ING BIE NA NING GOBERNADOR
Neng Almario "amor" C. de Jesus, (Ing Agila Ning Apalit)
O Kaka. . . O Kaka. . . Sagacgac at tula
Ecu apigilan kening pamamasa,
Detang mengasulat pasiag babalita,
Anti mung comedya O sarswela caya.
Obat macanyan pin ngeni malilyari
E wari ing Among buri de deng tawu?
Ing moralidad na ampung pangatawu
Alang lang asabi mas byasa ya kanu.
Nung Gobernador ca tawung mamuntucan
Metung a probinsyang kekang sasacupan
Emu moralidad ing dapat gamitan
Uling politica marinat a luban.
Agyamang biasa ca ketang teologya
Pamanaral tawu E pagcaskitan
Yti eya sapat king pamanungculan,
Diplomasya murin ing dapat mung tuckyan.
E basta cabud mu istung milucluc ca
Agad mung alilan disnan mung sistema,
Agyamang nang santing ing buri mung gawan,
Macacalele ca banayad pacaisipan.
Ugali ding tawu keta kekatamu
Masakit yang tutung pakibagayan mu
Dacal lang lalapit kereng politicu
Istung eka bisa calaban ca canu.
Ytang malilyari carin capitolyu
Ababalu da ngan deng tawu keng baryu
E sana paysupil lumaban yang ustu
Ba namung magbayu ing sistema tamu.
Nung atin mang mituturan careng batong besibas cu
Ela sana pu mimimwa babye cu ing discargu cu
Uling yti cailangan ya balang mabyasa ding tawu,
Nung nanung clasing gobyernu dapat miral capitolyu.
Dinan de sanang upaya ing kekatang gobernador
A pagaralan nang ibayu gewa da retang "cubrador"
Alben dang miamasamas ela basta't manyad pabor
Era agad sisingilan, anting bayad "contributor".
Malapit na ing eleksyon nung sakali tagal ya pa
Nung dapat O alilan na ya "Second Term" ibye pa caya?
Nung midayu ing "corruption" ketang pamanungkulan na
Keta king "National Government" dapat tayang iparala.
NGAYU PA YA ?. . . . .
|
Yahoo! Groups TipsDid you know...Want to share photos of your group with the world? Add a group photo to Flickr. |
Having problems with message search?
Fill out this form to ensure your group is one of the first to be migrated to the new message search system.
|
|||||||||||||||||||||||||||||||||||||||||||||||||||||||||||||||||||||||||||
Offline 
Send Email