Liga veciñal polo voto útil
Pola necesidade evidente de rematar de vez coa situación que presenta hoxe o concello de Redondela un fato de persoas e colectivos, de diferentes ideoloxías e procedencias, leva meses estudando diferentes solucións á enfermidade que consume ao concello.
Despois de debatir libremente as posibilidades de acción cara as municipais do próximo Maio, escollemos a opción de ofertar aos redondeláns unha papeleta que canalice o rexeitamento ao funcionamento de todos os partidos políticos que se presentan ás eleccións. Dita papeleta introducida na urna de votación será considerada como VOTO NULO, e o seu deseño servirá para cuantificar eses votos nulos comprometidos.
A Liga Veciñal Polo Voto Útil é un grupo completamente aberto, que informa libremente a todos dos seus actos e reunións mediante os medios de que dispón (link en www.indiredo.com). Conformado por persoas de libre pensamento agradece a participación, opinións, propostas, axudas etc. de calquera outra persoa ou colectivos que teña interese no aquí manifestado.