Loading ...
Sorry, an error occurred while loading the content.

التحرش الجنسي

Expand Messages
  • mohamed sobhy
    المره اللي فاتت كان الموضوع عن مواضيع مضمون التحدث فيها انها تشعل النقاش و اهمها طبها
    Message 1 of 9 , Oct 31, 2008
    • 0 Attachment

      المره اللي فاتت كان الموضوع عن مواضيع مضمون التحدث فيها انها تشعل النقاش
      و اهمها طبها اي كلاام عن الرجل و المرأه فعشان كده قلت اضمن نفسي و نتكلم عن موضوع مضمون برضه .

      دايما بقول لنفسي عاوز اقلل كم الكتابه في اي موضوع بس مش عارف ليه بقالي فتره طويله عاجزجدا عن تقليل الحجم
      المره دي هكتب بطريقه جديده نوفي يمكن تأثر من الهم اللي الواحد بيقراه
      تابعت بصراحه قضيه التحرش الاولى و الاخيره حتى الان بس تابعتها متأخر الى حد كبير لسببين الاول ان الاسبوع ده كان من اكتر الاسابيع ارهاقا ليا و كمان الواحد جاتله اصابه خفيفه نتيجه اني تقمصت دور طرازان و ازحلقت من سلم مين باص و هو ماشي فلقيت نفسي في الشارع اه البنطلون اتقطع بس الحمد لله ان الواحد مشي على رجله بعديها اه واجهت متاعب شويه في الرجل اليمنى بس كلها كدمات الحمد لله نرجع للموضوع  التحرش عاوز اناقش بعض النقاط

      الاولى طفو التحرش الجنسي الى السطح الفتره الاخيره ليه
      و ثانيا هل في علاقه بين مشاكل الشباب الحاليه و التحرش الجنسي
      و ثالثا كلام عن تجاره الجنس حاليا و انتشارها بشكل غير مسبوق
      رابعا مسئولية من مشكله التحرش الجنسي
      خامسا حديث عن القضيه الاخيره اللي اتحكم فيها في زمن قياسي
      سادسا مفروض يبقى حل بس انا مش هكتبه انا هسيبه ليكم لأني مش شايف حل اصلا للموضوع .

      ************ **

      بدأ مشكله التحرش تشغل الرأي العام و طفت الى السطح بعد احصائيات مستمره حول زياده الموضوع و انطلقت فجأه بعد حادثه وسط البلد الشهيره و التي بدأت بعد وصله لدينا الراقصة و بدأ من وقتها حديث مستمر حولها و مين المسؤول عنها و كان هناك اراء عديده منها ملابس المرأه و هذا يميل اليه الرجال غالبا و رأي ان المسئول هو الرجل فقط و غالبا من يتبنى هذا الرأي هو المرأه
      و انا رأيي ان اي مشكله تنشأ بين جنسين او طائفتين بينهم حوار دائم عن المساواه و عن ظلم طائفه لأخرى دائما ما تكطون مسئولية المشكله متساوية 50 % للطرفين و دائما كان هناك حجه السيدات ان الستينات عصر الميني و الميكرو جيب و البيكيني كمان يظهر في افلام تلك الفتره لم يكن موجود هذا التحرش لو ان السبب الملابس لكان اوى انتشاره في الستينات بس في نقطه اخرى خطيره عشان اقارن بين نفس الظاهره في فتريتين مينفعش اثبت كل المتغيرات و امسك في متغير واحد اللي هو اللبس فترتين دول مختلفتين في كل حاجه ظروف اقتصاديه اجتماعيه العالم اتغير كله في ذلك الزمن و مينفعش اقول ان كانت المرأه اكثر تحررا في الزيزمان ومكانش فيه تحرش يبقى اكيد العيب من الرجل ما انا برضه ممكن اقول ان زمان مكانش فيه حجاب خالص تقريبا فكان التحرر للجميع اما الان فالتحرر للبعض و هناك تفاوت في لبس السيدات ممكن ينشأ عنه تغير فكر الرجل من مرأه لأخرى بسبب الزي مش عاوز اطول في النقطه دي خصوصا ان في نفقاط كثيره تستحق النقاش بس الخلاصه ان مينفعش اختزل المشكله في جنس يعني مينفعش اقول العيب في الرجاله و مينفعش اقول العيب في المرأه
      دئاما زي ما قلت قبل كده فيمواضيع من الموضيع اللي بتمشي الحديث فيها زي الحلاوه و هي الموضيع الطائفيه سواء دينيه او جنسيه او كرويه 
      يعني مسلم و مسيحي رجل و مرأه اهلي و زمالك مواضيع دايما اي طرف فيهم بيحاول ينتقد الاخر قبل ان يتناقش و دي سبب المشكله هدف الست  ان تساند المرأه في التحرش ضد الرجل اللي فاكر نفسه سي السيد يتحرش كما يشاء و التحرش مسؤلية الرجل فقط و الرجل يقول ليه اصلا تخرج الست من البيت و لو كانت الست فضلت في البيت زي امينه سي السيد كان حصلها حاجه ؟؟
      على اي حال اكتفي بهذا القدر في النقطه الاولى و اعود بعد صلاه الجمعه لأكمل النقطه الثانية 

