Mazungumzo baina ya Mitume na kaumu yao ...Inaendelea
Na mahala pengine tunaiona aina nyingine ya mdahalo/majadiliano yaliyo jiri baina ya Mtume Shuaib-Amani imshukie-na kaumu yake. Na majadiliano haya yamekuja kwa sura yenye ufafanuzi zaidi kuliko yale yaliyo tangulia, hebu yasikilize kupitia kauli yake Allah Ataadhamiaye: "NA KWA WATU WA MADYANA TULIWATUMIA NDUGU YAO SHUA'IB AKASEMA: ENYI WATU WANGU! MUABUDUNI ALLAH. NYINYI HAMNA MUNGU ILA YEYE, WALA MSIPUNGUZE VIPIMO NA MIZANI. MIMI NAKUONENI MMO KATIKA HALI NJEMA, NAMI NAKUKHOFIENI ADHABU YA SIKU KUBWA HIYO ITAKAYO KUZUNGUKENI. NA ENYI WATU WANGU! TIMIZENI VIPIMO NA MIZANI KWA UADILIFU WALA MSIWAKHINI WATU VITU VYAO; WALA MSIENEZE UOVU KATIKA NCHI MKAFANYA UHARIBIFU. ALIVYO KUBAKISHIENI ALLAH NDIYO BORA KWA AJILI YENU, IKIWA NYINYI NI WAUMINI. WALA MIMI SIYE MLINZI WENU". [11:84-86]  Endelea ...

"JE! HAWAKUONA KWAMBA TUNAIFIKIA ARDHI TUKIIPUNGUZA NCHANI MWAKE? NA ALLAH UHUKUMU, NA HAPANA WA KUPINGA HUKUMU YAKE, NAYE NI MWEPESI WA KUHISABU". [13:41]

Mtume wa Allah-Rehema na Amani zimshukie-amesema: "Lau mwanaadamu angeli kuwa na mali iliyo jaa majangwa mawili, basi angeli taka na la tatu. Na wala tumbo la mwanaadamu halitajazwa ila na mchanga na Allah huipokea toba ya mwenye kutubia". Bukhaariy & Muslim-Allah awarehemu.

Ewe mwanamke wa Kiislamu, kwa nini humuogopi Mola Mlezi wako?! Mume hukuchaguliwa na mtu, umempenda mwenyewe, akaja kwa wazazi, ukaozeshwa. Kwa nini leo unampa mgongo kitandani?! Acha mara moja, kwani huko ni kuzinunua bure laana za malaika, viumbe wasio muasi Allah, sikia na utafakari: "Mume atakapo muita mkewe kitandani kwake, naye asimuitike, (mume) akalala akiwa amemghadhibikia. Hulaaniwa (mwamamke huyo) na malaika mpaka kunapambazuka". Bukhaariy & Muslim-Allah awarehemu.

SWALI: Nini hukumu ya udhu kwa mwanamke aliye zitia kucha zake hiki kinacho itwa leo "rangi ya kucha"?

JIBU: Hakujuzu kwa mwanamke anaye swali kupaka rangi kucha zake ikiwa rangi hiyo inayazuia maji kukufikia kiungo wakati wa kuchukua twahara ya udhu au josho. Na kila kitu kinacho zuia maji kufika kwenye kiungo kinacho twaharishwa, hakijuzu kutumiwa na mwenye kutawadha au mwenye kuoga, kwa sababu Allah Ataadhamiaye anasema: "...BASI OSHENI NYUSO ZENU, NA MIKONO YENU..." [05:06]

Na mwanamke akiwa amezipaka rangi kucha zake, bila ya shaka rangi hiyo inayazuia maji kukifikia kiungo kinacho oshwa, kwa ajili hiyo basi anakuwa bado hajauosha mkono wake. Na kwa kitendo chake hicho cha kutokukamilisha kuosha kiungo cha udhu, anakuwa ameiacha mojawapo ya nguzo za udhu/josho.

Allah ndiye Mjuzi mno.