FORUM-LORIKU hamosu ho objetivu atu halibur no hakbesik timor-oan tomak, liu-liu foin sae-sira nebe iha interesse ba Timor ho nia futuru liu hosi diskusaun. Iha hanoin barak nebe diak, iha esperiensia barak nebe maluk balun hetan iha ita nia rain no rai seluk. Buat hirak nee hotu bele fahe ba malu liu hosi fórum nee.

Iha forum nee bele koalia kona ba partidu ho sira nia dezempenhu iha konzutura ida nee – liu-liu FRETILIN ho partidu sira nebe maka iha forsa atu ukun ita nia rain iha eleisaun sira nebe sei mai; ita nia sistema politiku, ita nia diplomasia (multi ho bilateral) iha organizasaun internasional sira nebe ita hola parte hanesan membru, ita nia interese i interese rai seluk iha ita nia rain; modelu ekonomiku ho dezenvolvimentu, infra-estrutura, defesa i seguransa, edukasaun i modelu formasaun, problema rekursu (humanu ho material) i nia zestaun; problema justisa ho nia efikasia

Tema ka matéria ba diskusaun nabutun tebes; depende ba ida-idak hili tuir nia hakarak no nia gostu hodi fo nia hanoin. Politika la hahu aban maibe la'o ho ita lor-loron iha ita nia moris...dala ruma ita nia sesuk iha forum nee bele tulun ita klarifika liu tan problema ruma nebe ita nia rain hasoru.

Forum nee imi nian, sira nian no ita hotu nian.

Nota: Iha forum nee, ami hein hanoin nebe diak no konstrutivu (hotu-hotu iha liberdade atu hakerek nia hanoin) maibe la bele ataka malu ho lia-fuan sira nebe la tuir membru hotu nia hakarak.

MODERADOR