      ********

      رجعت بعد صلاه الجمعه و السيول بس ناسي انا كنت بقول ايه و طبعا مش هوجع دماغي و اقرا الكلام اللي ملوش معنى فوق لأني اه برفع ضغط الناس و محبش ضغطي يرتفع
      النقطه التانيه كان زمان لو افتكرت ابويبا اتجوز كام سنه هلاقيه اتجوز في اول العشرينات دلوقتي اخويا الاكبر لما تزوج في سن الثامنه و العشرون رغم ان الاتنين اتخرجوا من انفس الكليه و اتوظفوا نفس الوظيفه بس الزمن اختلف
      كان زمان الارجل يتخرج من اي كليه يروح على طول على الشغل و الجواز
      انما الان الحاله بقت زفت و فعلا شوفت كتير لسه في سكه الوظيفه رغم التخرج من سنوات
      و حتى اللي شغل نسبه كبيره جدا مش حاطين اي خطط لمستقبل و زواج بسبب الحاله المترديه لشغله و عدم رضاه عنة
      كلمه قالها محمد صبحي على ما اعتقد
      في احد اعماله اعتقد ماما امريكا قال في شباب وصلو لل 35 و الله نما يعرفوا يعني ايه تكاثر   كانت وقتها مجرد ايفيه كوميدي بس فعلا الموضوع تعدى اللي قاله محمد صبحي بمراحل
      ده مش عزر للشباب بالتحرش بس دي مشكله غير طبيعيه للطرفين لأن مش معقول الانسان يوصل لدرجه انه مش قادر يمارس نشاط من انشطه حياته لأن الجنس نشاط مثله مثل الكل و الشرب مش قصدي بتشبيه بالشرب انه لو الانسان معملوش هيموت لأ هيعيش بس هيتأثر نفسيا بشكل او بأخر و ده على حسب برضه طبيعه الانسان و ايمانه دائما صعوبه حياتك انك زيها زي واحد سواق شاطر جدا بس بيحصل ليه حوادث من اخطاء الاخرين لأنك في الحياه مش عشان انت طيب او فاهم مش هخيحصلك مشاكل لأن لأن مهاره السائق انه مش بس يعرف يسوق لأ كمان يعرف يتحاشى اخطاء الاخرين
      مش عاوز اخرج عن الموضوع جامد بس في مشاكل كتير جدا عند الشباب و لو دخلت عند حد يفكر في الزواج خش بقى على مرحله اخرى من الطلبات المبالغ فيها من الاهالي الشبكه مش عارف بكام و تفرش الشقه مش عارف ايه و  شقه مش عارف فين و مش بجمع ان الكل كده بس المعظم و بصراحه احسد في كثير من الوقت حال  الارياف انه بيتجوز و خلاص اه بيكتبوه قايمه فيها فرشه البلاط بس في الاخر بيتجوز قوام قوام  و الحمد لله ليا عيال قرايبي اتجوزوا و انا لسه قدامي بحسبه صغيره حوالي 10 سنين مش مهم عشان ما اخرجش عن الموضوع مشاكل تأخر الزواج او انعدام الجواز الناتجه عن الظروف الحاليه من اسباب ذياده معدلات التحرش الجنسي في تلك الايام و اعتقد كفايه قوي كده على النقطه رقم اتنين و نحول على اللي بعديها

      **********

      ننتقل للنقطه التالته و انا قاعد مستني العشاء تجاره الجنس فعلا نتيجه للسبب اللي فات في حاجتين انتشرو على التوازي نقطه تجاره الجنس و التحرش
      و التحرش بقى سكه اللي مش قادر يخش في سوق الجنس اللي حاليا بقى اقل وصف لليه سوق
      و السوق ماشاء الله في نمو و تضخم شأنة شأن اي حاجه في مصر و وواجهته معروفه للجميع شارع الهرم و حاليا جامعه الدول اصبح بيفتح فيه الديسكو و ملهى الليلي وراء الملهى
      و باطنه الله اعلم بيه
      و السوق مفتوح على الانترنت على مصرعيه و بينقسم على الأنترنت اقسام كتيره جدا و في الانترنت بدأ في الظهور استغلال اخر و ظهرت موضه جديده للدفع اشحنلي و انا هظبطك هقابلك كاميرا اي منظر و بقه الموضوع ده مصدر للدخل جامد جدا و اما الشوارع فممكن تسأل اشخاص هيحددولك اماكن بالتحديد هتلاقيهم واقفين فيها تاخدهم في العربيه طب اللي مش عارف ده كله اللي بيشوف البنت تركب العربيه اللي يشوف الناس خارجه من الملاهي الليله  و لا يملك دخولها شايف السوق في نمو و انت لا تملك حجتى ثمن تذكره فرجه و دي حقيقه اصبحت الدعاره في مصر تجاره مربحه و في نمو كبير  بأنواعها سواء في الحقيقه او على النت او حتى اللي داخلين للنصب بأسمها و مشكلتها انك كنت ترى من يدخل في هذه التجاره دلوقتي تلاقي بنات من بره قمه في الاحترام و تقف في الشارع عند اول واحد يعاكس تركب معاه العربيه
      فالمتحرش اصبح كالشخص الذي يرى الناس تشرب من امامه الماء و هو لا يجد ما يشربه

      ************ ****

      مين المسؤول بقى عن التحرش كنت اقول في اول الامر ان المسئوليه هيا للرجل و المرأه و لكني احب ان اضيف عليهم كمان الحكومه اللي وصلت الناس بالظروف اللي خنقتهم بيها  انها خلت حاجه ببلاش بينسوا بيهم الهموم كما قال عادل امام في فيلم النوم في العسل لسلعه غاليه الثمن كتير من الستات تقولي فين مسؤليتنا انا مش بلقي اللوم على واحده بعينها بس الزي ليه عامل في ظل الحرمان الموجود و انتشار البغاء ليه عامل لأن الست فيها الكويس و الوحش زي ما الراجل فيه الكويس و الوحش
      بس  المسؤلية الانتشار الاكتر الحكومه  بظروف من اسؤ الفترات اللي عاش فيها الناس من بطاله و فقر
      و قدميا اسقط سيدنا عمر بن الخطاب حد السرقه في الجفاف
      بس اكيد صعب نسقط حد التحرش حاليا في زمن الحرمان


