اخواني واخواتي أعضاء ومشرفي هذا الصرح الشامخ ..
في البداية أجدد عهد الولاء لقلوبكم .. ولتواجدكم أمام ماتبوح به أقلامنا المتواضعه ومما انشره بالقروب

(( مع الاعتذار للي يتذمر من رسايلي ))...

((تعالي))
قصيدة انقلها لكم وهي موجهه لها .. ولكم أنتم .. أتمنى أن تحوز على إعجابكم ..واعجابها ..
 تعالي.. نامي بحضني.. قصيدةٌ متواضعه لاتخلو من النقص .. أتمنى أن يكون جمال أعينكم هو الستر لجميع أخطائي ..
^^^^^^^^^^^^^^^^^^^^^^^
^^^^^^^^^^^^^^^^^^
تعالي نامي بحضـني .. حرام ينام به غيرك
تـعالي حطـّي همومك بوسـطه .. واخذي افراحه

تـعالي فدوتك قلب(ن) نبت بـه ورد من خيرك
تـعالي ننـسى هالعالم .. وننسى باقي جراحه

تـعالي خلـّي انفاسـي تعانق منـْك تصويرك
تـعالي راسك بصدري .. والراحه على الراحه

تـعالي خلـّي طيوري تعانق بالهوى طيرك
تـعالي خلـّي أيامي معك بالـحبّ مرتاحه

تـعالي خلـّي العالم يصير آخر مشاويرك
تـعالي واسكني قلبي .. وهاك اليوم مفتاحه

تـعالي خلـّي الدنيا تزين بريح تعطـيرك
تـعالي نجعل الدنيا بريح الحبّ فـوّاحه

أبي وانتي على حـضـني يخونك وصف تعبيرك
أبـي حزن(ن) سكـن قلبك أبـدّد باقي اشـباحه

تـعالي كلّ هالعالم أبد مافيه احـد غـيرك
بـيـستـاهـل دفـا صدري ويـاخذ لحـظة افـراحه

تـعالي رغـم ماجـاني من بـعادك وتـقـصيرك
مـدام قلـيـبـك الطاهر سـطـا بالـقـلب واجـتاحه