Gekömam de Schleyer - tikäd kion!

Plidon obe, tikön das Schleyer olöfom-la Volapüki nulik, ab ced veratik oba
binon, das ozunikom-la kodü votükams. Ätadunom votükamis valik dü lif oka, bi
(cedü ob) tu älöfom tikädis rigik oka.

Alan nolon, das nulik binon gudikum ka rigik. To etos, keli epenob in setem
büik, ba Schleyer obaicedom-la ko obs.

--- In volapuk@yahoogroups.com, "Ralph Midgley" <midgleyr@...> wrote:
>
> FLENEF BEVÜNETIK VOLAPÜKA
>
> O Volapükaflens Valöpo !
>
> Cifal büik, hiel Johann Krüger, äsagom tefü Volapük, das binon äs
vöno-Grikänapük e vöno-Saxadapük; sevabo, das no sötoy glömön onis, ab sötoy
kälön onis as divs tima pasetik.
>
> Ab Volapük - binon-li verätiko äs vöno-Grikänapük e vöno-Saxadapük ?
Vöds nulädik binons zesüdiks ad garanön, das püks olifons ün nutim.
Dalabons-li vöno-Grikänapük e vöno-Saxadapük vödis nulädik ? Dalabons-li
gasedis ? Mutob koefön, das neai elilob dö ons. Lelogobsös latini. Latin
pagebon adelo, ab ma nol obik, ni vöno-Grikänapük, ni vöno-Saxadapük, bi ats
binons te äs loks me kels logoy e studoy kulivis vönik. E latin binon i lok
somik, ab dist veütik binon, das latin neai lölöfiko edeadon, bi geboy oni ün
nutim i mudöfiko, i penamiko.
>
> Volapük sümedon boso ko vöno-Grikänapük e vöno-Saxadapük. Ün yels balid,
pük ela Schleyer äjuiton plöpi mödik; if Datuval äkanom gekömöm ün tim at ed
äkanom logön gasedi obsik, ökanomöv-li dasevön püki oka ? Ba ösagomöv, das
pük iprogedon sis lifüp oka - vöds nulik ad notodön suemodis nulik; gramat
boso difik ad kleilükön pünis vönik pebefeitöl - ab Volapük verik, too.
>
> Mens ömik studons Volapüki ad gebön oni te äs lok, medü kel kanons lifädön
dönu yelis pasetik püka bevünetik; pro obs, ye, binon pük i vola nulädik, kel
binon pötöfik ad gebön visü menäd obsik. Neai lüvobsös oni fäte
vöno-Grikänapüka u vöno-Saxadapüka !
>
> Valikosi Gudikün Oles ed Olikanes
>
> sedom
>
> Ralph
>