Kaluguran kung Kayaptas king ANASI ampo ning Parnasong Kapampangan:

Maragul ku pu pasalamat, muna king Apung Guinu at mekatagun ku king kekatamung Programa king Radyo 91.9 FM Parnasong Campangangan.  Agyamang alayu ing waling Marites masaya ming agampanan ing telaga nang Tiuntiunan ning kekatamung makamal a Prinsipe, Ka Romy Rodriguez, kambe di Ka Esting Mallari ning Macabebe, Ka Naring Maniago at Ka Rey Maniago a alang sawang magmalasakit king kekatamung Amanung tutung kaluguran. 

Panalangin ku aulitan ku ing pamakyabe ku kening masanting tamung Programang Pangradyu.  Ikit ku king maragul ya asaup iti keng pamipalabung  king  Amanung Capampangan.   Sana pin dakal la pa karing kayaptas ding maka-saup  pinansyal ban manatili ya  iting Programa.

Pupugayan ke ing kekatamung mal a Prinsipe, Ka Romy, pati na ding aduang mikapatad a  Ka Rey at Ka Naring king karelang gagawan.

Ca Carlos (Anac Sasmuan)
 
--- In AmanungSisuan@yahoogroups.com, "Ma. Teresa Evangelista" <mtmevangelista5678@...> wrote:
>
> Dakal a salamat Coya Rey, getting ok na, a little coughing na mu. Ala kuman king radyu, migkaswelu kung mekramdam king radyu iting Sabadu, a-feel ku ing saya ning grupu!
>
> THUMBS-UP CONG CARLOS! THUMBS UP MU RIN KING GOSU INAMPANG YU CONG ROMY, CONG NARING, CONG REY & CONG ESTING!
>
> Waling Marites
>
>
> --- On Sun, 11/1/09, Rey M reyjay1@... wrote:
>
>
> From: Rey M reyjay1@...
> Subject: [AmanungSisuan] Parnasong Capampangan 10-31-09
> To: AmanungSisuan@yahoogroups.com
> Date: Sunday, 1 November, 2009, 3:00 PM
>
>
>
>
>
>
> ca-Caluguran keng Aptas,
>
> Macuswelu cu pung mamalitang metung ne namang masanting a broadcast nabengi para keng kecatamung Parnasong Capampangan!
>
> Bista man ala yu ing waling Maritess (melagnat ya - sana rugu masalese na ca daramdaman ngeni), dinatang ne man y Cang Carlos at maticdi yang ginale'ng adwang poesya na. At bayu pa megumpisa ing programa, inabutanan na cung saup para metung a Sabadu keng radyu tamu!
>
> Dacal a salamat Cang Carlos! Uli yung sasaup kecatamu, mama-mantini yang bagya-bagya ing programa tamu.
>
> Migcanta lang metung a Gosu di Cong Naring, Romy at Esting. Adwa sana ing canta da oneng mepatad ya ing metung nang cuerdas ning gitara cu. Sinucu ya rugu, balamu sinagad ya uling tactac ke calambat gagamitan niyang ming Gosu ke Holy Angel niyang milabasan a Huwebis.
>
> Migdala cung metung a copya ni'ng DepED #74 at binasa ke itang mumunang parti na at pisabyan mi ya cabang explain cung ditac-ditac ing calamnan na. Mecapamasa cu namang adwang capasyagan ning Ari, #8 ampong #9. Itang #10 a capasyagan, keng tutuking Sabadu cu ne siguru basan.
>
> Medyu kegisanan keng oras ngeni uling as no caracal deng memag text, makiramdam at papa greet kecami. Calupa ning sadya ing kecatamung Anac Ning Arenas mig text ya naman at bibye pugue kecami.
>
> Bista man icwa cung abalita itang ke'keng pamang Gosu keng HAU niyang Huwebis, acalingwan cu namang belita itang tungcul keng milyari king GV AM a nung nocarin mig guest la ri John C ampo y PL Phol Batac cayabe do retang minyambut keng Ligligan king Becuran at balamu ginale la reng anac.
>
> Lawen yo reng bayung letratung digdag cu keng "DWBL 91.9 Radyu" album nang Maritess at akit yu cami di Cang Carlos, Cong Naring, Esting at PL Romy keng radyu ampo niyang pepacanan na keng sopas Cang Carlos king Chow King!
>
> Icayu na pung balang manupaya at medyu mipapacaba la reng canacung mensahi ustung mamalita cu. Nung wari bina cu mung masaya na ababalitanan da cong mangasanting a events king capamilatan ning kecatamung advocacy keng icasaplala ning Amanung Sisuan.
>
> Luid ya ing Parnasong Capampangan!
>
> Luid ya ing Amanung Sisuan!
>
> Gagalang at lulugud,
> Rey M
>
>
>
>
>
>
>
>
>
>
>
>
>
>
>
>
>
> Get connected with chat on network profile, blog, or any personal website! Yahoo! allows you to IM with Pingbox. Check it out! http://ph.messenger.yahoo.com/pingbox
>