      ************ ********* **

      القضيه الاولى للتحرش
      في الحقيقه فعلا لم اتابع القضيه جيدا لظروف طوال الاسبوع زي ما قلت في الاول الصبح بس سمعت ملخص سريع من احجد الاصدقاء امس و انا على الحكايه دي هبني كلامي فلو فيها اي خطأ انا مستعد لتقبل اي نقد في هذا الجزء بالذات طبعا انا اتقبل اي نقد في اي حته بس الجزء ده اتقبله بزياده شويه
      اول حاجه لفتت انتباهي في الحكايه مش عارف انا صح و لا لأ بس هل ممكن اروح الاسم انا و صديق و اشد واحد و اقول ده سرقني و صاحبي شاهد على حكايه صديقي ان التحرش لم يراه الناس الناس اتلمت بعد كده و شاهده التحرش صديقتها ليه الحكم السريع جدا ده و برغم ان الست دايما اسهل قضيه تعملها ان فلان اتهجم انا مش بدافع عنه طبعا بس لو انا ماشي في الشارع شتمت واحده بلطجه مني تروح دي معاها صاحبتها تقولده اتحرش بيا اندب 3 سنين و انا استحق عقاب الشتيمه بس
      حسيت ان القضيه اطرمخت بسرعه جدا
      وانا بتسائل لو الراجل مش سواق او البنت مش ابوها جامد او عيلتها ليها سلطه جامده لأن ماشاء الله الراجل دخل النيابه المسائيه في نفس اليوم و اتحول محكمه و خد حكم في اسبوع و الله في قواضي بقالها سنوات ما اتحكم فيها
      دهخ اللي قاتل و كل الادله ضده قاعد في سجن المزرعه بيقول انا برئ و دي مؤامره على امبراطورتي الاقتصادية و لسه قضيته يا عالم هتتققفل ازاي
      نيجي لموضوع قريب جدا
      واحده خبطت عربيهع واحد و الفيديو منتشر جدا في اليوتيوب و الفيس بوك نزلت بعصايه ممنوعه و شتايم و سب في الشاب نابي و تخلي بابا العميد يجيب امين ياخد الشاب و رغم التصوير اللي هيا ظاهره فيه و رغم السب اللي يعاقب عليه القانون لم نسمع انه تم عمل اي شئ معاها بلل و هناك اخبار ان الواد اترمى في السجن عشان الهانم بنت العميد
      هتقو ليه جيبت دي
      لأن الحكم مش ضد التحرش و لا نصر للمرأه و لا انتصار للحق على اد ما هو نصر طبيعي لشخص يملك السلطه عهلى شخص اقصى ما يمكن ان يصل له من سلطه انه يصاحب امين شرطه
      انا مش بقول كده تعاطف مع الرجل المخطئ رغم ان خطأه محتاج تحليل اكتر من كده و تشوةف الراجل ده ظروفه ايه زي ما الكاتب احسان عبد القدوس قال في مقدمه احدى الروايات اعتقد بئر الحرمان اسألو الظروف و الله اعلم الست كانت ماشيه ازاي بس كل ده لا يعفيه من الخطأ بس الكروته دي في ظل قضايا اتهم لم يتم الحكم فيها يدل انه حكم انسان يملك سلطه على شخص ضعيف
      و بكل صراحه لم ارى في مصر احكام بهذه السرعه

      ************ ****

      ختاما كان من المفروض اقتراح حلول بس فعلا المشكله بلا حلول  في الوقت الحالي بس اعتقد انها محتاجه في الوقت الحالي اجرائات مساعده من الحكومه للشباب مع تفعيل على الاقل شرطه الاداب اللي شغاله فعلا على الضعفاء بس اما ملوك الدهعاره موجودين و الدعاره المرخصه في كباريهات الهرم موجوده ما دامتن الرشاوي موجوده و اديكم مثال سريع صضديق يسكن في مكان من الاماكن الجيده جدا في القاهره حيث تتعدى سعر الشقه ال 1.5 مليون جنيه و اكيد غليت مع نمو العقارات كان في غرفته يسنع اصوات غريبه بعد شويه عرف ان جنبه شقه دعاره و عرب و ناس كبار جم
      الواد خاف على نفسه قال لأبوه و ابوه بلغ البوليس و كان ذلك في بدايه موسم الصيف
      ماذا حدث لم تتم المداهمه الا في الشتاء بعد انتهاء موسم الدعاره الصيفي و مسكو بنت واحده باين شكلها كانت بالأتفاق و بعد فتره فتح اخوا صاحبه الشقه شركه في الشقه و بالتأكيد انتقل النشاط مكان اخر
      في حلول كتير بس  تعبت جدا في الكتابه فهكتفي بكده و اهم شئ محدش يدعي عليا بعد القرائه و اتمنىانه ميكونش الوقت اللي قضاه في القرايه كان وقت ضايع

      محمد صبحي
       

       



       

       

        

      Analyse This ! 

       

      We are Different  ...!   

