Loading ...
Sorry, an error occurred while loading the content.

حد فاضى؟؟؟ ؟؟؟

Expand Messages
  • hala khater
    حد فاضى؟ حد عنده وقت ليا؟ حد يعرفلى قاضى؟ يسمع الشكوى وينظر فى القضيه حد فاضى؟ حد ممكن
    Message 1 of 1 , Oct 16, 2010
    • 0 Attachment
      حد فاضى؟
      حد عنده وقت ليا؟
      حد يعرفلى قاضى؟
      يسمع الشكوى
      وينظر فى القضيه
       
      حد فاضى؟
      حد ممكن لسه يسمع
      ولا يجي وقت الجد يخلع
      ولكلام السو يبلع
      يفوت ويصبر ويبقى راضى
       
      حد فاضى؟
      لكلام الغناوى
      والسهوكه والحكاوى
      ولا القعده على القهاوى
      حتى لو الجو هادى
       
      حد فاضى؟
      حد لسه عارف ينام
      من غير قلق ولا احلام
      حد حاسس بالامان
      ولا مش فارق وعادى
       
      حد فاضى؟
      حد بيزور حتى امه
      اللى ياما شالتله همه
      ودمها جارى فى دمه
      ولا الزياره بس......هاتى
       
      حد فاضى؟
      حد بيصلى بخشوع؟
      والتوبه تبقى بدموع
      وللمعاصى مافيش رجوع
      والمولى يكون علينا راضى
       
      حد فاضى؟
      حد اشترى فينا كفنه
      وفكر فى يوم موته ودفنه
      واللى باقى منه عفنه
      ولاييجى يوم حسابه متاطى
       
      حد فاضى؟
      حد فهم اى حاجه
      حد عايز يقولى حاجه
      او مش عجبه اى حاجه
      يقول ميخفش كله عادى
      بس المهم
      يبقى فاضى
       
      بقلم
      د.هاله خاطر

       
    Your message has been successfully submitted and would be delivered to recipients shortly.