Unitarana Universalismo (UU-o) estas religio de persona memglobalizado al Ter-Komunumo. Gxi ekis el liberpensema Kristanismo sed evoluis en la 1960-oj al teologie neuxtrala aro de etikaj progresemuloj.

UU-o jesas la valoron de cxiu individuo kaj la bezonon plifortigi ties vocxon kaj rolon kiel Membro-Civitano de la Unuigxintaj Nacioj.

La UU-a UN-a Oficejo (UUUNO), 777 UN Plaza, NY, estas la oficiala UU-a vocxo cxe la UN-o. La UUUNO

* Savas AIDS-orfojn en Ganao per la eduk-programo “Cxiu Infano Estas Nia Infano”;

* Trejnas studentajn internulojn;

* Subtenigas per sia Ligula Reto lokajn UU-kunularojn al la vizio de Ter-Komunumo, la UN-aj Jarmilaj Evoluadaj Celoj, la UN-aj Tagoj, Jaroj, kaj Jardekoj, kaj al la aliaj UN-aj mondsavaj programoj (ekz., la Tutmonda Movado por Kulturo de Paco, UNESCO; Homo kaj la Biosfero, UNEP);

* Defendas la homajn rajtojn de UU-anoj tra la mondo;

* Edukas pri reformado de la UN-o;

* Edukas por pli bona Usonaj kaj alilandaj politikoj al la UN-o;

* Reprezentas UU-on en UN-aj kaj NRO-aj konferencoj, kaj

* Servas ne-Anglez-parolantojn per volontulaj Lingvaj Teamoj, inkluzive la jenan Esperantan.

La UUUNO-a Esperanta Lingva Sekcio, ankaux nomita la UU-a Esperanta Ni-Kuno, laboras por:

* Apogado de Esperanto inter UU-aj religiaj edukistoj kaj gepatroj helpe al la mem-globalizado de UU-aj infanoj kaj junuloj;

* Tradukado de progresemaj verkoj kaj UN-a informo helpe al la tutmonda Esperantistaro; kaj

* Pli vasta diskonigo gxenerale inter Esperantistoj de UU-o kaj gxia teologie neuxtrala aktivista etiko de mondunueco kaj bonvolo.

La UUUNO dependas finance je via membrigxo kaj donacemo. Ni sxategus havi vin kiel nian plej novan samideanon!

Por oficiala membrigxo en la UUUNO, kaj por pli da informo Angleze, bonvole iru al http://www.uu-uno.org. Ankaux anigxu en nia Esperanta Ter-Komunuma diskutgrupo, http://groups.yahoo.com/group/MondaFamilio.

Idoj de Ter-Komunumo, kunlaboru! Urgxas la tempo!