       Click to join Analyse_This_

      Click to join Analyse This    أدخل ايميلك لتصلك رسائل المجموعة  

      Analyse This ! Facebook 



      Get news, entertainment and everything you care about at Live.com. Check it out!
    • mohamed sobhy
      بعد النجاح الساحق لحمله نحكم عقلنا بدأت حمله تانيه جميله جدا و هي حمله احسبها صح و هي
      Message 2 of 9 , Oct 31, 2008
      • 0 Attachment


        بعد النجاح الساحق لحمله نحكم عقلنا بدأت حمله تانيه جميله جدا و هي حمله احسبها صح
        و هي فيها بتحاول الحكومه القضاء على ما تلقى من مراره الشعب المصري و انا مستني المواصلات النهارده صورت 3 صور عشان محبتش مرارتي تتفق لواحدي هسيبكم مع 3 عناوين للحمله و 3 صور



        ال ايه عشان نوفر في البنزين نندعك في المترو و ادينا متسليين بريحه العرق
        انا طبعا مش معنى كده اني انف لأني متسلي في المواصلات و المترو طول عمري


        طب ليه مبطلهاش
        انا اعرف واحد بطل سجاير و بقى يجيب بفلوسها حبوب نيكوتين

        شرين الغلبانه شايفين هدومها متقطعه ازاي
        اشترت دوار رهيص عشان تجيب كتاب لأبنها
        بس يا ترى خفت في كام ضعف فتره الدواء الغالي

        ************ ******
        عشان الموضوع مبيبقاش صغيرالنهارده اول مره من فتره طويله جدا افقد اعصابي على حد في مواصله عامه
        اخر مره فقدت اعصابي كانه سواق تاكسي ده بقى اللي ضربته فعلا عشان استغل فرصه اني معيش فكه و عاوز ياخد ضعف الاجره ما علينا من ده بس النهارده ركبت ميكروباص و عادي جدا مفيش مكان فوقفت  كنت رايح دار الدفاع الجوي و كان معايا شنطه فواحد طيب ابن حلال قالي هت الشنطه اشيلهالك اديتهاله جيت عند اخر كوبري شارع النزهه ناس عاوزه تنزل فعدتها و بنزلهم و و قلت للتباع و هو بينزلهم و انا تحت بعد كده اخر السور معاك قالي طيب
        نزل الناس من هنا لقيت الميكروباص انطلق و التابع اتشعبط بالعافيه و انا معرفتش حتى اخبط عليه
        و التباع كمان بيبصلي و عارف اني مفروض اركب
        وقفت مزهول شويه لقيته وقف عند الرقابه الاداريه حجريت و طلعت غسلت السواق صوتي خرمله ودنه
        مردتش اشتم بس عشان البنات اللي في الميكروباص مسببلهمش تلوث سمعي و الراجل يوقولي معلش و انا كمان ممكن ازعق
        اقوله زعق كده وريني يا جدعان انا كده غلطان
        تقريبا كل الركاب كانوا مبقوقين منه قالو اه طبعا تسيب الراجل في الشارع
        حظه الوحيد اللي انقذه من لساني ان وصلت انها كانت فاضل فركه كعب و كلها سنتين تلاته كمان و اتخانق في الميكروباص اللي جاي

        محمد صبحي

        http://takhareef- masrya.blogspot. com/


         

         

          

        Analyse This ! 

         

        We are Different  ...!   

         Click to join Analyse_This_

        Click to join Analyse This    أدخل ايميلك لتصلك رسائل المجموعة  

        Analyse This ! Facebook 


         



        Invite your mail contacts to join your friends list with Windows Live Spaces. It's easy! Try it!
      • fathi diab
        بارك الله فيكى ياأخت صابرين صدقينى كل اللى انتى كاتباه انا ملاحظه وشايفه من
        Message 3 of 9 , Oct 31, 2008
        • 0 Attachment

          بارك الله فيكى ياأخت صابرين

          صدقينى كل اللى انتى كاتباه انا ملاحظه وشايفه من زماااااااااان لكن للأسف انا ماعنديش موهبة الكتابة  مثلك

          طول عمرى باتغاظ من ألقاب الملوك والسلاطين العرب بكلمة صاحب الجلالة المعظم وكمان كنت باتفقع من  تشغيل أغنية هشام عباس التى  تحمل أسماء الله الحسنى فى بداية حفلات الأفراح وتبدأ الفتيات بملابس السهرة العارية يتراقصن على ألحانها ويبدأ الشباب بمتابعة الفتيات كل بطريقته .. وكمان لفت إنتباهى وانا فى بيت الله الحرام أحد الطائفين كان بيتكلم فى الموبايل ويقول للى بيتكلم معاه أنا دلوقتى فى اللفة الخامسة يعنى فاضل لى لفتين هاهاها

          ربنا يهدى الجميع ياأخت صابرين

          مهندس / فتحى دياب 




          To: analyse_this_@yahoogroups.com
          From: Analyse-This
          Date: Fri, 31 Oct 2008 20:36:18 +0200
          Subject: RE: [Analyse_This_] على سبيل الأدب




          بسم اللّه الرحمن الرحيم
           
          و اللّه يا أخت صابرين كلامك أصابنا في مقتل....أنا عايشه في أحد دول الخليج التي أصابتها طفرة (التطور و التحضر و المدنيّة)...معلش...هُمَّ بيسموها كده....و ماأراه هنا يندى له الجبين من الأفعال و الأقوال التي لا تليق بمجتمع مسلم ناهيك عن أنه في أرض الجزيرة العربيّة أرض الإسلام و مبعث الرسول عليه أفضل السلام.
           
