ING KARATISTA

(Malayang Sucad)

Neng ArtDax

07/18/07

Nyang anak cu pa mung mapanalbe pelicula

Detang Gonzalez brothers paburitu cu la

Uling usung usu ing Karate canita

Bisa cung maging matinik a karatista

Y Shintaro Katsu, y Wang Yu inalben co ngan

Y Bruce Lee, y Chuck Norris, ampo y Jackie Chan

Y Wong Fei, y Bolo Yeung ampo y Sammo Hung

Inalben co ngan ren,  Kung Fu o espadaan man

Asnacu catula neng lumual nacu qng cine

Makyapus cung tutumbuk qng tumbuk nang Jet Li

Nyapin naman neng panga uli cu San Jose

Mangatumbuc la't manga sipa reng cacung wali

Nyang minta cu Amerika tanggap nacung sueldu

Mig enroll cu qng Karate a buring buri cu

Ing Sensei carin Nakamura San ya lagyu

Ing lagyu ning escuela Kyokushinkai ya canu

Ing assistant nang pecapun ya y Sensei Kishi

Qng pamag training na cacu mebiasa cung dili

Sabi na pa ing cacu canung mawashi geri

ya canung pecamalacas at peca matindi

Nung qng "kata" naman mapinu ing galo cu

Balamu teterac ing indac ning catawan cu

Casi makyapus cu caretang ayayalben cu

Detang Shaolin monks macatucnang quetang templu

Neng namang sparring saingsing cung ala Bruce Lee

A balamu pusang lampung queng pamag "Ki Ai" mi

Nyapin deng calaban masisindak lang parati

Yacung yacung mangimuna basta qng kumite

Dintang ing metung a aldo a ating dinalo

Quetang quecaming malating Kyokushinkai dojo

grupu lang matuling ampon Puerto Riqueno

masculadu la ngan at matindig la tikdo

Cawangis neng Tyson ing timbal da canacu

tiniman cung bagya uling white belter ya pamu

Isipan cu nung nanung technique ing gamitan cu

Crouching tiger, iron fist o dragon claw

Inarap queng alang tacut ing negrong calaban

Matas yang masculadu maragul ya catawan

Nyang mipaglalawe cami at mipag pustuan

Isip cu yacu y Steven Segal o Van Damme

Mabilis yang tinumbuk, dinurut pildak nacu

Mituran cu atian at mengapangisngis cu

Qng sican na paldak alus mitda cu animu

e mu batwin nune aldo't bulan ing iquit cu

O't caya mesambut cu white belter ya mu naman?

cabang maluat nang martial arts ing cacung caguiwan

Nyang inalben que ing video ning quequeng laban

Y Dolphy pala ing canacung pekyapusan

THE KARATE-KA

(aabb rhyme-iambic pentameter)

Neng ArtDax

When I was young I watched movies quite a bit

Those Gonzalez brothers were my favorite

Cause Karate was at its very peak

and I wanted to be a karate geek

Shintaro Katsu, Wang Yu, I was a big fan

of Bruce Lee, Chuck Norris and Jackie Chan

of Wong Fei, Bolo Yeung and Sammo Hung

of their Kung Fu and the weapons they flung

when I left the theatre I was high and happy

I kept imitating the punches of Jet Li

when I got home I was the meanest of brawlers

and I gave it good to my little brothers

When I went to the States I started getting paid

I enrolled in Karate to start earning my grade

Sensei Nakamaru was my teacher's name

Kyokushinkai style was the name of the game

Sensei Kishi was the school's main sensei

and in my training I advanced far and away

and this according to Sensei Kishi

I had by far the strongest mawashi geri

When it came to "kata" I was smooth and fine

like a dancer whose body had a perfect line

For the movies I never failed to imitate

The Shaolin monks guarding the temple gate

When it came to sparring I wailed like Bruce Lee

like a cat in heat in a dark alley

That was why my opponents, they were taken aback

I was top in kumite, always first to attack

Some visitors came to visit one day

to train and practice the karate-way

They were Puerto Ricans and some blacks came along

they all looked so lean, muscular and strong

they gave me an opponent who looked like Tyson

I smiled secretly cause he had a white belt on

and I kept on thinking what technique I should draw

Crouching tiger, iron fist or dragon claw

I fearlessly faced my black opponent

he was tall and strong though a white belt student

when we faced each other in a fighting stance

I felt I was Segal or Van Damme in my trance

He delivered a punch then a spinning kick

He hit me on my tummy and I felt so sick

he hit me so hard I almost lost my senses

I saw stars, the sun, the moon in the process

Why did I lose to this white belt beginner?

I've dabbled in martial arts since I was a teener

when I watched the fight video, I was surprised to see

that I imitated non other than Dolphy