Los envitados de muestra pajina prensipal esta semana son
Shimon Geron i su famiya en Sydney, muestro kerido miembro
i amigo desde ke SM se fundyo. Es muestro plazer de meldar
sus eskritos sovre sus viajes en todo el mundo, su vida,
sus poeziyas ets.

BIENVENIDOS - BRUHIM HABAYIM - HOSGELDINIZ
BIENVENUS- WELCOME !

EL BUTO DE SEFARADIMUESTRO es de ranimar la kultura de los djudyos sefaradis, avlar, eskrivir, kompozar poemas, istoryas i kontar kuentizikos humoristikos, akodrarmos de los miembros de muestras familyas, de komo biviyan i komo aziyan las kozas, sus kostumbres durante sieglos, lo todo kon muncho karinyo i amistad !

Keremos estar endjuntos para sintir l'allegria de avlar la dulse lingua de muestros ansestros ke tuvieron de deshar l'Espania i el Portugal en tiempos de la enkizisyon en los 1492 +.

Los djudyos sefaradis avriyeron velas para las sivdades del Emperio Ottomano. Grandes komunidades gozaron d'una vida kalma en Istanbul, Izmir, Sofia, Salonika, Monastir, ets. Malhorozamente kehilas enteras komo en Salonika i Rhodes fueron assasinadas durante la sigunda Guerra Mondial.

Kijieramos arrekojer muestros ermanos i ermanas en muestra salon vitual SM (Sefaradimuestro) para SINTIRSEN LIBRES de ekspressarsen komo les viene fasil !

Estamos siguros ke vos vash a akodrar de los biervos/ekspresyones en serka ! Estamos aki para pratikar i ayudar los ke keren akodrarsen de la lingua i la erensya de muestras madres i bis-abuelas .

Viva el Espanyol Sefaradi, el Aragones Medyeval Oksidental
Espanyol/Ladino/Djudeo-Espanyol komo lo yamash en vuestro korason !

ESTE SITIO ES DEDIKADO AL GRANDE LINGUISTO SEFARADI
SIR RAV CHARLES BAROUH ABRAHAM PhD KTB" DE TEXAS USA
Co-Administrador

Kim Joaquina Perez MA
Maestra de Filozofiya i Historya
Co-Administradora

Sharope blanco
Administradora

VIJITAR
"Proyectos Saluda: Por una Familia Hispana Global
www.proyectos-saluda.org

http://groups.yahoo.com/group/Ladinokomunita/