          الكلام في هذا الموضوع طويل جدّاً و أود حقيقة من الأخوة العرب و المسلمين أن يشاركونا في التعليق عليه....يعني بما يشبه "قِمّة" مصغّرة لوضع النقاط ع الحروف...يا جماعة الإسلام في كل مكان من المشرق للمغرب بينتهك كل يوم على يد أبنائه (هداهم الله) و على يد أعدائه (محقهم الله) و والله العظيم إننا تجرأنا على الدين كثيراً كثيراً، و من كثرة ما أراه من استباحة لحرمات اللّه بالأقوال و الأفعال هُنا أو في بلاد المسلمين الأخرى (ع التلفزيون)؛ صرت أحسّ أن القيامة حتقوم بكره....حقول إيه ولاّ إيه....و الله يا أخوّه الشوف مش زي القول....بس إن شاء اللّه يعيننا و نفضل نقول و نقول لأنو كما يقول المثل (بلغ السيل الزُبى).... و السلام. 
           




          To: analyse_this_ @yahoogroups. com
          CC:
          From: Analyse-This
          Date: Tue, 28 Oct 2008 02:23:21 +0200
          Subject: [Analyse_This_ ] على سبيل الأدب


           

           على سبيل الأدب

           

           

          من أكثر الأشياء "المستفزه" والمغيظه بالنسبه لى لما ايدى توزنى وأقلب محطات التليفزيون علشان أبص على نشرات الأخبار وألاقى مذيع أو مذيعه بيقول " وقد تفضل أصحاب الجلاله والفخامه والسمو ومعالى الساده الوزراء بـــ...."  ولحد كدا مش بكمل لأن  هتبدأ معايا نوبة سخريه واستهزاء تؤدى إلى إرتفاع فى ضغط دم "جَنابى"...إشمعنا أنا!!

           

          بالله عليكم فى حد من كل أصحاب الألقاب دى يستحقها؟؟؟!! على الأقل مش كلهم، ممكن 1% بس منهم لما يكون محترم أوى وكمان ما من حقه يُلَقَبْ بالصفات دى؛ إزاى يكون بشرى خطَّاء ومع ذلك نتجرأ ونقول عليه "صاحب الجلاله والسمو"!!! ودا بقا إللى ممكن نسميه "إساءة أدب مع الله سبحانه وتعالى".

          ينفع كدا؟؟!! ينفع واحد ممكن يكون-قصدى أكيد- بيكدب وينافق وممكن بيشرب حاجات مش كويسه فى نفس القعده إللى اتوصف فيها بإنه "صاحب الجلاله" وحد يتجرأ ويهبه الصفه دى. مش عاوزه أتهور وأقول انه كدا بيشرك أحد البشر مع الله جل جلاله فى إحدى صفات جلاله وكماله عز وجل.

          فى حين بقا تلاقى الناس واخده الأمور ببساطه وعامله "البساط أحمدى" فى تعاملها وكلامها مع الله ورسله وخاصةً سيدنا محمد صل الله عليه وسلم وكمان آل البيت رضى الله عنهم وأرضاهم أجمعين. توصل لدرجة "إساءة الأدب" بجد من غير ما يقصدوا ولا يهتموا فى إنتقاء ألفاظهم.زى الكلمه إللى ذكرتها دى كمان، يعنى ايه البساط أحمدى؟؟!! يعنى عشوائيه وهمجيه؟؟!! يعنى إستهانه؟؟ يعنى تبسط إلى حد الإنحطاط فى الكلام؟؟؟!! أعتقد أنها مش من باب الأدب أبداً والله أعلم.

           

          والأمثله على كدا كتيره فى تجاوزنا للأدب مع الله والمرسلين عليهم السلام وكمان شعائر الله، ويا ريت قبل ما نقرا ونقارن ونفكر نحط فى إعتبارنا الآيتين الكريمتين من سورة الحج، قال تعالى:" ذلِكَ ومَن يُعَظِم حُرمات الله فهو خيرُُ له عند رَبِه..." آيه 30 و قال تعالى:" ذلِكَ ومَن يُعَظِم شعائرَ الله فإنها من تقوى القلوب" آيه 32

          مع الأخذ فى الإعتبار إنها كلها ملاحظات شخصيه بتضرر منها لما بتحصل وإنى مش بتكلم فى حرام أو حلال لأنى معرفش، أنا بس بتكلم فى تأدُب وتقديس لله ورُسُلِه وشعائره عز وجل.

           

          خد عندك..تدخل الفرح من دول تلاقى المعازيم ضحك وفرفشه وحاجه حلوه خالص، والفرقه أو الدى جى –علشان متدينيين- يشغلوا "أسماء الله الحسنى" فى بداية الفرح وكمان المعازيم يصقفوا مع الإيقاع، دا كلام!!! ويادوب الأغنيه تخلص يفتح عالرابع وتلاقى سعد الصغير ينط فى وشك "عللى الدى جى ياله" وأوووأوووأووو ويهيص الفرح ويرقص المعازيم، بالله عليكم دا تعظيم ولا إستهانه بشعائر الله؟؟؟!!!!!

          ولو سألتونى عن رأيى يبقا منشغلش الأغنيه دى خالص علشان لكل مقامِِ مقال

           

          حاجه كمان بتستفزنى جداً؛ وهى ما يُسَمَى بـ" الأغانى الدينيه" مطربين ومطربات كانوا فى كليبات مقرفه وتلاقيهم لابسين أبيض وايشاربات بيضه وتمثيل وإدعاء خايب، مش مراعيين حتى أبسط قواعده..."الإتقان" يعنى تلاقي المطربات مزحلقين الايشاربات خالص وكمان بمكياج كامل!!! دا غير طبعاً اعتراضى الأساسى على تسمية "الأغنيه الدينيه"، إنشاد أو إبتهالات ماشى وكمان بإيقاع محترم وآداء فيه تعظيم مش إدعاء.

