Loading ...
Sorry, an error occurred while loading the content.

مزحة في قمة الاحراج

Expand Messages
  • sultan salamah
            بسم الله الرحمن الرحيم والصلاة والسلام على افضل الخلق سيدنا محمد وعلى اله وصحبه
    Message 1 of 1 , Dec 1, 2010
    • 0 Attachment


       

       

       


       

      بسم الله الرحمن الرحيم
      والصلاة والسلام على افضل الخلق سيدنا محمد وعلى اله وصحبه اجمعين
      السلام عليكم ورحمة الله وبركاته
      ......................
      هذ سالفه راح تعجبكم ومضحكه بس لاتحاولون تسون مثلها
      يوم من الايام مداوم وكنت في دوره لغه انقليزيه وكان اليوم هذا يوم اربعاء وقال المدرس اخر حصه ونبي نسولف بلا مراجعه بلا بطيخ,نبي نتعرف عليكم وعلى هواياتكم, ودياركم,,وتخبرون ندور السوالف والوناسه..المهم من فلان سالفه وفلان سالفه ,,قال المدرس الله يذكره بالخير ابي اعلمكم قصه صارت قبل شهر مع احد الجيران.. طبعا الكلام هذا قبل حوالي سنه ونص..
      المهم اسلم يابو رجاء ..قال.يوم من الايام طق الباب والله وافتح الباب الا وهذا جاري حياك الله تفضل ..قال , مستعجل بس ابي منك خدمه..
      قال ابشر ..
      الله يسلمك يابو رجا ابي عده اذا كان عندك عده محتاجها عندي شغله بالبيت ومحتاج كم مفتاح وسكروب وزراديه..
      قال ابو رجا.. ماعندي لكن خابر عند اخوي عده بالسياره واخوي مسافر عنده دوره بالامن بالرياض.. وخلى السياره معي ابي اشوف واذا لقيت اجيبها لك بس انتظر دقيقه..http://mekshat.com/vb/images/smilies/icon15.gif
      قال الجار زين..
      رجع ابو رجاء وجاب شنطه عده مايدري وش اللي بالشنطه
      من سيارة اخوه.. واعطاها جاره
      ورجع بيته.. يقول ابو رجا يوم خذيت بعد ساعتين او 3 ساعات الا ويدق الباب
      ويفتح واحد من العيال قال يبه هذا جارنا يبيك
      طلعت للرجال ولاحظت ان الرجال ماهو طبيعي كأنه منحرج ولا صاير عليه شي .
      قال يابو رجا الحق علي .. وش بك يابن الحلال عسا ماشر والرجال يضحك ومنحرج بالحيل ..علمني وشبك تضحك .. قال العده اللي جبتها لي ..
      لقيت بها يابو رجاء كلبشات شرطه..
      قلت ايوه.. قال ..ياخوي بعد مااستخدمت العده وخلصت اخذت الكلبشات ومسكت المره((زوجتي)) وكلبشتها .
      ابي امزح معها وطقطق عليها واعلق عليها .http://mekshat.com/vb/images/smilies/tongue.gif.ويوم جيت ابي افتح الكلبشات
      قلت اكيد تنفتح بسهوله او القا المفاتيح حقتها .. وحاولت ادور بالعده يمين ويسار .. مالقيت لها مفتاح ابد.. وحاولت بالمفكات والسكروب لكن ماقدرت افتح الكلبشات..وانا منحرج منك..وجيتك ابيك تشوف لي المفاتيح اكيد انها بالسياره..
      بالشنطه ورا او بالدرج .. يقول ابو رجاء انا مت من الضحك طول مالرجال يعد السالفه.. ورحت ادور بالسياره يمين ويسار ورا وقدام المهم ماخليت من حيلتي شي .
      ورجعت للرجال وقلت والله انها بلشه مالقيت مفاتيح الكلبشه..المهم قمت اتصلت على اخوي .. ومارد على الجوال لانه كان نايم ويوم صحى على وقت صلاة العشاء تقريبا الا ويتصل بي اخيي عسا ماشر لقيت لك عشرين اتصال
      ..قلت له يابن الحلال السالفه كيت وكيت وكيت .. يقول ابو رجاااااء
      اخوي فرط من الضحك http://mekshat.com/vb/images/smilies/biggrin.gifوجلس يتخيل الموقف ويعلق وانا اقول له اخلص وشلون الدبره الحين ..http://mekshat.com/vb/images/smilies/eek.gif
      قال اخوي ..
      يابن الحلال المصيبه ان المفتاح بقسم الشرطه والضابط الفلاني مستلم ولازم اتصل عليه وتروحون له عشان تاخذون المفتاح..
      المهم اتصل عليهم ورد لنا قال روحوا للقسم الفلاني وتلقون ضابط خفر
      والضابط رتبه ملازم اول
      دخلت عليه انا وجاري وعرفته على نفسي وعرفته على جاري ورحب بنا الرجال وقام يضحك الضابط لانه عرف السالفه من اخوي
      وقال اصلا غريبه ان المفتاح يكون بالقسم لانه دايم مع نفس الكلبشه لكن الشباب ينسون وهذي عجيبه
      يقول ابورجاء اخذنا المفتاح ومعنا عسكري .. ودخل جاري البيت وفك زوجته من القيد((الكلبووووش)) وسلمت العسكري الكلبش والمفتاحhttp://mekshat.com/vb/images/smilies/biggrin.gif
      وينجي الله الذين اتقوا بمفازتهم لايمسهم السوء ولاهم يحزنون "


    Your message has been successfully submitted and would be delivered to recipients shortly.