية


      وبالمناسبة العظيمة دى هنصرف نص شهر بونس لكل العاملين فى الشركة

      (مدير فى احدى شركات المحمول)



      وكان معاكوا على الهوا مباشرة معلقكوا الرياضى ن ع



       

        

         

       Click to join Analyse_This_

       
      Click to join Analyse This   
      Analyse This ! Facebook 




      Explore the seven wonders of the world Learn more!
    Your message has been successfully submitted and would be delivered to recipients shortly.