           

          تلاقى بقا ناس كاتبه على بيوتها من برا آيات قرآنيه أو على العربيات "صل على النبى" او حاجات مماثله، وممكن العربيه تكون مش نضيفه أو جيرانك متغاظين منك قلبوا عليها الزباله، أو المطره بهدلتها،أو إنت مشغل الكاسيت عالآخر، أو بعد الشر العربيه تتكسر تلاقى الحاجات دى فى الأرض ،ينفع كدا؟؟!! إحفظ الله فى قلبك واذكره فى نفسك لو كان دا أفضل وأكثر إحتراماً. وكله كوم والمصحف على التابلو كوم تانى، يتبهدل وييجى عليه التراب ولونه يتغير ويدبل من الشمس لحد ما يشتكيك لـ"الله" وإنت ولا هنا،دا يصح؟؟؟!!

           

          كمان بنستهين كتير فى الصلاه وبـ"الصلاه"،بينى وبينكم كدا،مش كتير بنشوف ستات البيوت بتصلى بأى حاجه لبسها وخلاص؛يعنى تكون هدومها فيها بقع أو مش نضيفه من مكان الطبخ ووقفة المطبخ وريحة البصل،ومع ذلك تصلى بيها عادى،فى حين لو سمعت صوت ضيوف جايين هتجرى تغير وتلبس أجمل حاجه وتتبرفن كمان، طب ما الأولى والأجدر نعمل كدا فى الصلاه وإحنا رايحيين نقف بين أيادى الملك العظيم، اعملى جلباب حلو للصلاه وبس، ودا بردو نوع من تعظيم شعائر الله وكمان على سبيل الأدب مع الله عز وجل.

          كان فى حد معدى من تحت بلكونة بيتنا وسمعته بنادى على حد تان بمنتهى الأدب ودار بينهم الحوار ده:

          - يا أستاذ، لو سمحت، ممكن أعطلك شوى؟

          - اتفضل

          - حضرتك كنت بتصلى معانا فى المسجد دلوأت؟

          - مظبوط، خير فى حاجه؟

          - لو حضرتك ما تعتبرها إساءة أدب منى ممكن أقول لحدضرتك حاجه؟

          - اتفضل..خد راحتك

          - حضرتك يصح تدخل المسجد وتقف تصلى أمام الله عز وجل وإنت لابس بنطلون قصير أوى كدا؟؟!

          - عادى، والرسول عليه الصلاة والسلام كان بيقصر ثوبه، دى سُنه.

          - بس حضرتك مش عاملها سُنه، دى موضه. والله يا أستاذ أنا عمرى ما خرجت من بيتى قاصد المسجد إلا وأنا فى أحشم ثوب، وما بتخلى عن البنطلون تحت الجلباب حياءً من الله ومخافة رجلى تبان او الثوب يكون خفيف، بحترم المسجد وبتهيأ لمقابلة الله سبحانه وتعالى.

          الشخص الآخر إتلجم، ودار بينهم حديث طويل أنتهى بصوت كله خجل وحياء وإعتذار من أبو بنطلون قصير. غلبنى الفضول وبصيت عليهم، لقيت الطرف الأول رجل فلاح فى منتهى البساطه،والطرف التانى شاب خريج جامعه ولابس بنطلون" برموده" يصلى بيه!!!

           

          ونفس الموقف اتكرر بشكل تانى مع ابن الصايغ إللى بنتعامل معاه، المغرب أذنت وما كان حد موجود غيره، قال لى "بعد إذنك استنينى عؤبال ما أصلى وآجى" ،قلت بضحك "هتصلى كدا يا أشرف؟؟! شكلك رايح البحر مش الجامع" أحرجنى لما لقيته بيفتح الخزنه ويخرج منها جلابيه يصلى بيها لأنه بردو كان لابس بنطلون بس حشمه شوى عن البرموده، "بنتاكور" وقال لى ببشاشه " عيب ،دا أنا رايح أقابل ربنا" والله كسفنى من نفسى، من كذا جهه، أولاً أول ما سمع الآذان استأذن يمشى فوراً، ثانياً "بيعظم" الشعيره ومجهز عدتها، ثالثاً أنا لو مكانه مش هسيب المعرض دا كله بمئات الآلافات لأى حد حتى لو كان أنا، بس هو سابه علشان...يصلى ويعظم شعائر الله، شفتوا الناس؟؟!!!

           

          من كام سنه كدا قلت لأختى على سبيل الإقتراح إن الحروف العربيه وخصوصاً بالخط الكوفى أو الأندلسى تنفع نقوش هايله على العبايات والملابس فى العالم العربى بدل من الحروف الأجنبيه، ومرت الأيام وفعلاً اتحققت توقعاتى وكانت النقوش فوق من رااائعه وخلابه، لكن إتوعدنا بالمفسدين إللى إفسدوها بإنهم "كتبوا آيات قرآنيه" على الملابس، ودا بردو ميصحش، ممكن تدخل التواليت بيها او الهدوم دى تقدم وتترمى أو حاجات كتير كلها "مهينه" وتستحى إنك تعملها وانت لابس حاجه عليها الكتابات دى، وكمان-من غير ما تقولوا انى متشدده- أنا بستحى وبخاف أشترى أى دهب أو إكسسوار منقوش عليه أسماء الله الحسنى أو من القرآن أو إسم سيدنا محمد عليه الصلاة والسلام،لأنها بردو كلها حاجات معرضه للبهدله وترميها فى أى حته وانها تبلى مع الزمن.

