Ĉi tiu listo estas por anoncoj pri mencioj pri Esperanto en la nacilingva informilaro. Ĝia celo estas ebligi al listanoj konvene respondi al tiaj mencioj.

Afiŝoj devas trakti: (1) Tiajn menciojn; (2) Eventualajn respondojn. Oni ne rajtas afiŝi ĉi tie pri aliaj temoj, por kiuj ekzistas aliaj novaĵgrupoj.

Afiŝante pri tiaj mencioj, bonvolu indiki (a) la nomon de la menciinto, (b) la nomon de la informilo, en kiu aperis la mencio, (c) adreson (retan aŭ alian, sed prefere retan) per kiu oni povas atingi la menciinton, (ĉ) adreson per kiu oni povas atingi la informilon, (d) la daton de la koncerna informilo; se estas presita informilo, krome ĝian numeron, la numeron de la paĝo kaj la titolon de la artikolo. Bonvolu ankaŭ sendi sufiĉan tradukon en Esperanto, ke oni povu kompreni kaj la mencion kaj la kuntekston, en kiu ĝi aperas, tial ke oni povu decidi ĉu temas pri (a) atako, (b) laŭdo aŭ (c) neŭtrala mencio.

Oni povas tamen diskuti pri aliaj aferoj rilate la rebatadon (ekz-e pri gvidlinioj por respondi al mencioj pri Esperanto).