           

          كمان إحنا كتير بنتجاوز فى كلامن عن "الله" سبحانه وتعالى وكمان عن سيدنا رسول الله عليه الصلاة والسلام، تلاقى الواحد من دول عمال يقول "الله قال ،الله فعل" من غير ما يذكر صفات الجلاله، ولا يقول مثلاً "الله سبحانه ولا تُقالُ إلا له"، وبردو ممكن حد يقول "محمد" عادى كده وكأنه مش سيد الخلق اجمعين وإللى سيدنا آدم عليه السلام أقسم به على الله سبحانه وتعالى ليغفر له بعد ما عرف مقام سيدنا محمد عليه السلام لما لقا اسمه  الشريف مكتوب على عرش الرحمن

          ممكن تلاقى شيخ او داعيه بيتحدث عن سيدنا "محمد" وتلاقى المستمعين ولا هم هنا، ولا حتى يصلوا عليه ودول إللى وصفهم صل الله عليه وسلم بإنهم أبخل الناس.

           

          عارفين...والله العظيم أنا بستحى أقول الجزء الأخير فى التشهد من غير ما اقول "سيدنا" قبل اسمه عليه السلام؛يعنى لازم أقول "اللهم صل على سيدنا محمد وعلى آل سيدنا محمد كما صليت على سيدنا ابراهيم وعلى آل سيدنا ابراهيم" وفى حديث شريف مش عارفه صح ولا لأ بيقول عن سيدنا محمد صل الله عليه وسلم " لا تسيدونى فى الصلاه" ولحد ما اعرف صحة الحديث من ضعفه ما هغير طريقتى وربنا يسامحنى ان شاء الله. حتى المرات إللى ماما زارت فيها الروضه الشريفه وخرجت تكلمنى بالتليفون تقوللى " انا سلمت لك علي سيدنا محمد،قلت له بنتى "صابرين" بتسلم عليك" وقتها فرحت وبكيت وقلبى انتفض من مكانه ،بس اتكسفت من نفسى، كنت خايفه ليكون وقت ماما ما بلغته السلام أكون أنا نايمه ولا شكلى غير لائق، والله ما لشئ غير حياءً منه صل الله عليه وسلم.لأن ربنا سبحانه وتعالى بيرد عليه روحه الشريفه علشان يرد السلام.

           

          مش قادره استوعب الوقحيين إللى بيتجرؤوا فى الكلام والحديث عن سيرته الشريفه دا إزاى!!!؟؟؟ولا الهابط إللى فى وسط أغنيه يقول "صلوا ع النبى" أو حاجات مشابهه.دا مش من باب الأدب خاااالص.

          مره بنتكلم عنه عليه الصلاة والسلام أنا وماما وكانت بتحكى لى عن بيته ورحلته والمسافه من الطائف للمدينه كل كلامها على استحياء علشان ما تقول كلمه ما توفيه حقه، وبعدين اتكلمنا على حالة سيدنا محمد الماديه،فضلت تكرروتعيد فى كلمه واحده"مع انه كان..كان ..كان"،ابتسمت وقلت لها "ياماما انتِ مكسوفه تقولى انه كان فقير؟؟ الفقر مش عيب، ولو مكسوفه ممكن تقولى "رقيق الحال" )عجبتها الكلمه أوى،وقالت دى أحسن بردو علشان هو عليه الصلاة والسلام كان رقيق أوى

          فعلاً، بذمتكوا كتير من إللى بتسمعوهم عندهم الحياء والتعظيم ده؟؟؟

           

          بابا وماما قالولى ان فى ستات معتمرات معندهمش وعى دينى وبيتصرفوا بهمجيه، من الآخر كدا فى "منهن" أول ما بتدخل الروضه الشريفه "تزغرد"،فضحونا وكسفونا الستات، بقا معقوله عمرهم ما قروا ولا سمعوا الآيات الكريمه فى سورة الحجرات :" يا أيها اللذين أمنوا لا تُقَدموا بين يدى الله ورسوله واتقوا الله إن الله سميعُ عليم (1) يا أيها الذين أمنوا لا ترفعوا أصواتَكُم فوق صوت النبى ولا تجهروا له بالقولِ كجهرِ بعضكم لبعض أن تحبط أعمالكم وأنتم لا تشعرون (2) إن الذين يغضون أصواتهم عند رسول الله أولئك الذين امتحن الله قلوبهم للتقوى لهم مغفرةُ وأجرً عظيم(3)". إنتوا متصورين يعنى إيه حد يبقا واقف فى حضرة رسول الله وسيد الخلق عليه الصلاة والسلام؟؟؟!! يا الله، أكيد شعور لا يمكن وصفه، وأقل ما يمكن تقديمه هو منتهى الإحترام والسكينه والهدوء المناسبين لرهبة الموقف، ربنا يكتبهالنا جميعاً يا رب.

           

          احيان كتيره تلاقى "الست الداعيه" لابسه آخر بهرجه كأنها عروسة المولد وألوان فاقعه آخر استهبال،والله العظيم مره واحده من إللى بينادوهم "ماما"كذا على الفضائيات كانت لابسه عبايه بيضا شفافه واديكوا انتوا حتى بتشوفوهم عاملين إزاى، دا بقا يبقا تعظيم لله ورسله وشعائره؟؟؟!!!

           

          النظر "للكعبه المشرفه" عباده فى حد ذاته، بس تنظر وتتمعن وتتفكر، والمفروض إنك بتقول "اللهم زد هذا البيت تعظيماً وتكريماً وتشريفاً وزد مَن زاره تكريماً وتشريفاً" ، مش بقا إللى بيطوف وهو بيتكلم فى التليفون أو بيدفع الطائفين علشان "ينجر" ويخلص الأشوات وخلاص،فين التعظيم والخشوع؟؟!!

           

          من الحاجات المثيره للإستفزاز كمان... بعض"المنتقبات"، صحيح أنا مش محجبه شرعى أوى ولا منتقبه بس ربنا يهدينى ليه يا رب، ومع ذلك يوم ما هنتقب مش هكون زى كتير من يللى بشوفهم فى الشوارع والمناسبات، "نقاب" يعنى خلوه مع الله سبحانه وتعالى، عزله إرتضيتها بكامل إرادتى، عاوزه أكون فى "معية الله" جل وعلا، من غير لفت إنتباه، تلاقى منتقبات ولابسين عبايات ضيقه،أو راسمين عيونهم بشكل ملفت جداً أو حاطين بارفان أو لابسن كعب عالى وصنادل مفتوحه،،، حاجه مش مقنعه خالص وتلفت الإنتباه أكتر من غيرها وكمان بتثير السخريه والنقد والتعليق غير اللائق على الحجاب والمحجبات، المفروض الحجاب ده "شعيره" من شعائر الله والنقاب أعلى درجاته يعنى له تقديره وتعظيمه الخاصين بيه عن غيره، صح ولا إييييييييييه؟؟؟!!

           

          كلنا المفروض نحب "آل بيت" رسول الله صل الله عليه وسلم،جداً. لكن إحنا بنخرج من الحب للتجاوز، بس المره ده مش تجاوز بالتقليل،لأ..دا تجاوز بالتضخيم، خايفه يكون إللى عملناه فى مصر من وجود لأضرحة ومقامات بعض آل البيت فى المساجد يكون لا قدر الله نوع من التجاوز والشرك بالله، الرسول عليه الصلاة والسلام أوصى بحبهم مش بتقديسهم؛ يعنى ميصحش إللى بعملوا نذور أو يطوفوا بالمقام أو يولعوا شمع أو يقولوا كلمة"مدد"دى ، علشان مفيش "مولى" غير الله عز وجل وما فى وسيط بيننا وبينه.حتى آل البيت أنفسهم ما يرضوا عنها. وكمان سيدنا رسول الله قال فيما معناه:" إنما أهلك الذين من قبلكم أنهم اتخذوا قبور صالحيهم مساجداً" يعنى إحنا بيللى بنعمله دلوقتى نكون إيه؟؟؟!!! صح ولا غلط؟؟؟ بنعظم ولا بنُشرِك؟؟!!!

           

          ربنا يعلم محبة آل البيت فى قلبى ونفسى، وهقول لكم على سر حياتى وأغلى أمنيه عندى فى الدنيا كلها، علشان لو حد فيكم "غار" منى وعمل زيى ربنا هيشاركنى معاه فى الثواب إن شاء الله

          زمان وأنا صغيره لما عِرفت إن ممكن تعمل عمره لحد فارق الحياه وتهديها له، فكرت أعمل عُمره لحد من آل بيت الرسول عليه الصلاة والسلام، فكره ساذجه؟؟! وهتقولوا محدش محتاجها منى؟؟! بس على العموم دى هديه ولو عرفتوا ههديها لمين كمان، ههديها لحد من آل البيت ومن أعظمهم مكانه فى قلب ونفس حبيبى وسيدى محمد عليه الصلاة والسلام وكمان ما حضر أى عُمره ولا حج، عرفتوا مين؟؟؟ ...أمى "السيده خديجه بنت خويلد" زوج وحب رسول الله صل الله عليه وسلم.

          قررت أعمل لها عُمره هديه، وهسأل شيخ ثقه إن كان ينفع أعمل عُمرتها قبل عُمرتى ولا لأ، لأنى بردو أستحى أقدمها لنفسى قبل ما أقدمها لها رضى الله عنها وأرضاها، خير نساء العالمين وسيدة نساء الجنه. ولو قدرت أحج عنها كمان والله ما هتردد لحظه.

           

          كل إللى قلته وأكتر كمان والله ما بقصد بيه غير لفت الإنتباه لحاجات مش بناخد بالنا منها وبنستهين بيها، جايز مش حرام، بس أنا مستعيباها وشايفه إنها مش من باب الأدب مع الله ورسوله وشعائره المقدسه.

          عاوزه منكم بس قبل ما تعملوا أو تقولوا حاجه تفكروا الأول...يا ترى دى أدب مع الله ولا لأ؟؟؟ تعظيم للشعائر ولا إستهانه بيها؟؟!!!

          هل تصرفاتنا دى "على سبيل الأدب" ولا منافيه للأدب؟؟؟

          طولت عليكم؟؟ بس عساها تكون بفايده إن شاء الله وتنفعنا دينا وآخره عند رب العالمين


          تحياتى للجميع وتمنياتى لكم بالخير والسعاده ورضا الله عنكم دنيا وآهره يا رب


          Sabrina Abu Ali

          C my blog
           

           

           




           

            

          Analyse This ! 

           

          We are Different  ...!   

           Click to join Analyse_This_

          Click to join Analyse This    أدخل ايميلك لتصلك رسائل المجموعة  


          Analyse This ! Facebook 



          Connect to the next generation of MSN Messenger Get it now!

          Get news, entertainment and everything you care about at Live.com. Check it out!



          Explore the seven wonders of the world Learn more!



          Explore the seven wonders of the world Learn more!
        Your message has been successfully submitted and would be delivered to recipients shortly.